Dalam tuk rilo urang ngak gah jhik khan ao di Bình Dương hu takik bruk ngak, lahik bruk ngak kayua doanh nghiệp kurang bruk ngak ye labaih 2.400 urang ngak di Công ty TNHH Tessellation Bình Dương di labik ngak kong VSIP I, jeng daok hu bruk ngak tani tanat 8 maong yaok harei. Piah ngak hu bruk ini, mBan Yam ndok Cty oh daok kandang cang bruk bo kham marat nao duah darak pasa bahrau, duah bruk ngak pabak tame, salih ka bruk pagam pambak tame darak pasa Châu Âu.  

Amuk Nguyễn Thị Kim Chi, Akaok Jabat Nhân sự, Cty TNHH Tessellation Bình Dương khan lac, meng hu bruk ngak bahrau bo cty daok hu bruk ngak saong hu jien kuhria ka urang ngak: “Cty sangka raidiuk ka urang ngak di drei tapa dom var mbang, tani tanat jien mek tame meng bruk khik kajap maong ngak,, khik kajap bruk ngak. Langiu di nan, công đoàn pambuak haong dom gah di cty duah thau dom urang ngak halei gaok kan kandah, ruak kik ye mek jien di kadung jien công đoàn, jak ba daong gauk.”

Daok di Cty TNHH AG Vina, lac labik ngak ba lô, kadung teik di ban Thuận An, hadei di tuk darak pasa pablei tapa Đức njauk kareik pabang, cty kham marat duah bruk ngak piah pablei tapa Nhật Bản, Mỹ. Meng angan je padang hu blaoh, cty jeng mbuan duah hu dom bruk ngak piah khik bruk ngak di sang mac, tani tanat bruk ngak ka labaih 1.150 urang ngak haong jien bilan kuhria rah tapa lac 7 triệu đồng sa bilan. Gam haong nan jeng khik hu chế độ phúc lợi, tagok jien mek tame saong ngak jeng labik ngak bruk salamat ka urang ngak pambuak bruk suai lavik.

Tỉnh Bình Dương urak ini hu labaih 65.700 doanh nghiệp daok ngak bruk. Dom bilan jaik di ini, jaik 230 doanh nghiệp trun phun jien, giải thể, padeih ngak, ba tal kan kandah di yaok piluh ribau urang ngak. Thau hu dom kan kandah nan, urang ngak di Bình Dương biak iek praong bruk ngak saong kham marat yaok harei piah gam haong doanh nghiệp yam tapa kan kandah. Kayua lac urak ini, bruk bo urang ngak caong khin abih lac hu bruk ngak saong jien mek tame tani tanat. Saai Nguyễn Thị Thanh Huê, urang jhik di Công ty TNHH Shyang Hung Cheng ndem lac:  “Doanh nghiệp kurang bruk ngak jeng oh bui min oh thau ngak hagait veik. Doanh nghiệp ieu mai ngak bruk gilac saong meda pachreih tui công ty ngak salah bruk ngak. Dalam tukvak daok cang bruk jeng gaok kan kandah, nan je cai pandar kali kalih. Caong khin cty hu bruk ngak piah ngak gam gam piah hu raidiuk tani tanat jang”.

Klah raba kan kandah haong urang ngak, dom pakat công đoàn tỉnh Binh Duong jeng sangka kuhria ka urang ngak meng kadung jien karja tỉnh, kadung jien cong đoan saong jien jak ba tui jalan ngak lac: “taong abih đoàn viên, urang ngak jeng hu công đoàn sangka, daong brei”.

Langiu di bruk nao rivang, alin yaok ribau paok pandap, meng akaok thun 2023 tal urak ini, công đoàn di Bình Dương daok hu jak ba dom gah peih dom gian hàng trun yaom, gian hàng 0 đồng piah ka urang ngak blei pandap, mbaok tangin pambuak bruk haong dom jabat y tế iek glang prein yava oh mek jien ka dom urang ngak gaok kan kandah...

Amuk Nguyễn Kim Loan, akaok Liên đoàn Lao động Bình Dương ndom lac, công đoàn kham merat ngak abih drei piah ka urang ngak yam tapa kan kandah, hu pabak prein khang piah gam haong doanh nghiệp cak rok patagok: “Công đoàn jeng hu pambuak bruk haong po dom doanh nghiệp piah hu dom sarak sangka siam abih ka urang ngak gaok kan kandah dalam tuk  yaom kaom tagok glaong, kan kandah kayua jit ruak COVID-19 meng blaoh. Dalam bilan urang ngak ini, doanh nghiệp jeng hu dom bruk ngak piah dhar phor urang ngak hu  rik daong lavik thun ka doanh nghiệp…"

Gam klah raba kan kandah haong urang ngak, urak ini, rilo po sang tro di Bình Dương jeng daok trun jien pah labik daok meng 10-30%. Mban khik ramik dom khu phố di Bình Dương jeng daok yaok pataom angan dom urang ngak gaok kan kandah di dom labik sang tro piah jak ba alin pandap mbang, pandap pandar yaok harei tui jalan lac "hala siam pacang hala tahak"./.