Ong Nguyễn Đắc Nhẫn - Pho Akok Vụ Taneh riya, Mentri Tài nguyên saong Môi trường brei thau: Hukum Taneh riya thun 2024 hu asar kadha birau ka bruk parabha pakat, paraba bruk ngak po salih bruk pandar taneh ngak padai, taneh glai. Cambaic laic, HĐ bhap bini pakat tỉnh hu quyền ba tabiak, oh cang pok tagok likau Thu tuong Rajaei yau dahlau diah, bruk ini jhul pasamar tukvak dom danak dak, dalam nan hu danak dak sang danaok taneh riya.

Bruk quy hoạch  pandar taneh, Hukum taneh riya thun 2024 harak gal mbuan mbiah jang. Tui ong Nhẫn, hukum birau brei klaak khung yaom taneh, HĐ bhap bini tỉnh patabiak yaom taneh. Dahlau diah, Thu tuong Rajaei ba tabiak khung yaom taneh, ba tal bruk dom palei hu đô thi praong hu yaom taneh “glong tal tabung” min oh sumu yaom di darak pasar: " Yaom taneh brei ba tame pandar meng harei 1 bilan 1 thun 2026, piah hu sa thun padang ngak yaom taneh birau tui jalan lagaih haong darak pasar."

Gah urang ilamo, Tiến sỹ Phạm Anh Khôi - Akok Viện roh duah Kinh Tế - Tài chính – Taneh riya Đất Xanh Services brei thau: Dalam 6 bilan akaok thun 2024, phun jien tuh tame darak pasar taneh riya  gam gam tagok. Tal abih bilan 6, phun jien FDI tuh tame darak pasar ini tagok  61,5% dut saong tukvak ini thun 2023. Gah sang danaok taneh riya  dang ka 2 dalam dom gah dui pachreih phun jien FDI. Gilang pariak  brei mesre jien gah taneh riya meblah jiak 22% jien mesraiy di gah ngak mbang kinh te. Langiu di nan, Rajaei brei jhul khang bruk padang ngak sang daok xa hoi, padang kadung jien cakrok patagok sang daok xa hoi saong tacei ba jalan roh duah  brei tabiak trai phieu daong laba lap ka urang buh jien tame ngak mbang, padang ngak bruk nan. Ong Khôi caong khin lac: "Njauk pataom tame cakrok patagok dom po dau tu ngak siam, pataom tame rilo gah jien ndo ka dom po đầu tư. Jhui pambak rilo tame phun meng urang tuai atau cang phun jien di gilang pariak".

Ong Lê Hoàng Châu - Chủ tịch Hiệp hội Taneh riya TP.HCM caong lac 3 hukum birau hu brei tapa meda langyah hu dom tavak tavaiy gah adat hukum. Meng nan, bruk pabak ka darak pasar taneh riya meda hu rilo, patagok khang kajap. Tui ong Châu, taphia sang daok xa hoi, darak pasar jeng caong hu sang daok pagap mbiah, sang praong siam pakat glaong.  Bruk nan brei hu jalan dui katung yaom lap lagaih, oh njauk palao yaom taneh tulk halei jeng glong yau urak ini. Njauk brei hu adat hukum ngak sumu gauk, drei yau gauk, tuk nan darak pasar meng cakrok  patagok tui jalan hijao, sinh thái, pamong tal anek manuac.

Ong Châu mboh lac darak pasar sang danaok taneh riya jeng daok ralo kan kandah min kan trun saong darak pasar meda hu siam veik gam haong salih bahrau gah buh jien tame ngak mbang, pablei salih, tui dom hukum daok hu salih birau lagaih jang: "Khol dahlak mboh lac bruk kham merat di dom doanh nghiệp, oh daok duah jalan mek kein laba ka drei bo tuk halei jeng nao gam haong gah buh jien tame ngak mbang, haong menuac blei."

Bruk ramik veik saong brei tapa sa mbang haong gauk 3 hukum pambuak tal darak pasar nyu pambak tapak tal dom danak sang daok, taneh riya. Ini hu maong lac prein daong ka dom doanh nghiep lang talaih, ba mbuan lagaih ka dom danak dak hu peih ngak, jhul tagok phun jien saong darak pasar  patagok khang kajap, cambaic laic./.