K1. Tagok umo thun padeih hưu, salih bruk mbang jien bilan padeih hưu

Tui jalan ngak di Paka 169 Hukum urang ngak thun 2019 ye umo thun padeih hưu di urang ngak bruk di labik bình thường thun 2024 lac 61 thun ngan haong likei saong 56 thun 4 bilan ngan saong kamei.

Umo padeih hưu thun 2024 tagok jang duk haong thun 2023. Nan ye bruk mbang jien bilan padeih hưu thun 2024 di urang ngak jeng hu salih karei.

Tui bruk ba tabiak di paka 54 Hukum BHXH thun 2014 hu pasiam veik meng điểm a khoản 1 Paka 219 Hukum urang ngak thun 2019, urang ngak blei BHXH bắt buộc dalam tuk ngak bruk di labik bình thường hu mbang jien bilan padeih hưu meyah daok dalam dom quy định saong pabak hu sa dalam dom bruk ka umo thun padeih hưu.

Cambaih laih lac urang likei meng umo ginup 61 thun saong umo padeih hưu di urang kamei lac ginup 56 thun 4 bilan.

K2. Tagok jien bilan padeih hưu, daong jien BHXH

Tui Nghị quyết 104/2023/QH15 harei 10/11/2023 ka kuhria dahlau kadung jien karja thun 2024 ye meng harei 1-7-2024, peih bruk salih bahrau abih gah sarak jien bilan tui Nghị quyết 27-NQ/TW thun 2018 di Naom biai mbang ka 7 mBan Chấp hành Trung ương mbang XII.

Gam haong nan, peih bruk ramik veik jien bilan padeih hưu, daong BHXH, daong yaok bilan, daong ka urang buh prein ka cach mang saong dom sarak an sinh xã hội daok pambuak haong jien bilan cơ sở.

Jeng hu makna lac jien bilan padeih hưu, jien daong BHXH, jien daong yaok bilan ... hu tagok meng harei 1-7-2024.

K3. Salih karei jalan kuhria jien bilan padeih hưu takik di abih

Khoản 5 Paka 56 Hukum Bảo hiểm xã hội thun 2014 tacei tabiak yaom jien bilan padeih hưu biar abih tuk blei BHXH bắt buộc lac samu yaom jien bilan cơ sở.

Urak ini, yaom jien bilan  cơ sở daok lac 1 triệu 800 rabau đồng, nan ye yaom jien bilan padeih hưu biar abih lac 1 triệu 800 rabau đồng sa bilan.

Meng harei 1-7-2024, klaak jien bilan cơ sở meda hu harak tacei pato jalan kuhria yaom jien bilan padeih hưu biar abih di tukvak ini.

K4. Ramik veik yaom jien daong bảo hiểm xã hội, jien daong yaok bilan

Tui Hukum Bảo hiểm xã hội thun 2014, dom pok jien daong BHXH hu kuhria tui yaom jien bilan cơ sở.

Pagap yau daong 1 mbang tuk ndih tapui anek, daong pabak prein yava hadei di menek, hadei di ruak kik, daong jien ngak ndam matai, daong jien metai yaok bilan.

Tuk peih bruk salih bahrau jien bilan ba tal oh daok hệ số jien bilan saong yaom jien bilan cơ sở. Tui nan, dom pok jien daong BHXH angaok nan jeng hu salih karei. Tui Nghị quyết 104/2024 dom pok jien daong ini meng harei 1-7-2024 hu tagok.

Urak ini Rajaei daok ba tabiak dom pok jien daong pambuak haong jien bilan cơ sở samu haong yaom glaong abih urak ini saong tacei tabiak meng yaom jien cambaih laih.

Tui nan, daong pabak prein hadei di menek, ruak kik, lac: 540.000 đồng sa harei, daong 1 mbang tuk ndih tapui anek lac: 3 triệu 600 rabau đồng sa urang anek…

K5. Salah bahrau hệ số trượt giá BHXH 2024

Mintri Lao động - Thương binh saong Xã hội meda khan brei thau 1 hệ số trượt giá BHXH (yaom ramik veik jien bilan saong jen mek tame hu đóng BHXH) ka thun hadei di tukvak puac thun.

Urak ini hệ số trượt giá BHXH ngak tui Thông tư ka 01/2023/TT-BLĐTBXH pandar ka dom urang blei BHXH bắt buộc saong tự nguyện.

Tukvak ini oh ka thau ka hệ số trượt giá BHXH di thun 2024 min meyah hệ số ini tagok duk haong thun 2023, dui tui yaom mbang tui BHXH 1 mbang, jien bilan padeih hưu yaok bilan, jien daong 1 mbang tuk padeih hưu atau daong jien matai 1 mbang jeng hu tagok.

K6. Salih karei yaom blei BHYT

Điểm e khoản 1 Paka 7 Nghị định 146/2018/NĐ-CP tacei tabiak yaom blei bảo hiểm y tế di baoh sang tui bilan yau ini:

- Urang camereip đóng samu 4,5% yaom jien bilan cơ sở;

- Urang ka 2 đóng 70%, urang ka 3 đóng 60%, urang ka 4 đóng 50% yaom đóng di urang camereip;

- Meng urang ka 5 trun, đóng samu 40% yaom jien đóng di urang camereip.

Daok anek saih, sinh viên, yaom đóng BHYT yaok bilan samu 4,5% yaom jien bilan cơ sở (kadung jien karja daong 30%, anek saih sinh viên đóng 70%).

Meng harei 1-7-2024 tui bruk salih bahrau jien brei klaak yaom jien bilan cơ sở. Meng tukvak ini meda hu tacei pato bahrau ka yaom đóng saong yaom mbang bảo hiểm y tế tui baoh sang, anek saih - sinh viên.

Ka7. Salih bahrau yaom jien iek ruak, taong ruak 1 mbang hu bayar 100%

Urak ini, yaom jien ka sa mbang iek ruak biar jang 15% yaom jien bilan cơ sở (biar jang 270.000 đồng) ye urang blei bảo hiểm y tế hu bayar 100% yaom jien.

Yau nan, meyah meng harei 1-7-2024 klaak jien bilan cơ sở ye pok jien ini jeng hu bruk salih karei saong hu tacei pato cambaibh laih./.