Hu mbaok dalam mbang pato tacei livestream pablei pandap ka adei saai kumei padang mbang ngui kayua Kalup kapul urang kumei peih tabiak, kol dahlak mboh hu bruk huac kanda di dom adei saai kumei tuk mbang camriep mayaih khan pandap di drei, ka oh randap tuk ndem mayai anak màn hình, oh thau mayaih khan yau habar, ndem habar piah urang blei pang jeng lac bruk suh sah di dom adei saai kumei. Min, hadei di tuk hu pato tacei saong dang ngak tapak di mangaok dom mbang livestream, dom adei saai hu khang hatai eng drei livestream pablei dom pandap panda di drei angaok dom mang xã hội.
Saai Nguyễn Thị Chi, po Labik ngak rik thu Liêm Chi, xã Trường Xuân, huyện Tháp Mười khan lac, meng hu pato tacei, daong ba, urak ini saai khang hatai livestream pablei pandap di drei angaok dom mang xa hoi, abih di nyu nan lac tiktok, langiu di pablei pandap tui jalan meng kan ye urak ini bruk livestream lac jalan pablei praong di saai. Po Labik rik thu Liêm Chi - Nguyễn Thị Chi daok brei thau lac: “Dahlau daih tuk ka oh ba tagok online, Facebook, zalo pablei oh hu kayua drei oh thau jalan ba tagok, oh thau quay video, ye oh hu tuai blei. Min urak ini tapa dom tal pato pasram, drei thau jalan piah drei ngak saong pablei pandap hu di angaok dom nền tảng yau ye Facebook, zalo saong abih di nyu nan lac di mangaok tiktok drei pablei hu rilo jang dahlau. Dahlau deih, drei oh sahaneng lac drei pablei pandap online hu, urak ini rik thu di drei hu pablei nao atah jang yau ye Hà Nội, Bắc Kạn, Bắc Giang, Lạng Sơn.”
Saai Trần Thị Trinh, po labik ngak, pablei ahar kẹo Phát Huy di ban sit Mỹ An, huyện Tháp Mười brei thau, hadei di tuk hu pato tacei jalan pablei pandap livestream, saai jeng hu livestream piah pablei, meng pablei di mangaok rilo kênh nan ye darak pasa hu peih praong, pandap ngak jeng tagok rilo jang jaik 10 mbang, nan ye saai buh jien blei mac jamraik ngak pandap tự động. Bruk salih jalan ngak meng tangin tapa ngak tự động hu daong patrun manuac ngak, trun phun jien buh tame, patagok pandap ngak tabiak. Saai Trần Thị Trinh brei thau: “Buh jien blei mac jamraik piah takik veik manuac ngak, yaom kaom jeng mariak gauk jang, hu rilo labik kakei blei nan ye ngak meng tangin oh ginup pandap ka darak pasa, nan ye njauk salih tapa ngak meng mac jamraik bahrau, daok kuhria lac pandap panda halei di palei ye tut angan OCOP”
Langiu di pato tacei pablei pandap di mangaok rilo kênh, Kapul Urang kumei huyện saong Kalup kapul tuk halei jeng sangka, pambuak bruk haong dom gah pambuak tal di palei daong ba, pato tacei dom urang dalam kapul ngak dom harak gar, dom adat, harak pok brei angan mek hu tanut chuan salamat pandap mbang, tut angan pandap OCOP piah pandap pablei tabiak hu siam jang, abih di nyu nan lac pandar dom jalan pablei bahrau piah pandap pandang mbang ngui di adei saai dalam kapul hu ba tabiak darak pasa hu siam mekre. Saai Hồ Thị Diễm Thúy, Akaok Kalup kapul urang kumei padang mbang ngui huyện Tháp Mười, khan lac: “Tuai blei pandap meng kan drei njauk khik saong hu sa jalan pablei bahrau lac livestream. Kayua urak ini hatai caong blei pandap di mangaok mạng xã hội, di puk palei oh thau ka jalan pablei pandap ini, urang kumei pato pasram ka dom adei saai pablei pandap livestream ye urak ini dom adei saai thau jalan pablei pandap di mangaok mang xa hoi, dom adei saai pablei pandap di mangaok nan oh daok huac yau dahlau deih. Urak ini hu dom tal pato pasram, dom adei saai khang hatai jang, hu pabak prein piah pablei pandap kayua pablei di mangaok nan biak tani tanat.”
Thun blaoh hu 20 janih pandap hu tut angan padang mbang ngui. Urak ini, huyện Tháp Mười hu 47 janih pandap padang mbang ngui, janih abih dom janih pandap hu pablei di mangaok mang xa hoi, ba mai jien mek tame tani tanat ka adei saai kumei, abih di nyu nan lac dom adei saai kumei salih jalan pablei salih piah pabak hatai caong di urang blei pandap, pabak hatai caong di darak pasa./.
Viết bình luận