Tui tacei pato di Sarak 166 di BHXH ye bruk bayar jien bilan padeih hưu, daong jien BHXH yaok bilan lac meng harei 2 di bilan peih bruk bayar. Harei bayar jien bilan padeih hưu, jien daong BHXH:

Harei bayar jien bilan padeih hưu, jien daong BHXH bilan 6.2024 meng harei 2 tal abih harei 25 dalam bilan.

Bayar di labik bayar: meng harei 2 tal harei 10 bilan 6 peih bruk bayar takik abih 6 mon sa harei di taong abih dom labik bayar; tok padeih bayar dahlau di harei 10 bingun ngan saong dom labik hu bayar abih dom menuac tui harak angan hu gah BHXH payua mai.

Bayar di labik ngak bruk di bưu điện huyện: Meng harei 11/6, daok brei bayar di dom labik bayar lac labik ngak bruk di bưu điện tal abih harei 25 di bilan.

Daok bruk ủy quyền brei mek jien bilan padeih hưu:

Tui Khoản 6 Paka 18 Hukum BHXH 2014 tacei tabiak quyền di urang ngak:

K1. Hu mbaok tame saong hu mbang tui dom sarak BHXH tui adat di Hukum ini.

K2. Hu ngak brei saong khik ramik sổ BHXH.

K3. Taduan jien bilan padeih hưu saong taduan jien daong BHXH ginup abih, samar drah, tui sa dalam dom jalan bayar yau hadei ini:

a) Taduan mek tapak meng jabat BHXH atau dom labik dịch vụ hu gah BHXH ủy quyền;

b) Tapa tài khoản jien payua di urang ngak peih di gilang pariak;

c) Tapa menuac pandar urang ngak.

K4. Mbang tui bảo hiểm y tế dalam dom bruk yau hadei ini:

a) daok mbang jien bilan padeih hưu;

b) Dalam tukvak padeih bruk mbang jien daong thai sản tuk menek anek atau taduan raong anek raong;

c) Padei bruk mbang jien daong tai nạn ngak bruk, ruak kayua bruk ngak yaok bilan;

d) Daok mbang jien daong ruak kik ngan saong urang ngak njauk ruak dalam harak angan ruak njauk taong ruak lavik harei di Mintri Y tế patabiak.

K5. Hu nao khám taong yaom tanut trun prein ngak bruk meyah daok dalam asal kadha tacei tabiak di Điểm b Khoản 1 Paka 45 di Hukum ini saong daok bảo lưu tukvak đóng BHXH, hu bayar jien giám định y khoa meyah ginup kadha piah mbang tui BHXH.

K6. Ủy quyền brei ka urang karei taduan mek jien bilan padeih hưu, jien daong BHXH ....

Bruk ka 2 lac urak ini hu dom jalan taduan mek jien bilan padeih hưu saong jien daong BHXH yau habar?

Ngak tui bruk ba tabiak di khoản 3 Paka 18 Hukum BHXH 2014, tukvak tapa, gah BHXH Việt Nam hu peih ngak rilo jalan bayar jien bilan padeih hưu saong jien daong BHXH samar drah, lagaih haong hatai caong di urang mbang tui.

Urang mbang tui hu quyền pilih ruah jalan taduan mek jien bilan padeih hưu saong jien daong BHXH ginup abih, samar drah, tui sa dalam dom jalan bayar yau ini: mek tapak di jabat BHXH atau dom labik hu gah BHXH ủy quyền; tapa tài khoản jien payua di urang ngak peih di gilang pariak, tapa menuac pandar urang ngak.

Ong Nguyễn Văn Tĩnh – Phaok akaok Vụ Tài chính - Kế toán (BHXH Việt Nam) brei thau, piah khik ka bruk bayar jien BHXH ginup abih, samar drah tal yaok urang hu mbaok tame saong hu mbang tui sarak, gam haong bruk bayar tapa tài khoản cá nhân di gilang pariak, jabat BHXH jeng daok peih bruk bayar jien bilan padeih hưu saong jien daong BHXH meng jien mbaok ka dom urang caong hu jien mbaok.

Abih di nyu nan lac, di harak pambuak bruk ủy quyền bayar dom jien BHXH, jien daong lahik bruk ngak saong khik ramik urang hu mbang BHXH yaok bilan tapa jalan di bưu điện, BHXH Việt Nam hu tacei tabiak bruk ngan saong urang mbang jien bilan padeih hưu, jien daong BHXH yaok bilan lac urang taha, daok sa drei, ruak kik, pandik harao  bo oh hu prein nao tal labik bayar piah taduan mek jien bilan padeih hưu, jien BHXH, gah Bưu điện peih bayar brei saoh tal labik daok di urang mbang tui.

Bruk bayar tui jalan ngak ini taduan hu rilo panuac mayaom lac ba mbuan lagaih di abih, daong ka urang taduan BHXH ginup abih, samar drah tui adat.

Pathau mikva saong taong abih gauk! Bruk bayar jien bilan padeih hưu, jien daong BHXH oh pandar jien mbaok lac njauk haong jalan ngak di Rajaei, Thủ tướng Rajaei saong hu rilo siam, lagaih, daong ka urang mbang tui oh pataom gauk mai taduan mek jien saong mbaoh tangin tame harak angan bayar di dom labik bayar nan ye patak pataom hu tukvak saong prein yava nao mai, khik ka urang taduan mek BHXH hu ginup abih, samar drah, tantu, cambaih laih, salamat, njauk tukvak tui adat ba tabiak./.