Danak dak hu parang main ndung bak ilamu Cham pak di Quang Nam

"Melam Mỹ Sơn ginreih" lac danak dak parang me-in ilamu langiu langik, piah brei mboh veik dom yaom glaong di ilamu Cam. Danak dak hu 3 binah, dui atah dalam 60 minit.

Binah camereip hu angan ieu lac "Thung lũng-câu chuyện thời gian" brei mboh veik biak cambaih dom tukvak rah tabiak di labik bimaong kalan saong bruk gheih mekre di labik bimaong kalan tapa yaok tukvak meng kan.

Binah ka 2: "Melam Mỹ Sơn ginreih" hu ba menuac sia nao tame veik tukvak tapa blaoh piah mboh hu halau gha ginreih.

Binah ka 3: "Ánh sáng giao hòa" lac bruk pambuak gauk siam mekre di saman dahlau haong harei ini, meng kan haong urak ini, kakei, pahadar rai hadei khik ramik saong patagok dom yaom glaong urak ini daok hu.

Danak dak hu padang ngak haong labaih 200 nghệ sĩ, diễn viên hu ba tal urang maong iek meng dom janih ilamu, nghệ thuật.

Bruk pambuak gauk di dom ragu tamia gam haong “kỹ xảo ánh sáng” jeng yau “hiệu ứng sân khấu” piah ngak jeng bruk parang me-in yau biak saong njauk caik hatai di abih. Ini oh njauk lac bruk ngak dalam dom bruk di Thun Du lịch pakat negar 2022, bo daok lac bruk ngak gam gam piah duh ka tuai damuai. Sa-ai Phạm Hoàng Thủy (umo 48 thun, lac urang tuai mai meng ban Đà Nẵng) brei thau, jaik 3 thun kuhria meng tuk jit COVID-19 tamuh tabiak tal urak ini, drei meng hu nao ravang Mỹ Sơn, hu maong iek Melam Mỹ Sơn ginreih biak gheih saong dom bruk ngak, sa-ai mboh biak bui sambai. Sa-ai Phạm Hoàng Thủy brei thau: "Caong lac Mỹ Sơn meda taduan raok rilo tuai mai ravang me-in, maong iek danak dak ini".

Langiu di danak dak parang me-in ilamu nghệ thuật, "Melam Mỹ Sơn ginreih" daok hu rilo bruk ngak karei. Tuai damuai hu maong iek rilo janih ilamu bhap bini meng kan mai, yau ye trích đoạn dom rija, roya di urang Cam, taom gaok, ndom biai nao mai saong pasram daoh ragu daoh bhap bini Cam atau dom janih parang me-in karei karei... Taphia nan, tuai damuai daok hu ba drei tame me-in dom kadha me-in meng kan di bhap bini, hu ngak iek dom bruk ngak meng kan di urang Cam yau ye ngak lan am, menyim khan bai, ngak parik Cam..; hu mbang iek dom kaya mbang di bhap bini Quảng Nam saong di urang Cam.

Tui ong Phan Hộ, Yam ndok mban khik ramik inem krung ilamu Mỹ Sơn, rilo thun tapa, mban khik ramik inem krung ilamu Mỹ Sơn tuk halei jeng caong khin lac, brei ngak sa bruk hagait nan piah khik takai tuai daok veik Mỹ Sơn, piah ka bhap bini jeng hu mbang tui dom kein laba. Kayua yau nan ye, Melam Mỹ Sơn ginreih tabiak rai meda pabak hu bruk me-in sambai tuk melam ka tuai damuai, pambuak haong bruk ba drei tame maong iek dom gheih mekre vil val inem mek. Tukvak tapa, dalam tuk bruk khik ramik hu sahneng kuhria tani tanat caik ka bimaong kalan hu khik veik yau tamo di abih, ye dom inem mek phi vật thể di Mỹ Sơn jeng daok biak “taba”... Meng dom suh sah nan, kapul urang ngak ilamu di Mỹ Sơn khang hatai ngak brei medeih veik dom siam mekre di abih di bhum taneh ini, meng ilamu nghệ thuật. Urak ini, mBan khik ramik inem krung ilamu dunya Mỹ Sơn hu pambuak bruk haong dom gah lữ hành piah padang tour du lịch, piah yaih khan praong dalam danak dak ilamu nghệ thuật biak gheih ini.

Tui taong yaom di dom chuyên gia saong di urang hu maong iek, danak dak ilamu nghệ thuật "Melam Mỹ Sơn ginreih" saong dom pandap du lịch bahrau, meda rik daong biak siam piah ka du lịch hu siam veik saong cakrok tagaok, daong ngak brei hu rilo janih pandap jang dalam thun du lịch pakat negar. Ini daok lac pandap ba akaok nao dahlau dalam bruk padang angan du lịch hijao daok hu Quảng Nam pamaong tal./.

Urang lang: Mousaphuong-3/4