Tui Sarak di Rajaei, Pusak Jien padai dunya padang di Ban raya HCM saong Pusak Jien padai dalam bhum dang di Da Nang. Bruk padang 2 pusak ni hu Rajaei pok khan anak vakil nagar Quoc hoi di bilan 5 mai meng anak.

Ong Nguyễn Chí Dũng, Akaok mentri Ke hoach saong Dau tu brei thau lac, danak dak jien padai dunya dak tuk dak karo. Dunya khin hu brei tamuh dom pusak jien padai bahrau, daong brei dom janih pandar jien padai tui bhum palei, brei ka darak pasar karei. Tui tapa di nan, nagar Viet Nam drei mada mbuan taduan mek prein phun jien nao mai.

"Njauk pataom prein tame bruk brei caga dom janih palagaih brei paralo pasak jien padai, pasiam sampurana ka ganap labik dhua brei ka urang ngak mbang blei salih v.v… Pataom prein brei jhul khang bruk buh jien padai tame ngak mbang di dom urang kaya raya, dom janih kadha brei ka jien padai maih buh prein tame dom pasak jien padai ini".

Ong Nguyễn Văn Nên, Sa urang di dalam Mintri politik, Akaok pakat Ndang Ban raya HCM brei thau lac, bruk brei padang jeng ye patagok pasak jien padai dunya di Ban raya HCM yau ye sa janih brei chul khang ka banraya patagok samar gah kinh te. Ong brei thau lac, Pasak jien padai di Ban rayaHCM hu brei dak padang gam thong bhum ban raya barau di Thủ Thiêm. Ban raya HCM mada dang ngak meng lawik, ramik abih prein khang brei padang jeng ye brei ka nyu nduac di Pasak jien padai. Gam tui di nan, Ban raya HCM jeng pachreih manuac urang hu yaom kaom glaong, dom urang hu ilamu naih joi, pachrei ralo manuac urang jang.

"Ban raya HCM daok roh duah dan thong aong khin lakau peih sarak karei brei kadrei, pachreih bruk khik caga kein raba njauk tui hukum njauk lagaih tui urang buh jien buh prein tame. Dom halau janeng gah jien padai, dom janih hukum nagar brei ka gah gilang jien ndo, darak pasar jien padai brei ka nyu sampurna, ka nyu cih saat, karo kajap. Baraya pataom prein ramik dak bruk, jak ba ralo halau phun prei khang brei padang pasak jien padai".

Thun 2025, jalan patagok kinh te di Viet Nam lac 2 anek lek taka kayua yau nan ye caong khin phun jien buh tame di manuac urang biak praong. Thu tuong Rajaei Phạm Minh Chính brei thau lac, bruk dak padang dom Pasak jien padai dunya mada daong ka Viet Nam pambuak bruk, dui pachreih ralo hahlau phun jien barau, daong brei paralo prein khang bahrau. Piah jak ba dan thong patagok hu prein khang ini, Ban raya HCM dan thong Ban Da Nang njauk padang cơ chế karei brei lagaih thong bhum palei di drei.

"Cara bruk kadha ngak di khol drei ieu lac njauk brei sampurna ka the che. Yang ka 2 di nyu "Viet Nam hóa" ba tame dom kadha siam makre di dunya brei ka bruk ini. Khol drei kita bac magru ilamu di dunya min tapi brei lagaih thong taneh ia rahra bhap bini bhumi nagar Viet Nam, njauk caga prei kaya manuac urang, co so hatang jeng ye brei ka gah sang ka ieik glang kapul kong nghe pasang iek".

Gah tal kong nghe brei ka dom pasak jien padai di anak tuk padang pasak jien padai, hatang lek taka di Ban raya HCM dan thong Ban Da Nang njauk tame top di dom nagar patagok, dang di tanut 30 di dalam dunya, min tapi tuk ini daok tui mạng 5G di 2 baoh ban ini barau drak rayak tal 20%. Njauk dalam thun ini, dom urang ngak mbang blei salih gah viễn thông mada drak rayak bak bih 100% di 2 ban praong ini brei pakhang labaih 10 mang mạng 4G. Tuk nan, mạng 5G di 2 ban praong ini mada tui samu prein khang di dom nagar phát triển patagok./.