Bruk padang hội quán pataom hu dom jabat, đơn vị, doanh nghiệp, dom urang ilamu, chuyên gia ba gauk daok la veik haong bhap bini piah ginum biai ka ilamu kỹ thuật pala ngak, jalan ngak mbang pablei salih piah ngak habar paglaong chất lượng kaya nong, pabak dom tiêu chuẩn ilamu kỹ thuật saong nao gam sruh gilai haong doanh nghiệp piah ba kaya nong nao atah jang tame dom darak pasar dunya.

Huyện Tháp Mười urak ini hu 13 hội quán, gam haong 665 urang       ngak bruk di rilo gah, dom hội quán hu pambuak bruk haong dom gah peih 9 tal pathram ka 273 urang daok dalam hội quán ka bruk ngak pandap hacih sa-at; jalan ngak tabiak piah tut angan mã bhum pala; dom urang dalam dom hội quán hu pambuak gauk ginum biai, bac megru ilamu saong gam gauk duah darak pasar kaya nong ka urang dalam hội quán tui jalan ngak prong. Tapa nan, urang dalam hội quán hu pandar công nghệ thong tin tame dalam bruk ngak pandap. Ong Nguyễn Văn Điền, Thuận Kiều hội quán xã Đốc Binh Kiều, huyện Tháp Mười brei thau: “Dahlau diah drei ngak bein, drei pang manuac ini ndom urang diah biai blaoh drei ngak ta-eng min tuk tame hội quán ye hu thau thông tin di dom urang ilamu khoa học, manuac urang hu tacei pato drei pala phun hagait, raong anek hagait, buh khak yau habar, pruh jru yau habar ka nyu laghaih haong bruk pala ngak kaya nong hacih sa-at. Yaok bilan pataom gauk ginum biai ka dom hagait hu kein laba, pataom mek ilamu kinh nghiệm, hu klah rabha, hu ginum biai nao mai haong gauk piah pandar angaok mblang bein di drei.”

Hội quán nan lac sa kapul nyaom piah pataom dom urang hu gam sa bruk ngak haong gauk, ba gauk klah rabha ilamu, pambuak gauk ngak. Kayua yau nan ye, piah ka hội quán patagok hu siam lagaih ye bruk ngak di mBan Chủ nhiệm Hội quán lac biak prong, dom urang ini brei abih hatai jai, hu rilo sahneng duah, salih bahrau dalam jalan ngak piah ka dom urang dalam hội quán khang hatai saneng, ngak, khin taom gaok ilamu công nghệ, bac megru ilamu ka dom jalan ngak siam gheih. Ong Đặng Văn Rít, Phaok Chủ nhiệm Tâm Quý Hội quán, xã Mỹ Quý, huyện Tháp Mười khan lac: “Ban chủ nhiệm brei jum pataom gauk, caik hatai tui pang panuac di gauk, ba tabiak jalan ngak, njauk ngak hagait, caong khin puk palei daong hagait, ba tabiak 2,3 mbang nyaom piah ka mikva hu panuac klah rabha haong gauk ka dom bruk caong khin njauk ngak, blaoh bruk hagait drei njauk plaih, dom urang dalam hội quán ginum biai haong gauk. Duah jalan bac megru, duah  dom siam gheih piah pathau khan gilac veik ka mikva.”

Bruk njauk biai di dom hội quán nan lac bruk rik pataom phun jien payeng brei ka gauk nyim, yaok urang rik tame meng 200 ribau đồng tal 1 triệu đồng/bilan, bruk ini hu daong khik bruk sinh hoạt định kỳ, gam daong ka dom hội viên mboh hu bruk gun pataom, daong ba gauk, meng phun jien ini, daong ka dom  thành viên padang ngak sang, pasiam veik bein, blei pandap panda ngak nong saong pandar công nghệ 4.0 tame dalam bruk pala, ngak. Min piah ka dom hội quán  khik hu bruk ngak saong patagok kein laba, brei hu bruk sangka ba jalan, daong ba di Karja puk palei gah ilamu kỹ thuật, brei thau ka darak pasar. Ong Lê Văn Lý Em, Bí thư, Chủ tịch UBND xã Láng Biển, huyện Tháp Mười brei thau: “Kan kandah di urak ini nan lac ilamo di dom adei sa-ai hội quán daok takik dalam bruk taom gaok công nghệ thong tin. Tuk vak anak tal meda patagok bruk daong ka hội quán, palaghaih ka hội quán ngak bruk siam jang. Pamaong tal meyah hội quán ngak siam bruk ngak ini, jalan ka hội quán nao tagok jeng hợp tác xã, piah daong ka dom urang dalam hội quán hu jalan mboh tangin pambuak bruk haong dom công ty dalam bruk pambuak gauk, pablei pandap panda di drei saong ba tagok sàn giao dịch.”

Meng bruk padang hội quán, huyện Tháp Mười daok pataom tame kham merat padang rilo jang dom hợp tác xã meng hội quán. Piah ngak hu bruk nan, huyện Tháp Mười meda patagok bruk tacei pato, daong ka hội quán pandar công nghệ 4.0 tame dalam bruk ngak mbang pala drak, duah thau ka darak pasar, dom labik pablei pandap panda, dak harei dak khang kajap piah tagok jeng hợp tác xã. Tapa nan, patui bruk peih tabiak jalan nao bahrau, laghaih haong bruk rami ramik veik gah ngak nong di Đồng Tháp./.