Ndom ka jalan mek gilac mã số thẻ BHYT: Mayah ngak lahik thẻ BHYT saong oh kanal hadar mã số in di mangaok thẻ BHYT, rahra meda duah thau khau tin ka thẻ BHYT meng rilo jalan ngak yau hadei di ini:

Pasang iek tapa angan pabak thẻ BHYT hu khik piah di labik ngak bruk di drei (mayah drei hu mbaok tame BHYT bắt buộc);

Ieu phone tal Pasak daong ba, sangka tuai damuai (BHXH Việt Nam) tapa laik phone: 19009068;

Duah thau ma so di Blah web khau tin online BHXH Việt Nam di labik http://www.baohiemxahoi.gov.vn.

Langiu di nan, drei meda nao tapak tal jabat BHXH labik pabak thẻ piah ngak harak likau ngak veik thẻ BHYT bahrau atau nao tal Bưu điện Ilamo xã, UBND xã, gah ngak dịch vụ pataom mek labik drei tut angan tame hu mbaok BHYT atau labik iek ruak, taong ruak BHYT piah hu daong duah gilac veik mã số thẻ BHYT saong langyah dom tavak tavaiy karei (mayah hu).

Sa urang daok dalam rilo gah hu mbaok tame BHYT karei di gauk ye kein laba hu mbang tui yau habar?

Javap jaloi: pamaong tame adat di Khoản 7, Khoản 15, Paka 1 Hukum pasiam veik, pasak dom paka di Hukum BHYT thun 2014; Khoản 5, Paka 12 Sarak ka 146/2018/NĐ-CP harei 17/10/2018 di Rajaei tacei tabiak cambaih laih saong pato tacei jalan peih ngak dom paka di Hukum BHYT, daok sa urang bo hu mbaok tame BHYT tui rilo jalan karei di gauk tui Paka 12 di Hukum ini (Hukum pasiam veik, pabak dom paka di Hukum BHYT thun 2014), ye kak BHYT tui nyaom camriep bo urang nan hu brei thau tui labik dang di dom nyaom urang hu tui Paka 12 di Hukum ini.

Daok meyah sa urang hu mbaok tame rilo jalan di BHYT, ye hu mbang tui kein laba di BHYT tui nyaom urang hu kein laba glaong abih. Tukvak hu mbaok tame BHYT gam gam, lac tukvak pandar hu vak di mangaok thẻ BHYT mbang hadei patui di mbang dahlau, daok mayah kak klaih klaoh ye rilo abih lac oh tapa 3 bilan.

Kayua yau nan ye, mayah rahra gam lac urang hu mbaok tame BHYT tui nyaom kayua urang ngak saong urang pandar urang ngak kak jien, gam lac urang hu mbaok tame BHYT tui nyaom gauk gar di sĩ quan, urang lin chuyên nghiệp, hạ sĩ quan, urang lin daok ngak lin, ye kak BHYT tui nyaom 1 (kayua urang ngak saong urang pandar urang ngak kak), hu mbang tui kein laba nao iek ruak, taong ruak BHYT glaong abih (nyaom 3). Tukvak pandar hu vak di mangaok thẻ BHYT mbang hadei patui veik mbang dahlau piah kuhria tukvak hu mbaok tame BHYT gam gam.

Thẻ BHYT di urang hu mbang tui jien daong xã hội yaok bilan hu tukvak pandar meng tukvak halei?

Javap jaloi: di Khoản 3, Paka 13 Sarak ka 146/2018/NĐ-CP harei 17/10/2018 di Rajaei hu tacei tabiak cambaih laih saong pato tacei dom jalan peih ngak dom paka di Hukum BHYT tacei lac: Urang di nyaom hu mbang jien daong xã hội yaok bilan tui adat di hukum ka urang praong thun, thẻ BHYT hu yaom pandar meng harei hu mbang jien daong xã hội di sarak di UBND pakat huyện.

Dom adat ka bruk iek ruak, taong ruak BHYT oh njauk labik

Javap jaloi: Tui Paka 22 Hukum BHYT, urang hu mbaok tame BHYT eng drei nao iek ruak, taong ruak oh njauk labik di Sang iek ruak ĐK bhum Gò Công (tỉnh Tiền Giang)- lac Sang iek ruak tuyến tỉnh saong ngak ginup adat iek ruak, taong ruak BHYT (ba tabiak thẻ BHYT, harak gar brei thau ka rup drei hu thaot binguk) ye meda hu kadung jien BHYT biyar:

- Abih tih yaom jien iek ruak, taong ruak nội trú dalam tanut biyar di kadung jien BHYT saong tanut hu mbang tui hu vak di mangaok thẻ BHYT di drei.

- Oh hu kadung jien BHYT biyar jien iek ruak, taong ruak ngoại trú.

Kayua khau tin di drei pabak ka oh ginup, nan ye drei pathau khan haong labik y te atau bac si taong ruak piah langyah tantu cambaih laih.

Hu mbaok tame BHYT 5 thun gam, kein laba di drei tuk nao iek ruak, taong ruak yau habar?

Javap jaloi: Paka đ, Khoản 1, Paka 14 Sarak ka 146/2018/NĐ-CP tacei lac urang hu mbaok tame BHYT hu mbang abih tih yaom jien iek ruak, taong ruak dalam bruk biyar jien di kadung jien BHYT tuk gam tui di nan ngak ginup dom bruk hadei di ini:

- Hu tukvak hu mbaok tame BHYT gam gam meng 5 thun tagok;

- Hu yaom jien gam biyar jien iek ruak, taong ruak di dom mbang nao iek ruak, taong ruak njauk labik dalam thun glaong jang 6 bilan jien bilan cơ sở;

- Nao iek ruak, taong ruak njauk labik./.