Kayua yau nan ye, meng doanh nghiep sit saong mbaih tal doanh nghiep praong jeng daok peih ngak, daok pamaong tal bruk sản xuất hijao. Kadha vak di Minh Hạnh, urang vak di rayo sap ndom Viet Nam daok di TP.HCM hu ndem ka bruk ini:

Di Kong ty TNHH ngak pandap – pablei salih - dịch vụ Qui Phúc, lac kong ty ngak dom pandap nhựa saong inox, meda lac oh hu pandap labaih halei meng bruk ngak njauk klaak nao. Dom klaih nhựa vụn, inox vụn jeng hu gah ngak mẫu mã di cty ba tame maong iek, sahneng duah piah ngak tabiak dom pandap lagaih dalam dom baoh sang. Bruk ngak ini gam oh tathuak nerak tabiak alam langik tasik gam patagok yaom kinh te. Amuk Văn Thị Thủy Tiên, Yam ndok Marketing di cty ini brei thau:  "Bruk ngak hijao dalam doanh nghiep rilo urang sahaneng lac kan min anak meta mboh lac, di Qui Phúc hu ngak blaoh meng lavik mai piah khik siam dom bruk alam langik tasik, môi trường hijao".

Daok di Công ty Nhựa Duy Tân, jalan cak rok patagok hijao hu peih ngak meng bruk brei tabiak rai Công ty Nhựa tái chế Duy Tân (Duy Tân Plastic Recycling). Thun 2022, doanh nghiệp ini hu pataom mek saong ngak veik labaih 1,3 tỷ klaok katak, pablei pandap ngak veik nan tapa 12 taneh ia saong pabak kadung ngak veik ka dom angan je praong yau ye Lavie, Coca-cola… Ong Lê Anh, yam ndok cak rok khang kajap di Kong ty Nhựa tái chế Duy Tân ndom lac, mayah oh sahaneng hijao ye oh ngak hu kinh tế hijao:  "Yaok doanh nghiệp meda pambuak haong kinh te hijao tui sa jalan ngak karei gauk. Lac sa doanh nghiep lavik thun dalam gah nhựa ye urak ini Duy Tân daok cak rok patagok sa jalan ngak lac ngak sa rai bahrau ka gah katak nhựa, rik daong ka Việt Nam jeng hijao,  hacih, makre jang".

Kapul Doanh nghiệp pandap Việt Nam chất lượng glaong hu rilo urang ilamo gah kinh tế, urang khik ramik taong yaom lac hu rilo doanh nghiệp ba akaok nao dahlau dalam bruk san xuat hijao. Amuk Vũ Kim Hạnh, akaok kapul mboh lac, meng bruk chuẩn hóa dom bruk ngak dalam sản xuất, chuẩn hóa chất lượng pandap, pabak hatai caong “hijao” di darak pasa hu ba doanh nghiep nao tal haong kinh te hijao:  "Akhan “hijao” urak ini nao tal haong dom gah, dom bruk ngak. Ngak habar piah trun manieng dom nerak tachauk tabiak alam môi trường vil val. Urang pandar tuk buh phiếu pilih ruah ka doanh nghiep pandap Việt Nam chất lượng glaong ye bruk siam atau oh siam ka alam moi truong hu daok dalam dom bruk sahneng kuhria di dom urang ini blaoh paje".

 Piah san xuat hijao, cak rok kinh te hijao, doanh nghiệp caong: padang ngak hu chuỗi pabak hijao; pato pakai urang ngak saong prein khang di jien padai, công nghệ ka bruk ngak hijao. Dalam dom bruk nan, jaik abih dom doanh nghiệp, abih di nyu nan lac doanh nghiep sit saong mbaih meda njauk kan kandah ka phun jien, ka công nghệ. Min, tal tuk njauk pasiam veik dom kan kandah saong duah jalan ngak bahrau. Mayah oh sahaneng hijao, ngak hijao ye kan piah diuk hu saong cak rok patagok khang kajap./.