Mai ravang labik ngak tabiak ralo lamo pambu sa pandiak Tuấn Hậu di ban sit Phú Túc, huyện Krông Pa, tinh Gia Lai dom harei ni, khol dahlak hu mboh ralo majam pambu ralo lamo ngaok glaong, labik hu pandiak di bhum Tay Nguyen. Meng urang po labik tal urang ngak thei thei jang ngak bruk sami samar piah hu pandap ralo bingi njauk rala lamo thu di Krong Pa mbang Tet Nguyen dan. Dom klaih ralo lamao ngak meng tangin hu labik ni ruah meng that bangi abih di lamo, hu thớ atah, oh maluk lamek, hadei tuk ndam jaik 60 minit haong dom greng di bhum (ralo lac sara, halau lasun, taoy, amraik xiem saong plang), hu ba pambu ngaok rajam meng 3 - 4 mon.

Saai Hoàng Thị Minh Châu, sa urang atah bhum palei bhian blei ralo lamo pambu sa pandiak ngak pandap Tet alin ka ayut sahabat, biak chreih:

“Dahlak chreih mbang ralo lamo di Krong Pa, Gia Lai, kayua ralo lamo pak ni mbang bangi, mbau pahe, ralo patin, hu pambu ala pandiak biak glaong. Yaok thun jaik Tet lac dahlak bhian blei dom kik mai ngak pandap alin ka gauk patian”.

Ong Trần Quang Tuấn – Po labik ngak ralo lamo thu Tuấn Hậu khan lac, yaok harei pandiak siam, ong pambu dua mbang, meng mong 9 tal mong 12 saong meng mong 12 tal mong 15. Tui ong Tuấn, meng sa kaya mbang bhap bini di mikva bangsa Jarai di labik, ralo lamo pambu sa pandiak Krong Pa urakni hu pablei ralo ngaok darak pasar.

“Pandap ni mai meng kaya mbang di urang Jarai, meng nan mikva mek ngak kaya mbang ka tuai damuai. Pandam greng ka ralo ye ngak tui baoh sang drei, oh maluk yau di darak pasar, taeng sang drei min. Yaok sa guan peih ngak harei raya di dom pandap di mikva ngak nong ngak tabiak ye baoh sang drei hu mbaok tame. Hu guan nyaom darak ye drei hu mbaok tame piah yaih khan dom pandap panda ni ka urang pandar hu siam gheih.”

Meng kaya mbang bhian randap di bhap bini, ralo lamo pambu sa pandiak jeng sa pandap dak harei dak ralo di huyen Krong Pa, ngan haong ralo baoh sang tame ngak, padak padang hu dom angan je saong taduan hu angan pandap OCOP di bhum palei. Muk Hồ Thị Mười, Akaok labik ngak pandap Mười Đức di ban sit Phú Túc, huyen Krong Pa hu ilimo ngak ralo lamo pambu thu sa pandiak jaik 30 thun. Tui muk Mười, yaok sa harei, labik muk ngak tabiak jaik 50kg ralo lamo that. Tukvak jaik Tet Nguyen dan yau urakni, hu harei ngak meng 5 tal 7 tạ ralo lamo piah duh dom gilang pablei, mek jien tame hu ralo.

“Baoh sang drei hu 3 patuk kayua huyen brei saong jaik tal huyen jang pandar drei tagok 4 patuk, pandap drei tagok ralo hadah siam jang, pandap jang bingi, piah ba tabiak darak pasar saong drei jang taduan hu 4 patuk piah tui darak pasar dalam nagar. Piah hu siam ka prein yava di manuac pandar dahlak jang pasang tal dom bruk khik brei pandap hacih sa-at saong dom pandap siam makre”.

Ngan haong abih tih taphon lamo labaih 64.000 drei, Krông Pa daok patagok siam makre di ralo tamo hacih sa-at. Abih huyen urakni hu jaik 30 labik ngak tabiak ralo lamo pambu sa pandiak. Njauk caik hatai, dalam abih tih 29 pandap OCOP di huyen, hu tal 20 pandap hu ngak meng ralo lamo yau lamo hak pambu thu, lamo klaih thu, talang lamo sa pandiak, lamo tuan mala ging. Ong Võ Ngọc Châu, Akaok aduk Ngak nong saong Patagok Palei pala huyen Krông Pa khan lac:

“Yaok thun, huyen jang pandap dom po OCOP nao hu mbaok yaih khan angan je di bhum, langiu di tinh saong dom tinh, ban. Bruk ngak ni khin khan angan je saong yaih khan di lamo pambu sa pandiak Krông Pa tal dom labik. Piah patagok khang kajap, huyen hu jalan ngak daong ky thuat so che barau hu veih glaong makna angan je, peih praong darak pasar saong patagok pambuak chuoi makna meng ngak tabiak pandap tal blei pandar”.

Meng kaya mbang bhap bini urang Jarai, ralo lamo sa pandiak Krong Pa hu jieng kaya kan ralo manuac chreih pandar, rik prein tame bruk patagok kinh te di bhum palei. Tuk Tet mai Bal pataih mai, kaya bingi ni dak harei dak hu makna, yau sa barih ilimo kaya mbang di bhum taneh Tay Nguyen./.