Dah page, tapen ikan tasik La Gi (ban sit La Gi, tỉnh Bình Thuận) bak gilai kapal tame tabiak, bruk pablei salih kaya ikan rah tabiak dalam chreih chrai. Dom gilai kapal ikan nao tasik lavik harei sumu pataok tame tapen tasik tuk ia harei birau tagok, ba mai yaok tấn ikan, laba hu jien  tỷ.  Ong Võ Thành Quý, Phaok yam ndoc Mban khik iek Tapen ikan La Gi brei thau: Yaom lac xăng menyek tagok glong jang dahlau min mikva jeng daok tabiak tasik meng hu bruk daong jien blei xăng menyek di tỉnh. Langiu di nan, tỉnh jeng patagok kapol gilai dich vụ blei, ngak hacih kaya ikan, ba mbuan lagaih ka urang nao tasik lavik harei.

Tasik Bình Thuận daok di bhum ia tagok yau nan ye meda palao phun kayau ka pataom tame pandauk bo oh njauk lac bhum tasik halei jeng hu. Kayua yau nan ye, Bình Thuận palih ruak kein lagaih di bruk taong chap ikan, raong pala saong ngak tabiak kaya ikan tasik. Danak dak bruk ngak ka 60 di  Tỉnh ủy Bình Thuận (mbang XIII) ndem cambiac laic: Bruk chap mek, raong pala, ngak tabiak pandap meng kaya ikan lac bruk hu makna praong, dang hadei bruk dulich saong dịch vụ tasik…

Gam haong dom sarak daong cambaic laic ka gilai taong chap ikan labik tasik atah, tỉnh Bình Thuận daok padang kapol nyaom, kapol urang daong gauk di tasik piah klah rabha, daong gauk  tuk hu bruk saong trun jien blei menyek. Urak ini, dalam tỉnh hu 129 kapol nyaom daong gauk dalam 982 gilai kapal saong jaik 5 ribau urang ngak saong 5 nghiệp đoàn taong chap ikan. Bruk kapol urang daong gauk oh lac pambuak bruk, daong ka gauk hu siam lagiah bo daok mek hu rilo kaya ikan saong raong kaya ikan di tasik, ba jien tame ka tỉnh tagok glaong meng bruk pablei kaya ikan tabiak negar langiu.

Meng bruk brei ngak dahlau dom bruk lagaih, patagok gah taong chap ikan, Bình Thuận ba mbuan lagaih  ka urang kathaot di bhum tasik hu pandar dom dịch vụ  XH yau ye: mesre phun jien di gilang pariak, pato pakai, pasiam balai  ytế, pasang iek bruk nerak tachrauk alam moi truong… Abih di nyu lac, dom gah chức năng ngak bruk di tasik tuk halei jeng daong brei, nao gam haong urang nao tasik, sangka kuhria raidiuk pandap panda jalan sahaneng saong daong urang nao tasik tuk hu bruk rah tabiak.

Labaih 20 thun ngak mbang di tasik, rilo mbang nao tapa dom kaoh pulao oh hu manuac daok, urang nao tasik angan Đỗ Văn Thái, xã Ngũ Phụng, huyện Phú Quý bhain hu rilo mbang mboh hu hala dok karei di negar langiu klauk tagok pulao di labik ngak po di Viet Nam. Tuk nan, sa-ai khan ka urang daok di baoh taneh thau ka bruk nan, bloh tagok mbon pulao buac hala dok klak. Langiu di nan, sa-ai Thái hu pabak rilo khaw tin ka bol lin hải quân thau ka gilai negar langiu mboh karei di bhum taphia negar…Rilo urang nao tasik jeng brei mboh bruk ngak di bhap bini haong Taneh ia, sumu khan bruk an ninh di tasik ka gah chức năng thau.

Ủy viên Trung ương Đảng, Bí thư Tỉnh ủy Bình Thuận, Dương Văn An brei thau: Patagok bruk kinh tế tasik nan lac bruk hu makna praong di tỉnh; tui nan, pakhang bruk quốc phòng, padang bol pan phao kraong khang kajap, paglong bruk pacang caga, pabak bruk khik caga quyền ngak po tasik, kaoh pulao. Ini lac bruk ngak di taong abih gah chính trị saong taong abih bhap bini ba gauk sangka iek glang bruk cak rok patagok khang kajap, abih gah kinh tế tasik saong khik caga khang kajap tasik, pulao tui kadha “Yaok sa kapal gilai lac sa got jamang brei mboh bruk ngak po, yaok bhap bini lac sa urang lin khik caga bruk ngak po tasik, pulao gireik di Taneh ia”./.

Urang lang: A.Nghiêm – 12/9/2022