Saai Nguyễn Diệu Hằng, palei daok di Hậu Giang bahrau hu tame ngak bruk di Công ty Cổ phần pandap mbang Thiên Hương daok di Quận 12, TP.HCM, meng bruk yaih khan di Pasak Dịch vụ bruk ngak TP.HCM hadei di tuk Công ty TNHH Việt Nam Samho (Củ Chi) labik saai daok ngak bruk brei cakak trun manuac ngak. Saai Hằng brei thau, pasang likei jeng padeih ngak di sa Cty karei:"Drei hu bruk ngak paje, urak ini jeng caong ka pasang hu bruk ngak. Tagok pak ini mehit dom adei di Pasak Dịch vụ bruk ngak ndem lac meda yaih khan ka pasang dahlak nan ye biak sambai, hu bruk ngak tani tanat ka dua diuk pasang. Tết jaik tal paje, hu bruk ngak meng hu jien".

 Jeng lahik bruk ngak yau nan, rilo urang ngak daok di Quận Tân Bình hu yaih khan tal Công ty TNHH Jhik pứt takhaok An Phước. Doanh nghiệp ini daok caong hu labaih 500 urang ngak ka dom sang mac di Quận 5, Bình Chánh, labik ngak kong Tân Bình, Hóc Môn. Amuk Trần Thị Ngọc Hiền, Akaok jabat nhân sự Công ty TNHH Jhik pứt takhaok An Phước – sang mac Tân Bình 2 brei thau, labaih 1 bilan tapa, công ty hu pambuak haong Pasak Dịch vụ bruk ngak TP.HCM, Jabat Lao động Thương binh Xã hội dom quận huyện saong công đoàn, pambuak haong dom urang ngak njauk lahik bruk. Kuhria rah tapa yaok harei công ty pilih ruah hu 5 urang ngak, jien mek tame meng 6 triệu meteh tal 11 triệu đồng sa bilan. Amuk Hiền brei thau:“Tapa Pasak Dịch vụ bruk ngak ban raya, cty kol dahlak hu taom gaok dom urang ngak njauk brei  padeih ngak kayua kurang bruk ngak. Meng labik ngak bruk tani tanat, salamat, hacih saat, bruk ngak lagaih saong ginup dom chế độ tui adat hukum, cty tuk halei jeng caga taduan raok urang ngak”.

Dalam 2 bilan 10 saong 11, Pasak Dịch vụ bruk ngak TP.HCM hu taduan khau tin meng 95 doanh nghiệp caong pilih ruah labaih 13.000 urang ngak. Taka ini jeng daok glaong jang dut saong hadom urang ngak lahik bruk ngak. Ong Hoàng Văn Thắng, Phó Yam ndok Pasak Dịch vụ bruk ngak ban raya brei thau, Pasak hu pambuak bruk haong karja palei ngak bruk tapak haong po doanh nghiệp, công đoàn cơ sở. Tapa nan, dom doanh nghiệp daok caong urang ngak hu daong palagaih nao tal sang mac piah taom gaok, sua tangi pilih ruah. Piah bruk pambuak gauk dalam bruk ngak hu siam mekre jang, Pasak hu parabha tui janih bruk ngak, umo thun, ilamo, hatai caong khin di urang ngak: "Pasak hu panuac ieu dom doanh nghiep rami ramik labik mbang, labik daok siam ka urang ngak, mayah urang ngak nao mai ye daong jien radaih, atau dom doanh nghiệp brei radaih raok pajeng di dom labik atah jang. Dalam tuk pambuak bruk, khol dahlak hu pilih ruah dom doanh nghiệp hu bruk dreih gauk saong jaik di abih piah ka urang ngak pilih ruah".

 Di dalam ban Thủ Đức hu 105 doanh nghiệp daok kurang bruk ngak, dui tui labaih 2.486 urang ngak njauk kan kandah. Tui ong Nguyễn Đình Cường, Phó akaok Liên đoàn Lao động ban Thủ Đức, hu dom jalan ngak daong duah bruk ngak ka urang ngak: "Liên đoàn Lao động padang sa group di mangaok mạng xã hội dalam nan hu công đoàn cơ sở gah kalik takhaok, jhik manyim piah brei thau bruk pilih ruah di dom doanh nghiệp daok caong hu menuac ngak haong doanh nghiệp cakak meneing manuac ngak, ngak talei pambuak bruk dalam tukvak anak tal, ngak habar tani tanat bruk  urangngak dalam tukvak jaik tết".

Meng rilo caong khin pilih ruah yau urak ini, bruk ngak oh kurang ka urang ngak, bruk njauk mayai nan lac rami ramik urang ngak samar drah saong lagaih. Urang ngak caong hu bruk ngak, njauk nao tal dom Pasak dịch vụ bruk ngak, jabat lao động thương binh xã hội, gah công đoàn saong karja palei piah hu pambuak bruk, daong duah bruk ngak./.