Rilo DN di tỉnh Đông Nai dok patagok bruk ngak mbang 

Urak ni, Đồng Nai daok ngak hu siam dom jalan salih bahrau ka nyu lagaih, siam mekre, salamat, sami samar, gam song bruk dak harei dak pasiam veik, jhul patagok dom bruk  pabak pandap piah ngak, pablei salih song dong ka doanh nghiệp (DN) 

Lac sa dalam dom gah ngak praong, pablei tabiak negar langiu kayau  Đồng Nai thun 2021 mek hu labaih  1,86 tỷ USD. Dalam thun  2022, gah ngak kayau kham merat mek hu labaih 2 tỷ USD jien pablei pandap tabiak negar langiu  . Ong Lê Xuân Quân, Akaok  Hiệp hội Kayau song thủ công mỹ nghệ Đồng Nai brei thau, Hiệp hội daok lac talei pambuak piah peih bruk pablei salih, dong ka dom DN dalam gah taom gaok nao mai, pambuak bruk, duah jien ndua pabak ka bruk  sản xuất, gam song nan pambuak dom gilang pariak song DN ba tabiak dom pok jien brei sraiy yaom laba takik.

Dalam tuk pasiam veik kinh tế  hadei di dom kan kandah di jit ruak Covid-19 song dom kan kandah karei, dom  DN dalam tỉnh jeng dok tuh phun jien tame ngak mbang. Pagap yau  Công ty TNHH Nestlé Việt Nam dok buh pabak 132 triệu USD , piah tagok jang 2 mbang pren khang ngak tabiak  dom janih  cà phê chất lượng glong  di sang mac  Nestlé Trị An (Labik ngak công Amata, ban .Biên Hòa). Pok jien buh tame ni, nyu patagok abih tih yaom jien negar langiu buh tame ngak mbang di Công ty TNHH Nestlé Việt Nam tagok jiak  730 triệu USD, dalam nan hu 3 sang mac daok ngak di Đồng Nai.

Bahrau ni, Kapul  Framas di  Đức hu pah taneh peih prong  bruk ngak di Huyện .Nhơn Trạch. Tui nan, DN pah labik sang  xưởng hu padang ngak blaoh prong  20 ribau  m2 di labik ngak công Nhơn Trạch 2. Framas  lac  DN ngak tabiak dom pandap  ngak meng nhựa chất lượng glong pabak ka bruk ngak takhaok, dep, bruk peih prong ni, dok dalam jalan ngak takhaok, dep daok angaok jalan patagok di  Việt Nam.

Oh lac dom DN hu phun jien negar langiu buh tame ngak mbang, bo rilo DN dalam taneh ia jeng hu peih prong sang mac. Tui kuhria dalam thun  2022 ni, Sang mac ka 5 di  Công ty CP Sản xuất bao bì công nghiệp Toàn Cầu (Glopaco) hu padang ngak di labik ngak  công Hố Nai (huyện.Trảng Bom). Ong Phạm Văn Chính, Yam ndoc công ty ndom lac, pok jien pablei bao bì dom janih yaok thun di  Cty tuk halei jeng tagok glong, nan ye sang mac bahrau meda rik dong meblah hu drak pasa song padang angan je ngak tabiak  bao bì di Đồng Nai dak harei dak khang kajap jang. 

Bruk ngak mbang tagok mbiah, min DN jeng gaok kan kandah, kayua yaom xăng menyek, vật tư, pandap panda ba tame ngak jeng tagok , ni lac bruk kan kandah  ka dom  DN. Piah khik hu jalan patagok song tani tanat di kinh tế,  dom  DN brei yam tapa hu dom kan kandah di dunya urak ni daok gaok njauk,  yau : nguyên vật liệu, nhiên liệu kurang, takik,  yaom kaom tagok glong, song jien pajeng ba angaok tasik gam gam tagok yaom bahrau.Taphia di nan, tỉnh njauk peih ngak samar dom danak dak dong ba hu rajaei brei tapa , abih di nyu nan lac  dom sarak dong gah phun jien, pabak urang ngak, dong ka DN hu mesraiy pok jien brei mesraiy yaom laba takik  2% di karja, peih prong rilo labik pabak phun jien brei mesraiy yaom laba takik  ka DN sit song mbiah njauk kan kandah di jit  Covid-19./.

Urang lang: Hanipha- 17/3