Meng nan, rilo doanh nghiep hu jhul khang bruk salih kong nghe piah patagok prein ngak bruk. Min, piah jhul samar bruk salih hu samar jang ye doanh nghiep njauk hu daong ba siam lagaih jang. Kadha vak di Lệ Hằng, urang vak daok di TP.HCM hu ndem ka bruk ini:  

Công ty TNHH JuKi Việt Nam di Labik chế xuất Tân Thuận, Quận 7, lac cty ngak tabiak dom pandap panda ka mac jhik saong labaih 1.100 urang ngak. Piah paglaong prein ngak tabiak, yaom maraik gauk, jaik di ini doanh nghiep ini hu jhul khang bruk salih ngak tui tự động hóa di rilo bruk, yau ye ngak khuôn, ngak thaot, rami ramik ngak dom pandap. Dalam nan, JuKi hu blei tame rô-bốt mai ngak salih prein ka manuac.

Ong Nguyễn Quang Quý, Taong khik iek sang mac 4 di JuKi brei thau lac, bruk njuk khuôn ieu lac sa bruk ngak trak, ngan haong yaok khuôn trak 15-20kg, caong tal 3 urang salih ka gauk ngak. Urak ini pandar rô-bốt nhún ye njauk hu 1 urang tacei ngak, gam tui di nan prein ngak tal 2 mbang ngan haong 1.000 khuôn sa harei.

Ong Quý brei thau lac: “Dom bruk ngak halei ngak tự động hu ye kol dahlak meda brei ngak tự động piah patagok prein maraik gauk. Pagap yau bruk tuh kim loại ye kol dahlak daok roh duah jalan meda pandar rô-bốt peih ngak. Mayah bruk ngak halei trak, kan kandah ye anak tal kol dahlak jeng pandar rốt- bốt yau bruk kuac cánh quạt, kayua urak ini urang ngak njauk kuan yaok mbaik kuac biak trak”

Di Ban HCM, rilo labik ngak kong, labik chế xuất hu ngak tabiak meng 20-30 thun dahlau deih, nan ye oh takik doanh nghiệp pandar công nghệ oh daok lagaih veik. Anak mata lac doanh nghiep biak caong maong salih bahrau công nghệ, min oh njauk doanh nghiep halei jeng hu kein lagaih, hu prein ngak. Ong Kiều Huỳnh Sơn, Phó akaok Kapul Jamaraik gom điện TP.HCM brei thau lac, njauk hu labaih 10% dom urang dalam Kapul hu prein salih công nghệ. Kayua yau nan ye, Ban raya njauk jhul khang bruk daong ba di doanh nghiep sit saong mbaih hu pambuak haong phun jien masaiy di dom danak dak daong ba ngan haong bruk salih bahrau kong nghe mbuan jang saong siam lagaih jang: “Mayah doanh nghiep oh buh jien tame ngak tu dong ye oh patagok năng suất ye oh maraik gauk hu ye doanh nghiep oh hu jien buh tame, doanh nghiep oh tame hu darak pasa. Mayah daong ba bo doanh nghiep biak sit oh ginup kein lagaih piah ngak tui dom sarak, harak gar blaoh bruk suai damuai di danak dak ye doanh nghiep oh daok “matai aval” veik”.

Bahrau ini, TP.HCM bahrau brei tapa jalan ngak, pamaong tal bruk cak rok patagok dom labik chế xuất saong labik ngak kong tukvak 2023-2030 saong pamaong tal thun 2040. Pamaong tame pak ini, Mban khik ramik dom labik chế xuất, labik ngak kong TP.HCM (Hepza) meda pasram, langyah, daong ba doanh nghiệp salih công nghệ saong pato tacei ilamo ngak bruk ka urang ngak dalam tuk salih ini. Ong Trần Việt Hà, Phó akaok Mban khik ramik labik chế xuất, labik ngak kong TP.HCM (Hepza) brei thau lac: “Meng nan mai tal urak ini, Ban njauk hu kadung jien piah pachreih bruk ngak mbang piah ka doanh nghiep salih bahrau công nghệ, trun bruk tachrauk nerak alam môi trường, trun bruk pandar biak parilo urang ngak, Hepza tuk halei jeng pachreih saong daong ba doanh nghiệp piah pambuak hu haong phun jien salih bahrau công nghệ. Hepza meda daong ba doanh nghiệp dalam tuk salih yau ye dom adat hành chính ngak habar piah ka salamat jalan saong samar drah”.

Ngan haong bruk di urak ini, salih bahrau công nghệ, tự động hóa dalam bruk ngak di dom doanh nghiệp lac kuhria njauk ngak, piah jhul samar bruk salih bahrau ini, TP.HCM njauk samar drah peih ngak rilo sarak daong ba siam lagaih, ba kein laba ka doanh nghiep hu pambuak haong bruk masaiy jien, abih di nyu nan lac doanh nghiep sit saong mbaih./.