Meng harei 1/1/2025, 80 phuong dom quan di Ban raya Ho Chi Minh (langiu Ban Thu Duc saong dom huyen) hu ramik, pagam jeng 41 phuong bahrau tui Sarak 1278 di Uy mban Thuong vu Quoc hoi. Tuk Sarak hu ba tame pandar, karja hanh chinh di 41 phuong bahrau hu ba tangin tame ngak bruk hu jao pandar.

Phuong 1 (bahrau) quan Binh Thanh hu brei pagam Phuong 3 saong Phuong 1 klak, jabat bahrau hu padang di Phuong 1 klak. Meng akaok thun ini, karja meng ba tame ngak bruk, bruk langyah harak gar hanh chinh ka rahra tagok rilo, min dom bruk ngak jeng hu langyah truh haluh.

 Amuk Hà Thị Nhuận rahra daok di Phuong 3 klak tal ngak harak hanh chinh di gah sa baoh bambang di Phuong 1 bahrau brei thau, bruk pagam 2 phuong ini jeng don vi hanh chinh pakat xa bahrau oh hagait salih karei brei ka mikva rahra, bruk langyah harak hanh chinh rah tabiak siam lagaih saron mbon.

“Urak ini dahlak hulin tagok phuong piah mek jien daong urang praong thun umo ka amaik. Dahlau tuk pagam ye Phuong 1 haong Phuong 3 tame hasa labik dahlak hulin daok jeng jaik taphia gauk, urak ini pagam mai jabat bahrau nan dahlak hulin mai tal ini tok jien daong jeng oh mboh hu hagait kan kandah. Dahlak hulin mboh mikva jeng sahnang hatai”.

Hadei di tuk padang phuong bahrau, kapul urang jakar, urang pan akaok haong rahra 2 phuong klak hu kham merat ngak siam bruk pagam hadei tuk ba tame ngak bruk meng harei 1/1.

Ong Đỗ Hữu Hùng, Phaok Akaok UB Bhap bini Phuong 1, quan Bình Thạnh brei thau, hadei di tuk pagam, rahra di phuong rilo jang, labik taneh praong jang hu 20 khu pho. Yaom lac dom bruk ngak oh rilo tagok min bruk ngak, rahra brei piah duh tagok rilo. Min, meng hu ramik radak, srap gap urang jakar di 2 phuong klak jeng daok ngak di labik samu yau nan, nan karja meng tame ngak bruk tani tanat hadei tuk pagam phuong.

“Dom janih kadha bruk ngak jeng yau ye dom tuk di phuong klak min, oh hu hagait rilo tagok min bruk duh ka rahra rilo tagok. Tuk dom harak gar piah langyah ka rahra rilo tagok, kol dahlak hulin hu srap gap kapul urang piah payak rahra, tagok urang menuac piah ngak yau habar pabak hu bruk ngak, langyah dil samar, oh tavak tavaiy, oh ngak kan kandah brei ka rahra. Urak ini, rahra mai meyao meyit di gah sa baoh bambang rilo meng lac piah mbaoh tangin harak gar. Dom bruk karei yau ye pasiam harak gar ta-eng urang atau harak gar sang danaok taneh riya tui don vi hanh chinh bahrau oh ka taduan hu rilo”.

Taong yaom brei ka bruk ngak di mbang akaok meti ramik radak jabat pakat xa, So Noi vu Ban raya Ho Chi Minh ndom lac hadei labaih 1 bilan ba tame pandar, 41 phuong hu pajeng hadei bruk ramik radak anak meta hu siam lagaih saron mbon, dom phuong oh ka tamuh harak gar truh akaok langyah brei likau panuac pato tacei di pakat angaok. Dom harak gar hanh chinh daok dalam tham quyen langyah di phuong jeng daok hu ngak tui njauk adat, oh hu kan kandah hagait.

Min, So Noi vu Ban Raya Ho Chi Minh brei thau, jeng daok lac dom asal kadha kan kandah tamuh tabiak yau ye: angan labik bahrau di rahra oh ka pagam tame hu ba tui harak gar di bhap bini rahra jeng daok dalam angan phuong klak (oh daok hadei pagam tame) nen gah Tu Phap phuong bahrau gaok kan kandah dalam bruk langyah harak gar hanh chinh ka rahra, kapul. Cambaih laih, oh ngak bruk lien thong bruk khai sinh, bao hiem y te, tut angan labik daok…tui angan phuong bahrau./.