Bhum taneran kraong Cuu Long lac labik hu taneh riya phun kayau patau hijao mekre, langik tasik siam gheih, bein phun kayau bak baoh, dom mblang hamu, bein caraih praong, atah atau bruk gheih mekre di tasik pulao  yau khik takai tuai veik. Rilo tỉnh, ban di Bhum taneran kraong Cuu Long daok pambak tame prein khang di bhum palei, brei tabiak mbaok dom pandap du lich karei di palei drei. Gam haong nan, brei jhul tagok khang bruk dulich karei di palei drei saong pambuak gauk ngak.

  Tijuk thun dahlau, Ðồng Tháp tame bruk padang ngak jalan patagok pandap dulich di drei. Tỉnh pataom tame patagok dom pandap pambuak saong bruk ngak nong, dom gheih mekre di kraong ia saong ilamu di bhum palei, yau: rivang bhum taneh ia ndik, iek bingu caraih di Tháp Mười, du lịch bhap bini di Palei bingu kiểng Sa Ðéc...

Di Bạc Liêu, meda ndem tal dom labik dulich danei angan hu Hiệp hội Dulich Bhum taneran kraong Cuu Long brei angan lac labik mekre njauk nao tal, yau: labik điện hangin Bạc Liêu, paha Xiêm Cán, labik sang Công tử Bạc Liêu, labik pahadar Nghệ thuật đờn ca tài tử Nam Bộ saong nhạc sĩ Cao Văn Lầu…Dalam nan, sa pandap dulich biak mekre, brei mboh bruk karei di gah dulich di palei ini lac danak dak điện hangin tapen tasik huyện Hòa Bình. Ong Hoàng Cường, Yam ndoc Mban khik iek Danak dak Ðiện hangin Hòa Bình 1 brei thau: “ Meng akaok  mereip, dalam tuk thiet ke peih ngak danak dak điện hangin jeng hu kuhria tal bruk gam buh jien tame ngak piah mek pandar điện hangin, gam duh ka bruk patagok dulich. Urak ini, khol dahlak pambuak bruk khang kajap saong Sở Ilamu, The thao saong Dulich Bạc Liêu piah ba tame pandar dom labik rivang ma-in. Tuai damuai biak chreih chrai tuk hu ndik angaok radaih điện  meng mbaok taneh nao tal dom got tua-bin langiu tasik atah labaih 12km”.

Daok di Cà Mau, karja tỉnh birau patabiak danak dak “ Ca Mau labik nao tal thun 2022”, piah yaih khan dom gheih mekre, preih khang  di bhum palei ini. Mai tal Cà Mau, tuai damuai hu mboh di anak meta dom mbang pakacah ghe di kraong Ðất Mũi, pakacah ghe ba lá angaok kraong Cái Tàu, lễ padang angan kỷ lục ngan saong sruh danko praong abih di Viet Nam, mbang dom pandap mbang ngak meng ariang tasik  bingi abih miền Tây…

  Rilo tỉnh, ban Bhum taneran kraong Cuu Long hu padang ngak saong tabiak mbaok rilo pandap dulich karei di drei, pachreih tuai damuai dalam saong langiu negar. Yau nan min, piah dulich dalam bhum patagok khang kajap, dom tinh ban brei hu bruk pambuak gauk khang kajap.

Di Nyaom biai ba tabiak jalan ngak thun 2022, ngan haong danak dak pambuak gauk patagok dulich di Ban raya Ho Chi Minh saong 13 tỉnh, ban Bhum taneran kraong Cuu Long, dom tỉnh, ban hu mbaoh tangin tame quy che, sanya gauk pambuak bruk dom bhum piah jhul khang bruk ba tame pandar hu lagaih, prein khang dulich; plaik bruk  patagok tui hatai yau rilo thun tapa.

Muk Phan Thị Thắng, Pho akaok UB bhap bini Ban raya HCM, ndom lac: “Meng ini tal puac thun 2022 saong dom thun anak tal, Ban raya HCM daok iek praong, jhul khang bruk padang ngak dom pandap pambuak 13 tỉnh, ban Bhum taneran kraong Cuu Long di dom labik, dom jalan bo dom tỉnh, ban saong doanh nghiep hu pasang iek”

Tui Thứ trưởng Mintri Ilamu, Thể thao saong Du lịch Ðoàn Văn Việt, bruk pambuak gauk patagok dulich di Ban raya HCM saong 13 tỉnh, ban Bhum taneran kraong Cuu Long, abih di nyu nan lac bruk padang kapul pambuak gauk patagok dulich bhum saong peih ngak siam dom asar kadha hu sanya gauk pambuak bruk, danak dak bruk ngak lac jalan ngak siam, gheih, hadah krah, njauk patagok jeng yau pambak praong jang./.

Urang lang: Ai Nghiem – 29/4/2022