Lac 1 dalam 57 urang mek hu Giải thưởng Lương Định Của meng blaoh, sa-ai Đinh Thị Tuyết Nhung, Yam ndoc Hợp tác xã Nhung Luỹ, daok di xã Yên Dương, huyện Ba Bể, tỉnh Bắc Kạn brei thau, yaom lac tỉnh Bắc Kạn oh hu rilo F0, min jit Covid-19 jeng ngak brei bruk pablei kaya nong gaok rilo kan kandah. Nan ye, sa-ai salih jalan pablei salih, pambuak bruk ngak tabiak…piah ba lạp sườn tuan amra ging Tây Bắc, baoh dak pahe Ba Bể …pablei di bhum ala tui rilo jalan karei di gauk.

Sa-ai Nhung brei thau: Salih ka jalan palei yau dahlau diah, HTX Nhung Lũy  peih bruk pablei kaya nong tui rilo jalan yau livestream tal mbaoh tangin tame harak pambuak bruk pablei kaya nong saong dom sieu thi praong...Meng hu pandar dom công nghệ nan ye khol dahlak jeng yam tapa jit ruak praong thun 2021, oh kan kandah rilo.

Tui Jabat điều phối pakat negar ka bruk patrun kathaot, Mentri LĐ-TB saong XH, dahlau di ini 5 thun, meyah nao tal dom palei urang bangsa takik di dom tỉnh Tây Nguyên, kan mboh mikva di labik ini pandar komputer, phone tangin atau mạng XH. Min, tuk dom danak dak ngak kinh tế ngak nong tui bruk pambuak chuỗi, ngak iek dom bruk padang mbang ngui, mikva di bhum atah bayah hu pandar Internet, peih praong darak pasar saong pambuak gauk pablei salaih, yaih khan, pablei kaya nong tapa bruk pandar công nghệ thông tin.

Sa-ai Trần Văn Công, Akok Hội đồng Quản trị HTX Nông nghiệp hữu cơ hacih sa-at FAOS, xã Ia Rong, huyện Chư Pưh, tỉnh Gia Lai oh padeih pandar công nghệ, pandar số, piah yam tapa kan kandah kayua jit Covid-19. Meng bruk ba kaya nong pablei angaok dom blah web điện tử, dom mạng XH dom pandap  yau tinh dầu sả, tapung kanjik, bei Nhật, bơ booth Chư Pưh...,jien mek tame di HTX dalam thun 2021 hu labaih 2 tỷ đồng. HTX duah hu ba bruk ngak tani tanat ka labaih 40 dam dara dalam palei, jien mek tame yaok urang meng 5 tal 8 trieu đồng sa bilan.

Piah meda jhul khang bruk salih tapa pandar số, pandar công nghệ dalam bruk ngak tabiak kaya nong, Tiến sỹ Chử Đức Hoàng, Phó Akok jabat Daong ka Đề tài ngak bruk, Kadung jien salih bahrau công nghệ negar, Mentri Khoa học saong Công nghệ mboh lac, dom bruk, danak dak padang mbang ngui di dom ayut ranaih umo brei pataom, ngak jeng dom dữ liệu ka khoa học công nghệ, meda ba tame pandar di grauk labik dalam negar. Viet Nam lac sa taneh ia ngak nong, khol drei padang chuỗi giá trị, gam haong chuỗi kaya nong nghiep saong yam tabiak dunya, lac bruk biak praong.

Urak ini, bruk salih tapa pandar số dalam bruk ngak nong daok gaok rilo kan kadah, paga pacang. Yau nan min, dom dam dara dalam palei samar thau pandar, pataom tame bruk parilo jalan pablei kaya nong tui dom jalan công nghệ birau, roh duah tabiak rilo pandap birau  hu pandar cong nghe, ilamu glong dalam bruk ngak tabiak kaya nong. Bruk tut ngan sở hữu trí tuệ, padang angan pablei salih, khik angan pablei salih angaok mạng jeng hu ngak biak tani tanat. Caong khin tukvak anak tal, dom pandap panda kaya nong pablei angaok blah web điện tử  meda hu rilo jang piah yam tal yaok bhum palei, oh daok bruk atah bayah./.

Urang lang: A.Nghiem – 22/2/2022