Di dalam thun 2023, Ban raya HCM patui bruk ba hatai, ngak siam sarak bangsa di karja, sangka kuria bruk ngak, pato bruk, daong jien phun, dang ngak sarak patrun kathaot karo kajap brei ka urang bangsa tukik. Yau ye daong brei kat bảo hiểm y tế ka 10.840 urang; pasiam brei ka 72 baoh sang uranam;  pato bruk ngak oh mek jien haong daong bruk ngak ka yaok rituh urang. Gam tui brei ka 615 mang masraiy jien bih labaih 28,4 tỷ đồng; oh mek jien bac brei ka anek saih bangsa Chăm haong Khmer gam haong abih jaik 3 tỷ jien đồng; daong ka labaih  50 tuan gru urang bangsa tukik dang pato bac sap bangsa bih jaik 500 triệu đồng... Ông Nguyễn Thành Trung, Phó Chủ tịch Thường trực Ủy ban MTTQ TP.HCM brei thau lac: “Banraya HCM caik hatai ieik glang saneng kuria pachreih ba urang bangsa takik. Masa akaok thun barau, urang dang akaok banraya hu harei pataom mbaok piah thau dharphol piah pachreih mikwa urang bangsa daok di banraya hu ralo daong prein yawa di drei di dom thun blaoh tapa. Dalam nan mboh di thun 2023 mada daok kan daman min tapi mikwa urang bangsa tukik yakyum jum pataom, kham marat, ba rup yam tagok, daong prein tame brei kajap karo patagok ekonomi, ilamu rahra”.

Gam haong bruk caga siam makre brei ka raidiuk rahra, kuria kaya ngui raidiuk, Ban raya HCM tuk halei jeng caik hatai khik ramik, pachreih patagok ilamu di abih bangsa daok di ban raya HCM, daong brei pakhang pakajap patau kayau yakyum jum pataom bangsa jeng ye brei ka patagok kinh tế-xã hội.

Ông Hứa SaNi, Phó akaok Phakuti Ilamu bangsa – Ilamu Ban raya HCM, dang mbaok ka urang bangsa Khmer brei thau lac: mikva bangsa biak uan tabun sambai hatai kayua lac thun 2023, mbang akaok meti Harei Raya tuk ngo di urang bangsa Khmer hu peih ngak di B.HCM jeng ye hu brei khik siam bruk khik rami ramik sap ndom panuac mayai huruh bangsa Khmer; daong brei urang Khmer nao ngak bruk langiu nagar; brei daong 60% jien bilan ka urang pato huruh akhar sap bangsa Khmer. “Dom janih ini ngak ka kon dahalak hulin biak bui sambai chreih chrai daok bac magru ngak mbang di banraya HCM”.

Ông Res A Bidine, Akaok urang wakil di sang magik Mubarak labik urang bangsa Chăm di Phường 2, Quận 8 lac: dom thun blaoh tapa urang bangsa Chăm hu brei daong ieik glang sangka di jaka dom pakat karja banraya HCM brei ka bruk ngak mbang, padang sang uranam, daong jien bac, pok chraok paar ka anek saih bangsa Chăm. Ieu lac sa urang hu angan di dalam jammaah bangsa Cham, ông Res A Bidine khin caong drei jeng “pacatua pauak” di dua dua karja haong urang bangsa Chăm daok di banraya HCM ini: “Drei ieu lac sa urang hu angan di dalam jammaah dan haong sa urang đảng, hulin jak ba urang musalim ngak tui jalan di Đảng haong hukum nagar. Mai meng dom urang pan akaok dom pakat karja nagar ba hatai ieik glang daong ba urang bangsa hu sang uranam, mbang ngui rahra. Dalam nan mboh di nyu hu daong jien bac magru ka anek kamuan kon hulin, mai meng urang bangsa tukik bac jeng hu ralo urang bac bác sĩ, hu urang bac pakat glaong haong urang jeng gru dang pato bac”.

Di Ban raya HCM, bruk ngak mbang urang bangsa Hoa mboh ralo hadah. Ralo labaih 30% urang bangsa Hoa blei salih, hu ralo daong prein tame brei patagok ekonomi di Ban raya raya HCM, ieu lac sa dang talei pambuak jalan ngak mbang ekononomi, blei salih, buh jien ngak mbang di Việt Nam ngan haong dom dom nagar. Urak ini di B raya HCM hu jaik 20 sang danaok gilang dalam danak dak hu angan di urang bangsa Hoa. Uantabuan mai hu karja di Ban raya HCM caik hatai, ông Vương Bái Xuyên, dalau dang akaok jabat MBang Bantu Daong di Pasak Huruh ilamu Hoa Khải Tú, brei thau lac miukwa urang bangsa, dalam nan hu mik wa urang bangsa Hoa di Banr aya HCM sanang hatai daok dang ngak mbang ba hatai jai padang patagok raidiuk dak harei dak siam makre di ban raya HCM kita: “Urang bangsa Hoa di ban raya HCM jeng ye urang bangsa karei gam gam patagok, mboh Đảng, Karja nagar biak caik hatai. Yau nan ye urang bangsa Hoa mada hu ngak mbang dalam ia dalam nagar jeng ye hu pambuak talei siam haong langiu nagar daong prein yawa padang Ban raya dak harei dak siam matre jang”./.