Ong Đoàn Văn Khanh, umur 70 thun, 50 thun urang Ndang, daok di xa Song Thuận, huyen Châu Thành, tinh Tien Giang, mada umur glaong mintapi daok ngak Yam ndok kongti TNHH Long Thuận – Sa jabat ngak gah baoh kruac bum jeng ye dom janih ndap nda meng baoh kruac bum, li u sáp. Tal ini ndap nda di kongti ngak tabiak mek hu angan ndap nda Viet Nam yaom ia glaong ralo thun jeng ye mek hu tanut dunya; dalam nan hu 12 janih ndap nda mek angan OCop 4 patuk, 5 kaya mek angan OCop 3 patuk. Gam thong kham marat di drei, năm 2016, urang ndang Đoàn Văn Khanh hu Thu tuong Rajaei Pok brei harak mayaom … Ong Đoàn Văn Khanh khan brei thau:

          “Meng kan dalau, tuk drei tame Ndang hu thau lac drei masuh mbiah tal abih prein yava, nan di dalam jaman masuh. Urak ini oh daok kalin drei jeng kham marat ngak mbang mbiah tal suan yawa abih meng padeih. Urak ini drei ngak tabiak ndap nda kaya bingi, siam ka prein yawa, oh cuang ka alam langik tasik".

          Tui jalan “urang Ndang nao dalau tapa – taneh ia nagar nduac tui”, ong Lê Văn Thủy, umur 65 thun, urang Ndang daok di xa Mỹ Tịnh An, huyen Chợ Gạo, tinh Tien Giang, sa urang ngak nong ngak mbang naih joi pakat nagar. Ong  Thủy po bein praong 1,8 ha pala baoh gara hatai putih brei baoh glaong, yaok thun mek hu labaih 1,5 ty dong. Thun 2020, ong hadah mbaok hu Thu tuong Rajaei brei harak mayaom brei ka bruk ngak mbang. Ong hu Trung uong Kapul Pahasa ngak nong Viet Nam, UB Bhap bini tinh Tien Giang mayaom ralo harak brei ka bruk ngak mbang naih joi … Urang Ndang Lê Văn Thủy kham marat ngak kaya brei ka sang danaok di drei jeng ye brei ka bhap bini:

          “Meng dalau drei ieu lac sa urang ngak nông bhian biasa drei jeng hu buh prein, urak ini drei hu angan dalam kapul urang Đảng blaoh drei mboh njauk ngak yau habar ngak brei ka rah ra bhap bini jie tui drei jang, njauk ba prein yawa tame ralo jang piah ngak kreih camin ka uranaih, adei gauk, palei pala pasang ieik ngak tui piah ka bhum palei di drei dah krah jang”.

Jaik tapen Tien Giang ieu lac tinh Ben Tre – sa bhum taneh kaya mada ialmu cach mang hu angan pelei “Dong Khoi”. Drut hatai ralao mboh urang kham marat brei ka bhum palei di ong Trần Công Ngữ, umur 79 thun, 55 thun NDang, dalau ngak Phaok Akaok UB Bhap bini tinh Ben Tre, urak ini ngak Akaok Kapul daong urang ruak kathaot di dalam tỉnh. Yaom lac thun hu glaong, min dom urang taha ini jeng daok kham marat brei ka bruk ngak Kapul blaoh hu sa baoh uah kan:

       “Ben Tre jeng ieu lac sa tinh kan daman trak damak kayua kalin kan dalau diah. Njauk di nyu tuk ini drei padeih padei ka sanang rup min tapi ngak hu hagait daong hu hagait brei saneng kuria ka bhap bini rahra yau ye bayar dhar phol ka Ndang – Taneh ia dan ka Rahra”.

          Tui taong yaok di Ban wakil lambaok di Kapul Urang praong thun tinh Ben Tre, taong abih dalam tinh hu labaih 13.000 urang praong thun urang ngak bruk di dalam politik, jabat karaj rahra palaei; dalam nan hu jaik 70% urang ndang praong thun. Dom urang mdang praong thun tuk halei jeng bar up nao dalau di dalam bruk ngak di palei, ngak jeng kreih hadah brei ka bhap bini rahra dam dara ngak tui./.