Kayua yau nan ye, gah cảnh sát jalan mbak di dom bhum palei atah bayah hu pambuak bruk saong dom kapol nyaom di bhum palei bhian peih dom var pathau khan ka hukum nao mai angaok jalan ka mikva bangsa takik, daong ka mikva  paglong jalan sahaneng tuk tabiak jalan. Kadha vak di urang vak di Rayo sap ndem Viet Nam ka “Dom ilamu hadah karah tuk tabiak jalan mbak hu salamat”. 

Yaok bilan, but pajaih Zơ Râm di xã Tà Bhing, huyện Nam Giang, tỉnh Quảng Nam hu peih bruk pataom gauk. Dalam dom mbang pataom gauk nan, taha Zơ Râm Năng jeng hu da-a cảnh sát jalan mbak piah pathau khan Hukum Jalan mbak ka mikva saong dom anek saih. Mikva hu pang, hu thau dom ilamu ka salamat jalan mbak, iek dom thaot binguk ka dom bala angaok jalan mbak, oh tuah mot tamo BH tuk ndik radaih patuh saong pan kalaoh tuan huroh pakauk angaok jalan mbak.

Tui thiếu tá Phan Văn Quang – Akok kapul Canh sat jalan mbak công an huyện Nam Giang, dalam huyện hu 3 but pajaih tự quản ANTT, nan ye Canh sat jalan mbak samar pambak tame dom but pajaih nan saong jaik 50 urang taha palei, urang hu angan je dalam palei piah pathau khan paglong jalan sahaneng ngak njauk hukum jalan mbak salamat ka bhap bini. Kayua yaok but pajaih tự quản jeng hu padang dom adat hương ước, quy ước cambiac laic, piah pato padar anak taco. Langiu di nan, CSGT daok hu pambuak bruk saong dom sang bac peih bruk pathau khan tal dom anek saih…kayua ini lac kapol urang pathau khan pambuak atah tal yaok baoh sang dalam bruk ngak tui hukum salamat jalan mbak hu lagaih siam. Thiếu tá Phan Văn Quang caong lac:  “Caong khin dom jabat dom gah tame bruk pathau khan ka dom anek saih bhum atah bayah bruk nan piah ngak hu siam tuk tabiak jalan”.

Bruk dom anek saih oh ka ginup umo 18 thun peih radaih patuh, atau uranaih  oh me-om tamo mot BH ndik radaih  patuh  saong urang praong lac bruk bhian mboh di dom bhum atah bayah di tỉnh Lào Cai. Nan ye, rilo bhap bini caong khin pathau khan bruk salamat jalan mbak tal dom amaik ame piah daong paglong jalan sahaneng  ka dom bruk mbuan gaok bala angaok jalan mbak, meng nan hu pambak tal anek. Sa-ai Sùng Thị Cở, xã Sín Chéng, huyện Si Ma Cai brei thau:  “Dahlak mboh bruk pathau khan ka salamat jalan mbak biak lagaih haong bhap bini bangsa takik, kayua labik ini rilo adei sa-ai kumei oh ka thau hukum jalan mbak”

Langiu bruk pathau khan ka hukum adat salamat jalan mbak ka mikva, rilo bhum palei daok pathau khan dom bruk taong phạt tuk ngak suan adat jalan mbak. Ong  Phạm Đăng Bốn, Phaok akok Kapol Urang ngak nong tỉnh Lào Cai brei thau: “Pataom tame pathau khan ka urang jakar, meng urang jalan pathau khan tal urang dalam kapul urang ngak nong piah thau sahaneng njauk jang ka bruk salamat jalan mbak, abih di nyu lac birau ini khol dahlak pathau khan tame dalam sarak ka 100, ka dom bruk taong phạt saong langyah trun takik saong hu siam mboh di meta, anak tal khol dahlak  peih praong bruk pathau khan tal dom pakat huyen”.

 Rik prein ba tangin  tame haong CSGT, birau ini Mentri Jalan mbak pajeng ba hu padang jalan pacang caga bala ka uranaih, peih ngak tal dom puk palei bhum ceik. Dalam nan, uranaih di dom sang bac hu thau ka makna praong di bruk me-om tamo mot BH tuk ndik radaih patuh tabiak jalan, kak talei khik rup tuk daok dalam radaih oto saong bruk tabiak jalan nao angaok jalan mbak di bhum taneran haong bhum glong karei di gauk yau habar.

 Bruk peih pathau khan ka hukum jalan mbak tal yaok palei di bhum urang bangsa takik lac sa bruk hu makna saong njauk ngak. Dahlau di bih lac bruk ngak tui njuak hukum adat salamat jalan mbak hu siam jang ye jalan sahaneng tuk tabiak jalan mbak  di bhap bini, abih di nyu lac urang bangsa takik jeng lac bruk hu makna praong dalam abih./.