Công ty TNHH Thành Phát di quận Gò Vấp hu labaih 150 urang ngak, dahlau daih jhik capha, aw thun ka dom doanh nghiệp di Mỹ, Nhật, Malaysia. Min, rilo bilan jaik di ini công ty oh taduan hu đơn hàng di darak pas aini saong njauk salih jalan duah darak pasa dalam taneh ia, jhik gia công ka dom nhãn hàng dalam taneh ia. Min, yaom pandap jeng trun 20- 30% dut saong dahlau deih, nan ye doanh nghiệp meda lac oh hu laba, ngak bruk piah khik bruk ngak ka urang ngak. Ong Phan Văn Tuấn – yam ndok Công ty TNHH Thành Phát khan lac: “Urak ini, đơn hàng 30, pandap, 50 blah, 70 blah doanh nghiệp jeng ngak, oh klaak. Tukvak ini lac ngak piah hu bruk ka urang ngak. Drei oh sahneng tal jien laba, tok hu ginup jien sahui lac ngak. Đơn hàng tok ngak tui bilan nan ye drei oh hu jalan ngak suai lavik, oh yau dom thun dahlau drei hu jalan ngak ka tukvak suai lavik”.

Công ty Cổ phần jhik manyim- ngak mbang – pablei salih Thành Công hu labaih 6.500 urang ngak. Meng hu rilo darak pasa nan ye công ty mbuan lagaih jang dalam bruk duah đơn hàng.  Urak ini pandap di công ty ini jeng daok pablei nao Mỹ, châu Âu, Nhật Bản saong Hàn Quốc.  Ong  Trần Như Tùng, akaok Hội đồng quản trị Công ty brei thau, tuk darak pasa Mỹ saong châu Âu gaok kan kandah ye công ty jhul khang bruk pablei tame darak pasa Nhật Bản saong Hàn Quốc saong urak ini hu mbaoh tangin tame đơn hàng jaik ginup piah ngak tal quý 2. Doanh nghiệp daok hu buh jien tame ngak tui jalan hijao, khang kajap, pabak hatai caong di tuai damuai châu Âu, Mỹ piah tuk darak pasa hu siam veik lac meda hu pablei chip. Ong Trần Như Tùng ndem lac: “Doanh nghiệp pataom tame cak rok patagok khang kajap, siam  haong alam môi trường, sang mac hijao, hacih jang tui panuac ieu kakei di tuai damuai. Nan lac dom trak damak bo dalam tukvak anak tal, tuai damuai meda iek praong bruk nan, abih di nyu nan lac dom urang pandar di châu Âu. Kol drei njauk pabak dom kadha nan, meng hu jalan patui veik taduan dom đơn hàng bahrau dalam tukvak anak tal, mayah oh hu yau nan,  ye tuk darak pasa siam gilac veik bo drei oh caga dahlau ye meda klaak tapa jalan lagaih nan.”    

Tui Kapul jhik manyim TP.HCM, urak ini, darak pasa pablei tabiak negar langiu daok gaok kan kandah, nan ye doanh nghiệp jhik manyim praong saong sit jeng caong khin jabat chức năng daong pachreih bruk pablei salih, dui atah saong trun jien je, jhul samar bruk biyar gilac veik jien je giá trị gia tăng. Ong Phạm Xuân Hồng, akaok kapul jhik manyim TP.HCM caong lac: “Piah hu jalan taom gaok hu darak pasa hu rilo jang, Kanja njauk daong manieng jien sahui piah ka bruk jhul samar bruk pablei salih hu khang jang. Doanh nghiệp hu jalan piah hu mbaok tame dom darak pasa dunya di negar langiu atau darak pasa dalam taneh ia (praong pakat dunya). Tapa nan, doanh nghiệp duah darak pasa pablei tabiak negar langiu bahrau, tuai blei bahrau.”

Urak ini, doanh nghiệp jhik manyim daok dang anak rilo kan kandah, meng bruk trun đơn hàng, trun yaom pandap tal panuac ieu kakei salih jalan ngak hijao. Piah yam tapa dom kan kandah ini, doanh nghiệp biak caong hu bruk daong samar drah saong cambaih laih meng Kanja./.