DOM JAK JENG MENG BRUK DAKWAH PATHAU KHAN HUKUM DI LAI CHAU
Thứ ba, 00:00, 29/10/2024 Urang lang:  THU THAO Urang lang: THU THAO
CHAM.VOV.VN - Kayua daok di dom bhum atah bayah, bhum labik nao mai kan kandah, yau nan ye sa binah urang mikva dom bangsa takik di Lai Châu daok di tapen jalan negar kurang nao bac, ilamo sahaneng ka hukum daok bier. Kayua yau nan ye, bruk dakwah pathau khan dom jalan ngak, sarak di Ndang, hukum di Kanja brei ka mikva daok rilo cuang kandah. Tapi Min, meng rilo jalan langyah saong jalan dakwah pathau khan lagaih, dom pakat kanja saong jabat di Lai Châu dak harei dak daong ka rahra hu pambuak haong hukum, thau tantu cambaih hukum saong ngak njauk tui:
Video Player is loading.
Current Time 0:00
/
Duration 0:00
Loaded: 0%
Progress: 0%
Stream Type LIVE
Remaining Time -0:00
 
1x

Puk Cô Lô Hồ, xã Tà Tổng, huyện Mường Tè, tỉnh Lai Châu bhian lac labik pandiak ka bruk pato pakai agama suan hukum, meblah taneh, ngak suan dom adat hukum ka bruk khik ieik glai, ngak suan hukum tok gauk saong hukum baoh sang. Dom bruk ngak suan bhian ngak sarau kadau ka rahra saong ka politit dalam tukvak masa suai lavik.

Ong Vàng A Lình, Bí thư Chi bộ, Akaok Puk palei Cô Lô Hồ brei thau lac, kayua bhum taneh praong, rahra daok pak ini pak deih, ilamo sahaneng di rahra daok bier,… lac angan makna ba tal bruk mikva dalam puk palei bhian njauk kon kanjak jhak palua, jak ba ngak chung. Dang di anak bruk nan, urang jakar huyen saong xa hu mai tal puk palei peih dom mbang dakwah pathau khan, pato pakai hukum nagar ka mikva. Dak harei dak lagaih, urak ini, dom bruk ngak suan dalam puk palei mboh trun biak rilo:

"Hadei di hu dahwah pathau khan, pato pakai ilamo hukum nagar jeng ye jalan sahaneng akaok saneng di kon dahlak jeng tagok siam jang, rahra jeng ngak siam bruk khik ieik caga glai, oh ngak chung suan, oh jah tak glai. Dakwah ka mikva thau habar piah sangka ieik glang, khik ka baoh sang siam jang saong ngak mbang, cak rok patagok kinh te piah tani tanat raidiuk, mbang ngui."

Ban sit Mường Tè jeng bhian ieu lac labik hu angan pandiak brei ka gah aphian ma tuy, merak gauk kamalah gauk di taneh haluk dui atah. Piah ka rahra thau cambaih jang ka jalan ngak, sarak di Ndang, Hukum di Kanja, Ủy ban Bhap bini ban sit hu pambuak haong dom mbang, dom gah, dom kapul nyaom peih yaok piluh mbang dakwah pathau khan ka hukum nagar. Ong Lỳ Go Ky, Phaok Akaok UBND ban sit Mường Tè, huyện Mường Tè brei thau: bruk dakwah pathau khan, pato pakai hukum tal rahra hu peih ngak tapa dom mbang ginum biai, mbang pakacah, dakwah pathau khan meng bruk ndem mayai nao mai, loa papar sap, harak dakwah tờ rơi, dom mbang ginum biai puk palei,…

"Yaok thun, Kapul pato khan hukum di ban sit jeng padang ngak jalan ba tabiak meng akaok thun piah dakwah pathau khan, pato pakai hukum tui asal kadha hu makna, hu yaom glaong. Kon dahlak brei ngak dahlau abih lac dom labik puk palei saong puk biak kan kandah. Kayua ilamo sahaneng di rahra ka oh samu gauk, nan ye kon dahlak brei ngak dahlau bruk pilih ruah urang saong dom asal kadha ka lagaih piah dakwah pathau khan".

Piah paglaong hatai sahaneng, ngak njauk tui hukum di rahra, yaok thun, jabat tư pháp huyện hu caga dahlau bruk ba tabiak jalan ngak haong UBND huyện ngak pakhang, ngak ginup, paglaong kein lagaih bruk ngak di kapul urang dakwah pathau khan hukum pakat huyen, xa, ban sit, padang ngak jalan ba tabiak piah pathau khan, pato pakai dom harak hukum bahrau ba tabiak, jang yau pasram ilamo piah pato pakai hukum nagar. Ong Mạ Lý Phạ, urang bangsa Hà Nhì daok pak puk Mé Gióng, xã Ka Lăng, huyện Mường Tè brei thau:

"Bruk dakwah pathau khan, pato pakai hukum nagar ye yaok thun, jabat tư pháp huyện, pambuak haong pasak daong ka pháp lý hukum nagar di tỉnh, gam haong tư pháp xã tagok dakwah pathau ka mikva daok dom puk palei di mbang ginum biai. Pagap yau dakwah pathau khan ka hukum tapen negar, dakwah hukum urang likei kumei samu gauk, hukum tok gauk, hukum palakhah, dom janih hukum pambuak tal raidiuk, mbang ngui di rahra, hukum langyah dom adat harak gal jabat, hukum jalan mbak nao mai,.. Tapa dom mbang dakwah pathau khan, kon dahlak hulin jeng thau tantu cambaih lac saong ngak njauk tui biak siam catang."

Amuk Lù Phí Pa, Akaok Jabat Tư pháp huyện Mường Tè, tỉnh Lai Châu brei thau lac: dalam thun, huyen hu peih ngak tani tanat bruk taduan rahra, dakwah pathau khan, pato pakai hukum hu jaik 300 var, ngan haong labaih 20 ribau urang hu mbaok tame; taduan, langyah hu jak jeng 68/81 bruk:

"Kon dahlak hu ba tabiak jalan ka UBND huyện ka dom danak dak, jalan ngak piah peih ngak pato pakai hukum nagar tal rahra biak lagaih di abih. Kon dahlak daok parabha ka dom urang jakar lac urang dalam Kapul dakwah pathau khan hukum, jang yau dom urang pathau khan pataom prein tame pathau khan dom asal kadha. Dalam thun 2023, kon dahlak hulin hu pataom prein tame dakwah pathau khan Hukum khin gauk tok gauk, hukum baoh sang saong abih di nyu nan lac bruk tok gauk ka oh tal umo thun, tok gauk dalam but pajaih."

Patagok dom yaom glaong bruk ngak di Kapul dakwah pathau khan hukum, huyện Mường Tè hu paglaong bruk pato pakai hukum tapa dom jalan ngak yau ye dakwah meng cambuai di baoh sang, ndem mayai nao mai haong rahra,.. Dalam nan, dom urang taha, urang dang akaok puk palei, urang hu angan je palai tuk halei jeng lac dom urang dang akaok nao dahlau dalam bruk dakwah pathau khan, pato pakai hukum tal rahra. kayua yau nan ye, bo bruk siam makre di politit, siam makre ka rahra hu khik tani tanat, rik tame peih ngak jayah bruk ngak cak rok patagok kinh tế - xã hội di bhum palei./.

Urang lang: THU THAO

Viết bình luận

TIN CÙNG CHUYÊN MỤC

Video

ĐƯỢM TÌNH DUYÊN QUÊ
KADHA DAOH: NGÀY VỀ KATÊ
13/10/2023
KADHA DAOH " LANG CHAM ON BAC"
10/08/2023
ROYA YEU THUONG
17/03/2023