Rajaei quy hoạch dom jalan mbak vaktu 2021-2030, pamong tal thun 2050 ka bhum taneh taneran kraong Cuu Long lac 6 jalan peih drah samar atah 1.188km, Tal tukvak ini, Bhum taneran kraong Cuu Long hu ba tame pandar brei ka radaih peih 200km jalan nduac drah samar hu 4 jalan radaih peih, nan lac: dom jalan peih drah samar TP.HCM - Trung Lương; Trung Lương - Mỹ Thuận; Mỹ Thuận - Cần Thơ; Cao Lãnh - Lộ Tẻ saong Lộ Tẻ - Rạch Sỏi. Daok peih ngak 5 danak dak jalan mbak hu makna praong pakat negar hu bruk tacei ba di Mban tacei jalan di Karja, nan lac: jalan peih drah samar Cần Thơ - Cà Mau; Châu Đốc - Cần Thơ - Sóc Trăng; Cao Lãnh - An Hữu; Mỹ An - Cao Lãnh saong jalan Hồ Chí Minh nao tapa Rạch Sỏi - Bến Nhất, Gò Quao - Vĩnh Thuận. 

Di dua jalan Cần Thơ – Cà Mau saong Châu Đốc – Cần Thơ – Sóc Trăng, bruk peih taneh tukvak tapa hu jaik blaoh. UB bhap bini tỉnh An Giang khan lac taneh hu taong abih di puac thun. Ong Nguyễn Văn Hiếu - Bí thư Thành ủy Cần Thơ mboh lac, ban ini hu ralo kein lagaih meng dua jalan peih drah samar, nan ye daok pataom tame peih abih taneh daok veik:  “Khol dahlak brei pambuak bruk haong dom gah điện lực, viễn thông langyah blaoh dalam bilan 7 saong bilan 8, jao brei mbaoh taneh hacih ka dom gah ngak jalan. Bruk ka 2 nan lac hu tacei pato daong ka dom đơn vị peih ngak jhul pasamar tukvak ngak bruk, pabak veik tukvak tapa ngak suai kayua kurang cuah.”

Bruk peih padang ngak, tui caong khin di Quoc hoi, Rajaei, 2 danak dak brei ngak salah dalam thun 2025, nan lac: Cần Thơ - Cà Mau saong jalan Hồ Chí Minh labik Rạch Sỏi - Bến Nhất, Gò Quao - Vĩnh Thuận. Ta-eng jaln peih drah samar Châu Đốc - Cần Thơ - Sóc Trăng meda ngak salah di thun 2026. Piah meda ngak hu salah dom danak dak tui bruk ba tabiak, bruk praong di urak ini lac brei hu cuah pabak mbaok jalan, patau candaih saong bruk kham merat di dom po thau.

Tal urak ini thau hu labik kuac mek cuah abih tih labaih 63 trieu met khoi dut saong bruk pandar lac 55 trieu met khoi hu pabak brei meng dom tinh lac: An Giang, Vĩnh Long, Bến Tre, Tiền Giang saong Sóc Trăng. Yau nan min, bruk njauk sahaneng ralo abih di urak ini nan lac cuah njauk “klak rabha 5, 7 labik” ka dom danak dak gam lac danak dak praong pakat negar, gam lac danak dak padang ngak jalan mbak sang danaok di bhum palei. Langiu di nan, kuhria abih tih patau piah ngak dom danak dak jalan peih drah samar lac 5,5 trieu met khoi, mbiah tal bilan 12 ini brei pataom ginup patau mai labik ngak. Min urak ini bruk kuac mek yaok thun tui harak adat  tok 1 trieu meteh met khoi patau. Thượng tá Dương Đình Tuấn – Yam ndoc Ban điều hành Trường Sơn 10, Tổng công ty Xây dựng Trường Sơn khan lac:  “Bruk khin hu patau piah ngak jalan peih drah samar lac biak praong. Dalam tuk nan, hu biak takik mỏ piah pabak. Caong khin Thu tuong tacei pato tỉnh Kiên Giang, An Giang, Bình Dương, Đồng Nai, Bà Rịa – Vũng Tàu, akaok UB bhap bini dom tỉnh ini brei pasamar paglong bruk ngak piah ba tame pandar. Bruk nan lac sa dalam dom labik tavak njauk brei ngak salah”.

 Thu tuong Phạm Minh Chính hu brei bruk cambaic laic ka dom Mentri - Dom gah- dom tinh, tui nan tacei lac, bruk pamong tal thun 2025 Bhum taneran kraong Cuu Long brei hu 600 km saong tal thun 2030 hu 1.200km jalan peih darh samar. Pandap ngak, brei pabak ginup, ngak salah  njauk tukvak. Dom tỉnh bhum taneran kraong Cuu Long daong ka dom tỉnh bhum gah Timur negar hu cuah; dom tỉnh bhum Timur  negar daong patau candaih ka dom tỉnh bhum gah Pei negar: “ Dom tỉnh An Giang, Đồng Tháp, Tiền Giang, Sóc Trăng lac labik hu mỏ cuah ye brei peih praong tabiak. Dom labik halei oh ka hu ye brei peih birau, ngak harak adat samar. Salih ka bruk dahlau diah ngak meng thun ye urak ini brei ngak meng bilan. Pambak tal dom danak dak ky thuat ye dom cục Điện lực di dom tỉnh njauk brei langyah. Dom po thầu hu brei thầu, meriak thầu, hu jao brei bruk ngak biak siam. Dom po thầu nan brei pandar dom po thau di bhum palei piah khol drei jhul pasamar tukvak peih ngak saong  daong dom po thầu di bhum palei piah cak rok patagok.”

Bruk cak rok patagok jalan peih drah samar, jalan mbak nao mai brei pambuak haong bruk cak rok patagok logistics, pambuak saong dom danak dak karei buh jien tame ngak brei cak rok di bhum saong dom bhum palei. Nan ye, brei hu bruk pambuak sumu gauk, siam lagaih piah ngak brei huan tapak yau hatai caong khin di bhap bini dalam negar jeng yau Bhum taneran kraong Cuu Long. Iek bruk nan yau sa bruk “ apui cuh iek ameh”, bhum palei kham merat yam tapa kan kandah piah ngak salah bruk pakat negar./.