Tuk xăng tagok yaom rilo janih pandap panda jeng tagok tui 

Ong Nguyễn Viết Vị - Akaok Hợp tác xã Thương mại - Dịch vụ Phước Thiện, tỉnh Bình Phước khan brei thau: hợp tác xã kham merat ba tabiak rilo jalan ngak piah patrun yaom jien buh tame ngak, min labaih 1.000 ha mblang taneh pala panat ralow bhong saong dom janih phun pala karei di hợp tác xã tok ngak hu jaik 70%. Tukvak pala ngak, hợp tác xã jeng brei patrun biak rilo khak drak, jru pametai halak salih meng khak van ro meng kan. Gam haong nan, hợp tác xã ginum biai nao mai haong dom hãng pajeng ba piah khik tani tanat pandap panda kaya nong. Ong Nguyễn Viết Vị, daok brei thau lac:  

Urak ini hợp tác xã jeng oh khin ngak abih công xuất kayua daok huac ka darak pasar gam haong phun jien buh tame ngak biak prong. Nan ye urak ini daok rilo kan kandah, jalan ngak jeng daok rilo bruk njauk ngak min hợp tác xã jeng oh ka mesre hu phun jien piah buh tame ngak ka nyu samu haong bruk tagok yaom di darak pasar urak ini). 

Bahrau mek hu yaom gilac oh ka bak sa bilan, yaom thanh long di Long An daok laik yaom baik biar, tuk meng 10.000 đồng sa kg urak ini trun daok 5.000 đồng sa kg. Tui ong Nguyễn Quốc Trịnh, akaok Hiệp hội Thanh Long, tỉnh Long An, bruk yaom xăng menyek tagok glaong daok ngak ka dom doanh nghiệp pablei tabiak negar langiu pandar dom labik blei kateik yaom sang bein. Kayua lac, yaom pajeng ba sa container 20 tấn daok tagok, meng 70 triệu đồng tagok labaih 100 triệu đồng daok ngak kan kandah ka doanh nghiệp.    

Kan kandah dalam bruk ngak tabiak kaya nong ngak ka bruk pajeng ba jeng takik tui. Ong Lê Thành Thảo, akaok Jabat Tổ chức- Pháp chế, Công Ty Cổ phần Vận tải Quang Châu (hu labik daok di phường 12, quận Bình Thạnh, TP.HCM) brei thau, labaih 200 sruh radaih pajeng ba saong container ngan haong labaih 180 urang peih radaih di doanh nghiệp daok ndih di mblang. Yaom xăng tagok min bruk ramik veik yaom pajeng ba jeng njauk mong iek veik ka nyu tani tanat tuk dom pandap panda hadei di Tết trun daok takik. Bruk ramik veik yaom pajeng ba tok lac bruk tukvak piah takik khat, min ramik yau habar piah khik ka nyu tani tanat, khik hu bruk meriak gauk nan lac bruk kan. Ong Thảo lac: 

Dom tuai di drei jeng caong khin khik yaom pajeng tani tanat min urak ini yaom xăng menyek tagok rilo ngak ka doanh nghiệp njauk tagok yaom. Urak ini  doanh nghiệp tagok yaom meda ngak pambak tal urang blei pandar, kayua lac yaom jien pajeng ba tagok meda ngak brei tagok yaom pandap panda. Urang blei pandar njauk  naong abih dom yaom jien nan)

    Hadei meng kan kandah di jit ruak, dom doanh nghiệp, hợp tác xã kham merat peih ngak gilac veik. Yaom lac njauk tui jalan kinh tế darak pasar min bruk tagok yaom di  pandap panda piah ngak kaya nong saong xăng menyek ngak ka dom doanh nghiệp, hợp tác xã daok kuhri kuhria tui jalan yau Yuan lac "liệu cơm gắp mắm" piah daok veik saong kham merat pasiam veik bruk ngak hadei di jit prong./.

    Urang lang: Jasi -3/1