Muk Lý Thị Thương daok di Palei 1, xa Gia Huynh, huyen Tánh Linh, tinh Binh Thuan mboh biak ranam anit, pasang njauk bala matai lahik nao, rup gait ruah hatai tim, daok raong 3 urang anek sit, daok mbang bac. Muk saong dom urang anek daok di baoh sang taik tahak sit katil janik janua. Sang barau padang praong 64 m2, hu 1 bilik tuai, 2 bilik ndih, bilik ging dan song bilik pahasih hu caic di anak bih jien 160 triệu đồng mai meng MBang patacei bruk ngak dân vận huyện Tánh Linh daong brei, muk Thương mboh biak drut druai. Muk Lý Thị Thương khan lac:

“Hok po dahalak ndua dhar phol tal mbang pan akaok bonlin huyen pakat uy karja bhum palei brei ka adei baoh sang pandaok hajan pandiak yau ini ganap sampurna adei biak uan tabuan blaoh hu prein khang piah raong anek bik.”

Baoh sang di muk Lý Thị Thương di dalam 5 baoh sang hu MBang patacei bruk ngak jak ba dan saong Mban pan akaok bon lin huyen Tánh Linh padang brei ka mikva urang bangsa takik, brei ka urang baoh sang kathaot di palei palei 1, xa Gia Huynh dalam thun 2024 dan saong akaok thun 2025.

Di ini ralo abih mikva urang bangsa Chơ Ro daok di ralo palei mai ngak mbang. Rai diuk daok ralo kan rambah, ralo baoh sang daok di tadai tuan sang taik sang tahak. Dalam bruk ngak di bhum palei, ngak brukjak ba, Thuong ta Phạm Văn Thướng, Chinh tri vien Mbang pan akaok bol lin huyen Tánh Linh hu jak dom urang ngak mbang blei salih, urang kaya jeng ye dom rik pataom di urang jakar, urang bol lin dalam huyen, gam pakat uy ndang, karja palei padang ngak 5 baoh sang, dalam nan hu 4 baoh sang “Hatai Bonlin saong Rahra - Quân - Dân” dan saong 1 baoh sang jumpataom. Thuong ta Phạm Văn Thướng, Chinh tri vien Mban Pato tacei Bol lin huyen Tánh Linh brei thau:

“Khol dah lak tapa dom bruk pambuak jakba gauk daong rik pataom dom urang daong jien gam jak ba dom adei sa-ai jakar urang bonlin dalam jabat kapul daong prein daong jien pan tangin gauk padang jeng sang danaok daong brei ka mikva”.

Meng thun 2019 tal ini, kapul bonlin di tinh Binh Thuan peih ngak bruk “Kapul bonlin tinh pacatang bruk jumpataom gam saong dom dom bangsa, ugama”. Tapa bruk gam pambuak ngak bruk saong mikva rahra, ngak pah hala ngak phon sua tangi lin brei ndap kaya di harei raya harei tet; dom var pataom mbaok, ginum biai, daong pakhang talei pambuak bruk di dom acar gru saih, tuan tuan, imam, ong taha akaok palei bangsa takik dalam tinh… Bruk pambuak talei di bonlin Wa Ho saong dom ugama, dom bangsa daok mboh tapa bruk pan tangin rik daong ka urang tui ugama, urang bangsa tukik, urang kan kathaot hu baoh sang barau makre mboh biak la-an dalam hatai. Dai ta Trần Đông Thành, Phaok Chinh uy Kapul pan akaok bonlin tinh Binh Thuan ndom mayai lac:

“Meng bruk ngak hu angan siam caik mai dom kadha anit ranam di mikva urang bangsa takik tal urang kapul bon lin tapa di nan brei pok praong pok glang talei rohim khang kajap di bruk yakyum jumpataom bonlin saong bhap bini rahra. Asal kadha yau nan brei brei dak harei dak peih praong angan siam ka bruk di kapul bonlin tinh Binh Thuan pakhang pacatang bruk pambuak gauk di bonlin saong urang ugama rahra daong ka khik kajap khik khang tinh Binh Thuan karo.

Dalam 5 thun blaoh, urang jakar, urang bonlin tinh Binh Thuan padang hu labaih 105 baoh sang “Hatai Bonlin saong Rahra”; padang ngak 12 danak dak hu sang ilamu jammaah bhap bini, janih ndap nda pahat rup, labik main brei ka uranaih hadiah lin brei ka baoh sang ugama, ka dom palei, xa bhum mikva urang bangsa. Yaom baoh sang danak dak hu padang brei mboh hatai anit ranam di bon lin saong bhap bini rahra talei yak yum yum pataom siam gheih di urang “Bon lin Wa Ho”. Nyu brei mboh ralo siam gheih di bruk yak yum jumpataom di bonlin saong bhap bini, daong brei kajap karo taneh ia nagar./.