Di mbang nyaom ka 5, Quốc hội mbang 15 meng blaoh, tuk tangi sua ong Hầu A Lềnh - Akaok Mintri, Chủ nhiệm UB Bangsa, dom urang Quoc hoi tacei tabiak cambaih bruk kurang taneh daok, taneh pala drak di bhap bini bangsa takik lac bruk pandik cambaoh meng rilo thun ini mai min oh ka hu langyah tal labik. Ong Hầu A Lềnh jeng mboh lac, anak meta, rilo sang urang bangsa takik kurang taneh daok, taneh pala drak.

 Sarak 18, Nyaom biai Trung ương 5 mbang 13 ka “patui bruk salih bahrau, pasiam sarak, paglaong siam lagaih, kein laba bruk khik ramik saong pandar taneh, pabak prein khang ba taneh ia drei jeng taneh ia cakrok hu jien mek tame glaong”, hu ba tabiak bruk langyah tavak tavaiy pambuak tal taneh daok, taneh pala drak ka bhap bini bangsa takik.

 Ngak brei cambaih laih Sarak di Trung ương, bruk praong njauk caik hatai, hadei di 2 mbang ginum biai di Quốc hội saong mek panuac bhap bini, tal urak ini dự thảo Hukum taneh riya (pasiam veik) hu tacei tabiak cambaih sarak khik kajap taneh sinh hoạt cộng đồng ka bhap bini bangsa takik saong sarak jao taneh, brei pah taneh daok, taneh pala drak ka bhap bini bangsa takik lac sang kan kathaot daok dalam labik hu bruk ngak mbang kan kandah, biak kan kandah piah khik kajap raidiuk. Ngan saong sarak jao taneh daok, taneh pala drak, dự thảo Hukum tacei cambaih bruk jao taneh, brei pah taneh mbang camereip daok hu jao đất, brei pah taneh ka bhap bini bangsa takik oh daok taneh atau kurang taneh ngak nong duk haong hạn mức hadei di tuk hu jao taneh, brei pah taneh mbang camereip. Piah pasiam dom cuang kandah, tavak tavaiy dalam tukvak tapa, Thứ trưởng Bộ Tài nguyên & Môi trường Lê Minh Ngân brei thau, dự thảo Hukum taneh riya (pasiam veik) jeng hu tacei tabiak cambaih dom bruk pakauk, oh brei ngak: “Bruk kapul nyaom, jabat karja hu thẩm quyền dalam bruk jao taneh, brei pah taneh, salih bruk pandar taneh ngan saong quỹ taneh hu tacei lac piah duh ka sarak bhap bini bangsa takik bo jao taneh oh njauk menuac. Ka 2 lac pakauk urang hu taneh bo hu karja peih ngak sarak taneh riya ka bhap bini bangsa bo hu jao taneh brei pah taneh mbang ka 2 blaoh, bo urang nan daok chuyển nhượng, nan lac bruk pakauk. Ka 3, pakauk dom urang oh lac urang bangsa, oh lac menuac hu taduan chuyển nhượng quỹ taneh ini bo taduan chuyển nhượng”.

Njauk hatai haong dự thảo Hukum taneh riya hu pasiam veik tui jalan hu sarak taneh riya ka taneh daok, taneh sinh hoạt di bhap bini bangsa takik lagaih haong adat cambat tanarakun, ilamu saong bruk di yaok bhum palei, saong hu sarak daong palagaih ka bhap bini bangsa takik hu mbaok tapak tame bruk ngak nong di palei pala hu taneh piah ngak nong. Min amuk Ma Thị Thúy, urang QH kapul Tuyên Quang hu panuac caong dự thảo Hukum pabak urang hu khik kajap taneh sinh hoạt lac sang “jaik kathaot” di bhum bhap bini bangsa takik bhum ceik: “Sang kathaot saong sang jaik kathaot tok atah di gauk sa rak merai lipih. Kol dahlak caong pabak sang kathaot saong sang jaik kathaot. Kayua sang jaik kathaot lac biak rilo, kan kandah oh karei hagait sang kathaot. Asal ka dua lac brei thau labik biak kan kandah, ye bhap bini bangsa takik, sang kathaot biak rilo, abih di nyu lac dom bhum 1 bhum 2 jeng daok rilo. Kol dahlak jeng caong khin padang ngak veik quy định piah ngak habar takik klaak tapa dom sang kathaot, sang bhap bini bangsa takik”.

Dự thảo Hukum taneh riya (pasiam veik) jeng ramik veik bruk peih ngak quyền pandar taneh hu điều kiện. Tui nan, bhap bini bangsa takik hu alin brei ka menuac lac urang thừa kế saong piah thừa kế; hu caik veik ka urang dalam sang patui bruk pandar taneh pala drak hu jao, brei pah.

Dom sarak hu patabiak brei lagaih haong bruk di palei, lagaih haong hatai caong di bhap bini, tuk nan, sarak nan meng hu tame dalam raidiuk. Bruk tacei tabiak cambaih sarak khik kajap taneh sinh hoạt cộng đồng ka bhap bini bangsa takik saong sarak jao taneh, brei pah taneh daok, taneh pala drak ka bhap bini bangsa takik lac sang kan kathaot dalam labik hu bruk ngak mbang kinh tế-xã hội kan kandah piah khik kajap raidiuk dalam dự thảo Taneh riya (pasiam veik) mbang ini meda langyah hu bruk kurang taneh daok, taneh pala drak di bhap bini bangsa takik tuk Hukum hu ba tabiak pandar. Ini meda lac jalan peih tabiak piah khik kajap an ninh trật tự saong patrun kathaot khang kajap./.