Kadha vak: “Daong Tet ka urang ngak” di urang vak mbao Nguoi Lao ndong.

Khan ka bruk kuhria Tết ka urang ngak pah bilik daok tuk Tết thun sak tapai 2023, ong Nguyễn Thành Tâm, po sang brei pah bilik daok labik 2/17 TL16, khu phố 3B, phường Thạnh Lộc, quận 12, TP HCM brei thau, thun ini ong pambuak bruk haong Liên đoàn lao động quận 12 saong Pasak daong dam dara urang ngak TP HCM peih tiệc tất niên brei ka 400 urang ngak di harei 7-1 (lac harei 16 saka ia bulan). Labik brei pah bilik daok di ong Tâm hu 152 bilik, urang pah daok, rilo meng lac urang ngak meng tỉnh karei mai ngak bruk. Dalam 10 thun tapa, thun halei ong Tâm jeng hu peih tiệc tất niên ka urang ngak daok veik mbang Tết. Dom pok pandap Tết hu diuk pasang ong papaok saong ba nao brei ka dom bilik, dalam nan rilo meng lac ahar, kẹo, ia masin, hạt nêm, menyek mbang, cà phê.

Labik brei pah bilik daok di amuk Nguyễn Thị Huệ (di labik 155/23 Lê Đình Cẩn, phường Tân Tạo, quận Bình Tân, TP HCM) hu 125 bilik haong labaih 200 menuac pah, rilo meng lac urang ngak di dom DN dalam quận. Daok jaik adei sa-ai urang ngak dalam rilo thun saong bhian klah rabha ka raidiuk, ka bruk hit yaok harei haong urang ngak, nan ye amuk thau hu dom kan kandah di urang ngak meng tỉnh karei mai ngak.

Nan ye, langiu di pambuak bruk haong dom kapul nyaom dalam quận peih dom bruk daong ka urang ngak gaok kan kandah, tut Tết yaok thun, amuk jeng hu peih tiệc tất niên piah ba bui sambai ka urang ngak atah palei. Tukvak ini, labik brei pah bilik daok di amuk hu dom bilik saoh kayua urang ngak lahik bruk nao palei veik, saong rilo urang ngak daok njauk cakak trun mon ngak bruk. Kayua yau nan ye, thun ini, amuk Huệ jeng daok peih tiệc tất niên piah pachreih ba urang ngak. Gam haong nan, amuk daok hu caga ka yaok bilik 1 pok pandap Tết yaom 300.000 đồng.

Dom harei ini, amuk Trần Thị Hồng, po labik brei pah bilik daok di labik 128 jalan ka 6, phường Bình Trị Đông B, quận Bình Tân, jeng daok caga pandap Tết alin hadiah brei ka urang ngak pah bilik daok. Pok pandap hu brah, ikan hộp, bột ngọt, saradang, ia tương, ahar, kẹo. Labik di amuk Hồng hu 20 bilik brei pah saong ini lac labik ba jien tame di sang amuk. Bruk dom urang ngak bayar bilik nao palei, ngak ka muk jeng trun jien mek tame. Min bruk daong ka urang ngak gaok kan kandah jeng daok hu amuk Hồng sangka brei ngak dahlau. Dom urang ngak bayar bilik nao palei, amuk jeng pachreih urang mai veik hadei di Tết saong oh mek jien pah bilik. Dahlau di tuk nao palei, yaok urang ngak daok hu amuk alin brei pandap saong daong hasit jien sahui nao jalan.

Sa po labik brei pah bilik daok hu hatai siam karei lac amuk Bùi Thị Tuyết Lan (daok di xã Vĩnh Lộc B, huyện Bình Chánh, TP HCM). Bruk ngak mbang kan kandah ngak brei rilo urang ngak dalam labik brei pah bilik daok di amuk lahik bruk, kurang bruk ngak. Amuk Lan khan lac: Thun ini ngak mbang kan kandah, rilo urang ngak oh nao palei, amuk jeng brei pok pandap Tết, rilo meng lac brah, bột ngọt, menyek mbang, saradang. Bilik halei kan kandah jang hu amuk brei 2 pok, daok urang ngak gaok kan kandah hu amuk lì xì brei 400.000 đồng. Labik di amuk Lan urak ini hu 40 bilik brei pah, yaom 1,1 triệu đồng sa bilan saong labaih 10 thun ini mai oh tagok yaom.

Yaok thun, tal harei 25, 26 bilan Mat lac amuk Bùi Thị Bên, KP 2, phường Tăng Nhơn Phú A, Ban Thủ Đức, Ban raya HCM nao tal yaok bilik daok pah, alin pandap Tết brei ka urang ngak. Tết thun ini, amuk alin 20 pok pandap brei ka urang pah bilik daok. Yaok pok hu 10 kg brah, ahar, menyek mbang, bột nêm, ia baoh adak… yaom 300.000 đồng sa pok gam haong  bao lì xì 200.000 đồng brei ka yaok bilik. Langiu di nan, amuk Bên daok brei 10 pok pandap ka urang ngak bruk tự do, raidiuk kan kandah daok jaik labik sang di amuk./.