Bruk ndih tapui manek anek di sang mboh mbuan si tamuh bala praong, urang amaik ral manek sa drei jar, oh hu daong ba, oh hu sangka gah y te, mbuan rahtabiak dom bala tuk manek. Kan kandah lac yau nan, min jeng daok rilo urang kumei daok di dom bhum labik mikva urang bangsa takik di Gia Lai jeng daok bhian randap manek anek di di sang. 

Dang di anak bruk nan, dom pakat Kapul urang kumei di 15 huyen, ban sit di tỉnh Gia Lai hu mbang tui Danak dak 8 hu pambuak haong gah Y tế peih ngak jaik 100 var dakwah pathau khan, pato pakai ilamo saong jak ba urang kumei manek anek di labik balai y te, dui pachreih hu jaik 7.000 adei saai kumei dalam umo thun manek anek hu mbaok tame. Taphia di nan jeng hu buh tabiak daong ka 361 urang kumei dalam kapul ngan haong paok jien lac labaih 364 triệu đồng.

Hu ba abih hatai brei langyah di amuk buai puk palei, saai Anhen, daok di palei Ar Quat, xã Đê Ar, huyện Mang Yang brei thau lac, saai meda oh tui bruk manek anek di sang:

" Drei matain 8 bilan paje. Pang saai H’Nhach pato tacei, drei mai tal bilai y te ieik ruak, klauk jru pacang caga ruak, mek jru sắt mai manyum. Tuk halei manek ye drei tagok bilai y te piah manek".

Tapa dom bruk daong ba di Danak ka 8 jang yau meng dom bruk ngak dakwah pathau khan. Dom asal kadha hu ba tabiak piah paglaong ilamo, paglaong hatai sahaneng, dom jalan sangka ieik glang prein yava ka dom urang kumei mikva urang bangsa takik, rik tame ba prein khang piah ka dom adei saai kumei mai tal labik balai y te piah manek anek saong kham marat peih ngak njauk sarak rahra.

Di xa bhum III Đê Ar di huyện Mang Yang, jaik abih dom urang kumei bangsa Bahna pilih ruah jalan manek di sang, mbuan tamuh bala chak. Dom urang oh hu ilamo ka bruk ieik glang sangka tuk matain. Jalan jak ba mikva klak adat manek di sang oh lac mbuan. Dom “amuk buai amuk grang puk palei” yau saai H’nhech nan lac plak tangin pambuak atah di Bilai y te xa di bhum labik biak kan kandah Đê Ar.

 “Di ini ye dahlak bhian manek di dalam palei atau di palei karei, xa karei jeng mai ieu dahlak daong tapa manek. Tuk dom urang nan caong hu drei, yaom lac melam atau harei dahlak jeng nao kayua dom adei saai kumei jeng oh khin nao bilai y te, ye dahlak jeng nao tal sang dom urang nan. Mayah mboh oh manek hu di sang ye dahlak meda langyah pachreih nao manek di sang iek ruak”      

Tui taong yaok di Pasak y tế huyện Mang Yang, thun 2023, bhum palei hu 5 anek kaman metai tuk manek saong metai 1 urang amaik. Dom anek kaman metai rilo abih lac oh nao iek ruak tuk matain di labik y tế. Saai Lê Hồng Sâm, urang jakar di Bilai y tế xã Đê Ar, huyện Mang Yang, tỉnh Gia Lai brei thau, Bilai y tế xã hu peih rilo mbang jak ba urang kumei saong sang hu urang matai oh khang akaok bo caik ka urang matain manek anek di sang:

"Đê Ar lac xa bhum III, bhum biak kan kathaot. Ngan haong bruk daong ba di Danak dak, dalam thun tapa, kon dahlak hu peih ngak paglaong bruk pathau khan ka urang kumei dalam umo thun manek, peih bruk iek ruak phu khoa ka urang kumei di dom labik balai y tế. Tapa dom danak dak nan, dahlak jeng maong mboh lac dom adei saai kumei hu dom salih bahrau dalam jalan sahaneng. Dom urang nao manek anek di dom labik y te jeng tagok jang dut saong thun blaoh".

Dang di anak bruk dom urang kumei ndih tapui manek anek di sang, dom amaik metai tuk manek saong anek kaman daok ralo, tỉnh Gia Lai hu kham marat peih ngak rilo jalan langyah, dalam nan caga rilo prein khang meng dom danak dak, bruk ngak daong ba, yau nan lac Danak dak 8, Danak dak bruk ngak negar ka bruk cak rok patagok kinh te xa hoi bhum mikva urang bangsa takik saong bhum ceik, ba prein khang hu yaom glaong dak harei dak salih jalan sahaneng, paglaong prein yava brei ka urang kumei matain saong uranaih di bhum mikva urang bangsa takik./.