Tinh Binh Duong peih bruk ramik dom jabat karja pakat xa, phuong, di bruk pagam dom phuong, xa saong dom puk palei daok dalam bhum palei karei piah padang 36 jabat karja bahrau. Njauk caik hatai sangka, dalam dom 36 xa, phuong bahrau, rilo bhum palei pasiam veik angan pakat tinh, huyen, ban yau phuong Bình Dương, Phường Thủ Dầu Một, phuong Dĩ An, phuong Thuận An, phuong Tân Uyên, phuong Bến Cát… Langiu di nan, rilo bhum palei ruah pandar dom angan ndung bak inem sajarah saong ilamo yau phuong Phú Lợi, xa Phước Thành, phuong Tây Nam…

Hadei tuk HĐ urang vakil Bhap bini tapa sarak ka bruk pagam pakat xa, phuong, rahra daok brei mboh bruk caik hatai tal bruk pilih ruah kapul urang jakar, dang akaok ka dom jabat karja bahrau. Caong takre di rilo rahra lac urang jakar, urang dang akaok njauk lac dom urang brei ka hu “hatai” saong “ilamo”. Amuk Huỳnh Thị Ngọc Yến rahra diuk lavik thun di Ban Thủ Dầu Một, brei thau:

“Caong takre kapul urang jakar patui veik ngak bruk brei hu pilih ruah tani tanat, biak hu naih joi, sami samar, hadah krah, ngak bruk tari taring daong rahra piah rahra njauk hatai.”

Ong Nguyễn Hữu Tuần, urang jakar Kong an meng dahlau daih di tinh Binh Duong brei thau, biak jie tame jalan ngak di tinh. Ong caong khin urang dang akaok xa, phuong bahrau ieu lac urang hu angan je, hu rahra jie tame, khin pacang caga dom bruk oh lagaih, tuk halei jeng ba kein lagaih di bhap bini tagok dahlau. Abih di nyu hu ieu lac, ngan haong tukvak patagok bahrau, urang dang akaok brei hu ilamo ka bruk ngak karo kajap, tuk halei jeng daong piah brei oh daok bruk “ngak glaih glar rahra”.

“Caong khin ka urang jakar meng tukvak meng anak tal brei ka hu ilamo, prein ngak min jeng hu “hatai”, hu “thau sangka” haong rahra piah plaih ngak kandah kandaiy tal rahra. Caong khin dom bruk ngak harak har tok brei nao tal pakat xa, phuong ye brei hu urang jakar daong piah rahra plaih bruk nao atah”:

Taphia hatai caong di rahra, urang jakar di pakat xa, phuong klak jeng caong takre hu ramik labik bruk ngak ka lagaih haong prein ngak. Meng nan, daong dom urang nan patui buh abih tung tian drei, rik daong ka bruk patagok di bhum palei.

Dom hatai caong lagaih saong ndung bak bruk ngak di rahra, urang jakar bhum palei hu urang dang akaok tinh Binh Duong pang tani tanat tapa dom mbang taom gaok. Urang dang akaok ndom catang lac, bruk pilih ruah kapul urang jakar hu makna ka dom jabat karja hadei ramik lac bruk ngak hu makna, hu tinh caik hatai.

Ong Nguyễn Văn Lợi, Bi thu Tinh uy Binh Duong brei thau veik, ngan haong pakat tinh, Mban pato tacei brei pambuak padang jalan ngak, ramik urang jakar lagaih tuk pagam haong Ban raya Ho Chi Minh saong Ba Ria – Vung Tau. Daok pakat huyen brei taduan piah rabha urang jakar ka jabat karja pakat xa bahrau:

“Tuk pagam xa oh ka ramik hu urang jakar ye brei pagam anak meta mai huyen, hadei nan blaoh hu jalan langyah. Ilamo yau halei, tui adat halei di trung uong ka ilamo, harak bac magru. ilamo di anek menuac…piah ramik ka njauk.”

Bruk ramik dom jabat karja pakat xa, phuong di Binh Duong daok yam tame tukvak hu makna. Ngan haong bruk caong takre saong pasang iek tantu meng rahra, gam haong bruk tani tanat saong bruk ngak di urang pan akaok tinh dalam bruk pilih ruah urang jakar, je tame lac bruk ini hu rah tabiak jak jeng, ba mai dom salih siam saong karo kajap ka bhum palei./.