Tuk vak ini, doanh nghiệp ngak nong di TP.HCM daok jhul pakhang peih prong taneh ngak piah pabak bruk blei pandar dalam  tuk Tết Dương lịch saong Nguyên đán anak tal. Yau nan min, phun jien mesre daok ngak ka doanh nghiệp gaok biak rilo kan kandah. Ong Lâm Ngọc Tuấn, akaok Hợp tác xã (HTX) njam pala dalam aia Tuấn Ngọc, TP.Thủ Đức brei thau, meng 1ha taneh pala njam di urak ini, hợp tác xã oh pabak ginup ka bruk kakei blei puac thun. Kayua oh mesre hu phun jien nan ye bruk peih prong jang 2ha di tỉnh Đồng Nai saong Ninh Thuận oh ngak hu, bo HTX tok peih prong jang 2.000m2 di tỉnh Đồng Nai. Ong Lâm Ngọc Tuấn lac: “Biak di nyu  phun jien di HTX oh daok rilo jeng caong khin karja jeng yau gilang pariak karja daong phun jien ka mikva. HTX jeng sanya haong gilang pariak, labik brei mesre lac pandar phun jien mesre biak kein laghaih piah jhul khang cak rok patagok ilamu glaong.”

Tui ong Phan Văn Dũng, Phaok TGĐ Cty Cổ phần Việt Nam Kỹ nghệ Súc Sản VISSAN: Tukvak tapa, gilang pariak tagok jien jhung ka jien payua tame gilang pariak, gam haong nan lac ngak catang bruk mesre tín dụng ngak ka doanh nghiệp gaok kan kandah. Piah ka doanh nghiệp, hợp tác xã hu mesraiy phun jien, brei hu dom sarak daong, bruk nao gam di gilang pariak, labik brei mesre.

Meng blaoh, Rajaei hu tabiak Nghị định 31 harei 20/5/2022 ka bruk daong 2% jien jhung meng gilang pariak Karja ka dom pok jien mesre di doanh nghiệp, hợp tác xã, baoh sang ngak mbang pablei salih. Yau nan min, bruk peih pok jien brei mesre ini biak suai damuai ngak ka rilo doanh nghiệp pa-yeng mbaok haong pok jien mesre ini.

Langyah ka makna, ong Nguyễn Đức Lệnh, Phaok Akaok Gilang pariak Karja, dhan TP.HCM brei thau, kayua ini lac phun jien mesre meng gilang pariak karja nan ye bruk pasang iek biak catang meng bruk pandar phun jien mesre, tal bruk mesre phun jien piah ngak hagait… Urak ini, Gilang pariak karja, dhan TP.HCM daok samar pasang iek veik, parabha nyaom tavak sre tui nyaom bruk ngak brei peih ngak dahlau piah duah thau ka labik mesraiy. Tapa nan, langyah, daong ka doanh nghiệp, hợp tác xã samar mesre hu phun jien. Piah langyah kan kandah di anak meta, gilang pariak meda hu ngak bruk haong dom doanh nghiệp, jeng yau quận, huyện piah daong ka hợp tác xã. Ong Nguyễn Đức Lệnh brei thau: “Jalan ngak ka sa lac kham merat khik bruk tani tanat ka jien jhung brei mesre piah daong ka gah cai pandar, daong gah yaom kaom ka  doanh nghiệp grap tanat, khik kajap hu yaom pablei tabiak dalam tukvak puac thun. Jalan ngak ka dua, gilang pariak kham merat peih prong, pabak siam di abih bruk caong khin hu phun jien saong dịch vụ gilang pariak ka doanh nghiệp grap tanat. Taphia di nan, ngan haong doanh nghiệp grap tanat ye njauk patagok bruk patrun jien cai pandar, khik iek jien cai pandar pablei salih jeng yau pambuak bruk siam haong gilang pariak piah nao gam haong gauk cak rok patagok’.

Anak bruk kurang phun jien piah peih prong bruk ngak min oh mesre hu jien, rilo doanh nghiệp, hợp tác xã ngak nong di TP.HCM pok panuac caong, Karja njauk ramik veik bruk brei mesre tui jalan mbuan laghaih jang; Gilang pariak karja brei hu jalan ngak piah ka gilang pariak ba tabiak pok jien daong 2% jien jhung pablei salih siam jang, piah daong ka doanh nghiệp, hợp tác xã pasiam veik bruk ngak hadei di tukvak atah gaok kan kandah kayua jit ruak prong./.

Urang lang: Jasi