Inem krung di Mỹ Sơn hu khik ramik biak siam piah pachreih tuai mai rivang

Thun 2017, tuk padeih ngak bruk karja, ong Đinh Hài mai veik palei daok di xã Duy Phước (huyện Duy Xuyên, tỉnh Quảng Nam) padeih padei tuk umo taha. Yaom lac padeih hưu, min ong Hài jeng daok abih drei kham merat, rik daong haong menuac sia tui prein yava saong ilamu di drei.

Dalam tuk ndom biai, ong Đinh Hài bhian bau tal rilo ka Mỹ Sơn jang Hội An, kayua nyu kak kajap haong ong meng di tuk ong daok ngak urang jakar blaoh ngak Phaok akaok UB bhap bini huyện Duy Xuyên dom thun 1990 mbiah tal tuk padeih hưu lac urang pan akaok gah ilamu di tỉnh. Ong chreih chrai brei thau: "Mỹ Sơn lac brei mboh ka sa vaktu, sa saman ka akaok sahneng hadah krah, ka ilamu gheih mekre, ka bruk naih joi di anek menuac. Tuk nan, urang hu ngak tabiak dom janih sarak angaok kiak, angaok patau, caik tagok dom candaih kiak padang tagok bimaong kalan bo mbiah tal harei ini, di saman 4.0 jeng oh ka hu thei langyah hu bruk urang pandar janih hagait piah ngak brei gam gauk, taong abih jeng daok lac giả thuyết". Dom thun 1994-1995, Mỹ Sơn yaom lac daok joa lange, min daok hu urang thau tal. Yaok harei hu dom ratuh tuai mai ravang iek, dom “xe thồ” dui pajeng di pak ini jeng tagok tal labaih sa rituh urang. Tui nan tamuh tabiak bruk dui-ieu, blah gauk pajeng tuai. Dom urang nduac “xe thồ” daok bleik saleik salih  bugi radaih di tuai, klaik mek xăng blaoh tuh ia la-an tame, gaok mai daok salih kong radaih di tuai ngak brei tuai preo hia. Hu jao bruk palai lahik srau kadau di Mỹ Sơn, ong Hài pachreih ba ayut sahabat di drei lac ong Nguyễn Công Hường – tuk nan daok ngak chủ tịch UB bhap bini xã Duy An (urak ini lac ban sit Nam Phước) – tagok ngak akaok kapul khik caga, khai thác Mỹ Sơn haong panuac sanya lac "tagok dom thun blaoh mai". Thau halei, nan jeng lac mbang nao "định mệnh" di ong Hường, kayua hadei di nan, yau hu hagait nan nyu dui takai ngak ka ong oh tabiak truh hu, blaoh kak kajap rai drei haong Mỹ Sơn luac 20 thun mbiah tal tuk padeih hưu. Meng bruk daong prein di ong Hường, Mỹ Sơn dak harei dak tani tanat, dom urang nduac radaih “xe thồ” jeng hu daong jien padai salih bruk ngak mbang.

Labaih 20 thun ban klak Hội An, labik bimaong kalan Mỹ Sơn hu brei angan lac inem krung ilamu dunya, meda lac, meng 2 inem krung nan eng nyu hu dom rik daong praong ka bruk cakrok patagok di xã hội. Kadha praong jang lac 2 inem krung ilamu dunya ini jeng hu khik ramik, yaih khan siam. Ong Đinh Hài taong yaom : "tuik 1 inem krung hu công nhận di anek menuac, nyu hu bruk salih karei biak praong. Inem krung oh daok lac inem krung tra, bo nyu pambuak haong cakrok patagok. Hu bruk sangka di dom pakat, karja, dom kapul nyaom dunya, di bol bhap rahra, nan ye hu ramik ngak pasiam veik, hu khik caga siam jang" .

Jeng meng inem krung, du lịch haong bruk ngak mbang hu tagok khang jang, jeng gah ngak kinh tế praong, dang akaok. Meng dom jak jeng kinh tế - xã hội biak cambaih laih mai meng du lịch ilamu, meng angan je inem krung ba mai, bol bhap rahra thau jang ka yaom glaong di inem krung, blaoh ba gauk tame khik ramik. Raidiuk mbang ngui, daok dang di bhap bini daok di Duy Xuyên saong Hội An oh padeih hu pok paglaong, lac meng hu sa bianh oh sit meng inem krung nan./.

Urang lang: Mousaphuong- 3/4