Sang ong Kim Cươl daok di puk palei Wath Pích, phuong Vĩnh Phước, ban sit Vĩnh Châu, baoh sang urang kan dalau diah, sang danaok taik tahak, tuk hu hajan angin biak rambah. Barau di ini, sang gait hu karja daong 44 trieu ndong, gam jien brei masre di glang jien sarak XH hu 40 trieu ndong haong jien patak pataom meng ini mai, ong padang ngak hu sa baoh sang barau siam blaoh sanang hatai ngak mbang. Langiu di nan mboh bui sambai jang mai meng sang gait hu brei ba salih bruk ngak mbang di palei, daong ka baoh sang ong hu bruk ngak hu jien ba tame sang. Ong Kim Cươl brei thau lac:

“Brei ka bruk salih bruk ngak yau ye ngak haong anek yau ye ngak tu, ngak papan, ngak kik, ngak yun… urang blei khin ngak hagait drei ngak yau nan. Meng hu brei salih bruk ngak, jien mek tame sang hu bhian bhian, oh dak nao ngak mbang apah tra.”

Thun 2024 ini, dalam tinh Soc Trang trun hu 4.000 baoh sang kathaot dan haong trun labaih 4.600 baoh sang jaik kathaot. Hu yau nan mai meng bruk pakat nagar haong palei pambuak haong gauk di dom danak dak, gam kham marat di urang kathaot urang jaik kathaot,

Ong Trần Trí Vân, Phaok akaok UBND ban sit Vĩnh Châu brei thau lac, ban sit Vĩnh Châu buh jien tame labaih 318 ty ndong brei ngak 3 Danak dak tui pakat nagar, langiu di nan, daong sang daok brei ka 693 baoh sang; daong taneh ngak sang daok ka 84 baoh sang; daong salih bruk ngak ka 1.053 baoh sang; daong ngak mbang tui bruk raong glang, pala drak jeng ye bruk ngak catua, ngak jalan, ngak darak pasar palei... mai meng nan brei ka urang bangsa Khmer hu tagok. Ong Trần Trí Vân lac:

“Ban sit Vĩnh Châu ieu lac sa labik hu ralo urang bangsa tukik, labik daok di tapen nagar haong mbaok tasik, daok ralo kan daman, yau nan ye pakat Đảng, karja haong taong abih jabat chinh tri di dalam ban iek ngak chip ka dil, ngak njauk ngak siam di dom sarak kaja brei ka urang bangsa, ngak brei jhul khang bruk ngak mbang patagok kinh te gam haong langyah brei ka bruk dalam raidiuk rahra; drah patrun ieik lapa hu karo.”

Tinh Soc Trang thau lac bruk ngak ieu lac sa kadha praong dalam bruk patagok kinh te – xa hoi, paglaong siam brei ka manuac urang, trun patakik jang baoh sang kathaot, patagok raidiuk ka bhap bini, jabat pakat sở daok jhul khang dalam bruk pato bruk ngak, patacei jalan peih bruk ka urang ngak. Gam tui di nan hu sarak taka 02/2023 di HĐND tinh, urang nao nagar lingiu ngak bruk ralo. Taong abih dalam tinh peih brei ka labaih 32.000 urang; dalam nan, ba urang nao nagar lingiu ngak bruk hu harak gal hu 544 urang, tagok labaih 155% tuk danak dak caik. Ong Đặng Thanh Quang, Yam ndok So Lao dong, Thuong binh saong Xa hoi tinh Soc Trang khan lac:

“Urak ini hu ralo doanh nghiep ba manuac nao nagar lingiu ngak bruk hu tut harak brei pandar haong tinh piah ba urang ngak di nagar Đức. Hadei di nan hu di sang bac trung cap Viet - Nhat salah blaoh harak gal tame bruk, sang bac daok ngak siam, quý 1 thun 2025 mada peih 3 tal bac haong labaih 100 urang tame bac magru, dan haong quý 3 thun 2025 pilih anek saih labaih 300 urang tra.”

Bi thu tinh uy Soc Trang Lâm Văn Mẫn, brei thau lac, kham marat, drah samar, dil sumu, jak jeng dalam jak ba, pagam pambuak dom gah brei ngak tui jalan nagar daong ka mikwa bhap bini rah ra bhum palei, urang bangsa takik karo dalam rai diuk. Kuhria mboh dalam tinh thun 2024 baoh sang kathaot hu 1%. Ini lac bruk nao tal di tinh Soc Trang njauk ngak hu di masa mai tal, ngak brei ka patagok kinh te – xa hoi, patagok rah ra bhap bini, dalam nan hu urang di palei, di urang bangsa takik./.