Urang ngak taduan mek hu jien daong meng 500 ribau đồng tal 1 triệu đồng sa bilan

Tui pathau khan di Mentri Lao động-Thương binh saong Xã hội, kuhria tal harei 2/8, dom tỉnh ban bahrau duyệt hồ sơ ka labaih 17 ribau doanh nghiệp ngan haong 1,2 triệu urang ngak samu 1/3 taong abih hồ sơ. Bruk suai peih jien daong  pah sang trọ ka urang ngak daok ngak ka rilo urang ngak oh bui sambai saong brei thau lac oh daok caong maong tame bruk taduan mek hu jien daong.

Tui amuk Đặng Thu Hà, Phòng nhân sự, Cty TNHH Cosmos 1, Việt Trì, Phú Thọ, Công ty hu nộp harak gar di urang ngak ginup điều kiện taduan mek jien daong tui yaok bilan. Bilan 4, 5 hu tut angan 207 urang likau saong bilan 6 lac 181 urang. Min tal harei ini oh ka hu urang halei taduan mek hu jien daong pah sang. Makna di lac kayua urang ngak vak kurang thong tin, kurang 1 thong tin min Sở Lao động-Thương binh Xã hội jeng ba-yar taong abih hồ sơ piah pabak veik.

Tui Akaok Mentri Lao động Thương binh saong Xã hội Đào Ngọc Dung, bruk daong suai lac kayua karja palei oh ka sangka tal labik tal dhua, kurang trách nhiệm dalam bruk tacei pato, tham mưu saong daok karung karang dalam bruk bố trí, pandar jien ndo piah daong; urang pandar urang ngak, po labik brei pah sang trọ huac trách nhiệm, oh khin xác nhận, ngak harak gar đề nghị ka urang ngak; daok urang ngak oh ka thau cambaih piah ngak harak gar likau daong. Ong Đào Ngọc Dung brei thau:“Dalam quyết định hu ndom cambaih, lac tal harei 15/8 brei peih jien  salah abih, bo tal harei ini jeng daok biak biar. Dalam Sarak di Thủ tướng saong dalam công điện jeng hu ndom cambaih, taduan trách nhiệm anak Raja-ei saong anak Thủ tướng, nan lac akaok UBND dom tỉnh, ban. Khaol drei meda ủy quyền ka pakat huyện piah langyah bruk ini. Meng adit hadei khaol dahlak likau adat gam haong Rayo papar binguk saong dom jabat truyền thông khan brei thau yaok harei, brei thau yaok harei bruk peih jien, oh salah di harei 15/8 ye dalam bilan 8 khaol drei njauk daong salah abih”

Piah jhul samar bruk peih paok jien daong, Tổng Liên đoàn lao động Việt Nam hu tacei pato dom pakat công đoàn pambuak bruk haong po pandar urang ngak saong karja palei peih talaih tavak tave, samar peih jien jien daong pah sang ka urang ngak. Amuk Trần Thị Thanh Hà, Akaok mBan quan hệ lao động, Tổng Liên đoàn lao động Việt Nam brei thau: “Tổng Liên đoàn hu harak tacei pato dom pakat công đoàn, abih di nyu lac dom pakat công đoàn doanh nghiệp, công đoàn labik ngak kong, patagok bruk pambuak gauk haong po pandar urang ngak saong dom pakat karja labik hu rilo urang ngak pah sang, salih bahrau harak gar, ba mbuan lagaih ka urang ngak hu harak xác nhận, ngak salah harak gar thanh quyết toán saong taduan mek hu jien daong nan. Meyah daok tavak tavaiy ye dom gah pambuak gauk peih talaih, gam haong nan pathau khan tagok dom pakat piah samar langyah, patagok bruk peih pok jien daong ini.”

Peih ngak bruk daong jien pah sang ka urang ngak dalam danak dak pasiam veik patagok bruk ngak mbang KTXH, Raja-ei hu buh tabiak 6.600 tỷ đồng meng kadung jien Karja piah peih ngak sarak daong jien pah sang ka urang ngak gaok kan kandah hadei di jit prong Covid. Tui kuhria hu 3,4 triệu urang ngak taduan mek hu jien daong ngan haong tanut meng 500 ribau đồng tal 1 triệu đồng sa bilan, rilo di abih lac 3 bilan meng pok jien daong ini. Tui adat, tal harei 15/8 tal, dom tỉnh ban brei ngak salah bruk peih pok jien daong ini./.

Urang lang: Jasi – 09/08