Tien Yen lac huyen bhum ceik hu rilo urang bangsa taik diukrai. Dahlau diah,  dalam huyen bhian rah tabiak bruk urang peih radaih angaok jalan mbak oh tuah tamo mot bảo hiểm, menyuk alak, mbia, pajeng rilo manuac suan hukum…Anak bruk nan, Công an huyen Tien Yen hu padang jalan pathau khan tal taong abih dom xã, mbon palei dalam huyen. Gam haong nan, jabat chức năng peih tal pasram plong ilamu peih radaih salamat ka urang bac lac bangsa takik. Thiếu tá Nguyễn Đức Tùng, Phaok akok  jabat CSGT, Công an tỉnh Quảng Ninh brei thau:  “Meng hatai caong khin pathau khan tal bhap bini paglong jalan sahaneng tuk tabiak angaok jalan mbak,  brei tuah tamo mot bảo hiểm, dom jalan u ngak siam ye juai peih radaih samar, ba tui ginup harak gal tuk tabiak jalan, meng hatai caong khin hu salamat ka mikva.”

Di huyện Ba Chẽ, lac bhum palei atah bayah, bhum hu rilo urang bangsa takik. Dahlau diah, bruk nao mai angaok jalan biak srau kadau, abih di nyu lac dom jalan palei; bhap bini, abih di nyu lac urang bangsa takik oh tuah tamo mot bao hiem, pajeng rilo manuac suan hukum, menyum alak, mbia…tuk peih radaih bhian rah tabiak. Anak bruk nan, gah cảnh sát jalan mbak hu padang jalan pathau khan  tal taong abih dom xã, palei dalam huyen. Dalam nan, sangka bruk pablak tame pathau khan di xã, palei tapa dom jalan khaw tin đại chúng biak mbuan thau, mbuan kanal, lagaih haong adat cambat di yaok bangsa…Tapa nan, bhap bini dak harei dak paglong jalan sahaneng ngak njauk tui dom adat ka salamat jalan mbak.

Mban Bangsa tỉnh hu pambuak bruk saong UB bhap bini dom huyen  Đầm Hà, Tiên Yên, Móng Cái peih 6 nyaom biai pathau khan ka hukum salamat jalan mbak brei ka labaih 200 urang hu ngan je, akaok puk, palei, urang bangsa takik. Dalam nan, tapa dom dalikan, bruk cambaic laic saong dom blah ba-ar hukum, hu pathau khan dom asar kadha birau di Sarak ka 100 di Rajaei tacei tabiak bruk taong phạt  hanh chính  gah jalan mbak saong jalan pasei. Tapa nan, daong ka bhap bini thau cambaic hu adat hukum saong ngak njauk tui tuk tabiak jalan.

Sa dalam dom asar kadha hu rilo urang caik hatai sangka nan lac, Mban Salamat jalan mbak tỉnh Quảng Ninh peih bruk pasram megru, tacei pato bruk sơ cấp cứu ngan haong urang gaok bala angaok jalan mbak ka bhap bini piah patrun patakik di abih bruk metai lahik dalam dom mbang radaih paoh gauk angaok jalan. Ong Hà Bá Linh, Bí thư Chi bộ, Akok palei Trại Giữa, Đầm Hà, Quảng Ninh brei thau: Tuk palei tabiak bruk pachreih tui bruk nao mai hu ilamu dalam bhap bini, mikva abih drei pachreih tui:  “ Yaok sa urang, atau sa baoh sang, khol drei brei hu trach nhiem ngak njauk dom chỉ thị, langiu di nan, eng drei pathau khan tal mikva puk paga, dom gah chính trị cơ sở, abih  di nyu lac anek taco khol drei tuk tabiak jalan mbak ngak njuak piah takik abih bala dalam labik drei”

Yaom lac urak ini jit ruak COVID-19 oh ka abih, min Mban Salamat jalan mbak tỉnh Quảng Ninh kham merat pambuak bruk saong dom jabat, kapol nyaom peih bruk pathau khan, paglong jalan sahaneng  ngak njauk tui Hukum jalan mbak ka bhap bini bhum ceik, bhum urang bangsa takik. Meng rilo jalan ngak sumu gauk, bhap bini di bhum urang bangsa takik, bhum ceik dak harei dak paglong jalan sahaneng, hu ilamu khik caga rup drei tuk tabiak jalan saong dak harei dak padang ilamu siam ghieh tuk tabiak jalan mbak dalam bhap bini./.