Bhum urang bangsa takik hu ba tame duh ka tuai damuai mai rivang du lich 

Piah ka du lịch jeng sa bruk ngak mbang praong di tỉnh, ngak jeng prein jhul patagok dom gah karei ba gauk cakrok, UB bhap bini tỉnh Ninh Thuận brei ngak Danak dak patagok du lịch di tỉnh vaktu 2021-2025 saong pamaong tal thun 2030. Ini lac prein pachreih ba, daong ka gah du lịch di Ninh Thuận tagok khang, jeng labik nao tal dui pachreih urang dalam bruk du lịch di taneh ia, gam haong nan jhul khang bruk salih bahrau bruk ngak harak gar hành chính, ba mbuan lagaih di abih ka dom urang buh jien tame ngak mbang piah patagok bruk du lịch.

Tui Sở Ilamu, Thể thao saong Du lịch Ninh Thuận, tỉnh hu 150 labik daok haong 3.300 duk – bilik, dom duk-bilik mek hu tanut meng 3 patuk tagok hu labaih 40%. Tal jhung thun 2020, hu 57 danak dak du lịch hu tỉnh brei buh jien tame ngak haong yaom jien abih tih jaik 30.000 tỷ đồng. Dom danak dak ini meda ngak jeng mbaok meta bharau, daong jhul patagok du lịch di tỉnh di anak tal.

Meda lac meng 1 tỉnh hu bruk du lịch hu maong iek lac “tabiak hadei” duk haong dom tỉnh dalam bhum, min meng takai yam  “suai min kajap”, nan ye yaom lac hu rilo kan kandah, tavak tavaiy, min bruk du lịch di Ninh Thuận dalam dom thun tapa daok jeng labik nao tal biak chreih chrai. Mboh cambaih di abih lac dalam vaktu 2016-2020, bruk du lịch di Ninh Thuận tuk halei jeng tagok tani tanat di tanut 2 laik tagok; tuai tagok labaih 16% sa thun, jien mek tame meng du lịch tagok hu 17,7% sa thun.

Tukvak 2021-2025, tỉnh Ninh Thuận ba tabiak jalan ngak biak cambaih piah ba gah du lịch cakrok abih gah, jeng gah ngak mbang praong. Dalam nan, kham merat dui pachreih hu 3,5 triệu mbang tuai; jien mek tame di gah du lịch hu jaik 2.900 tỷ đồng. Tal thun 2030, tỉnh jeng labik nao tal biak chreih chrai, hu prein meriak gauk glaong dalam bhum saong dalam taneh ia; kham merat raok hu 6 triệu mbang tuai.

Piah ngak hu bruk ini, Phaok akaok UB bhap bini tỉnh Ninh Thuận Nguyễn Long Biên brei thau, langiu di bruk sangka patgaok darak pasar du lịch, tỉnh brei cakrok du lịch haong kapul 4 pandap biak karei di tỉnh, 4 pandap bahrau saong 4 pandap daong pabak; patagok du lịch tui labik, tui taneh riya, tui prein khang saong tui ilamu di yaok bhum plaei.

Taphia nan, tỉnh buh tabiak pok jien mbiah lagaih meng kadung jien karja pambuak haong jien padai di gah tư nhân tui jalan pambuak bruk công-tư piah buh tame ngak patagok hạ tầng ka nyu samu gauk, patagok bruk pambuak gauk dom bhum, pambuak dom puk palei haong jalan patagok njauk, lagaih, peih praong bruk pambuak gauk di dom puk palei haong jalan tagok lagaih, peih praong talei pambuak bruk haong dom labik nao mai praong yau ye: mblang kapal haoh Cam Ranh, pabah lamnge Cam Ranh, danak dak mblang kapal haoh Phan Thiết; ieu da-a urang buh jien tame ngak pasiam veik jalan pasei răng cưa Phan Rang-Đà Lạt pambuak haong cakrok du lịch...

Kadha bui sambai ka Ninh Thuận lac labik Du lịch pakat negar Ninh Chữ hu Thủ tướng rajaei jao ka tỉnh padang quy hoạch. Tuk nan, labik Du lịch pakat negar Ninh Chữ meda gam haong dom labik du lịch pakat negar karei karei padang dom jalan du lịch pambuak gauk, patagok kein lagaih, ba gauk cakrok tui jalan khang kajap, biak gheih.

Piah ngak ka gah du lịch biak biai lac labik khang cakrok dalam dom gah ngak praong di tỉnh, Ninh Thuận daok buh jien tame ngak dom hạ tầng ka nyu samu gauk, paglaong chất lượng pato pakai, patagok menuac ngak ka nyu lagaih haong jalan tgaok, padang jalan ngak, angan je du lịch tui jalan chuyên nghiệp, hu đẳng cấp… Taphia nan, tỉnh brei hu dom jalan ngak piah dui pachreih, patagok bruk pambuak gauk, khik ramik pambuak bruk du lịch haong dom puk palei dalam taneh ia piah yaih khan pandap du lịch. Gam haong nan, jhul samar bruk chuyển đổi số ngan saong bruk du lịch piah pambuak, pagam, piah daong brei saong patagok bruk chreih chrai ka tuai du lịch; pandar rilo di abih dom giao dịch điện tử dalam bruk du lịch./.

Urang lang: Mousaphuong -26/2