Labik hadah praong abih di bhum taneran kraong Cửu Long dalam 2 thun 2020 - 2021 lac bruk ngak nong. Yam tapa dom kan kandah meng jit ruak, thun 2021, bruk ngak nong bhum taneran kraong Cửu Long jeng daok tagok khang, glaong jang duk haong kuhria rah tapa dalam taneh ia. Kaya nong, kaya ikan di bhum pablei tabiak negar langiu hu labik dang praong dalam bruk khik ramik thặng dư thương mại di Việt Nam.

 Ong Lê Quốc Phong, Bí thư Tỉnh ủy Đồng Tháp brei thau, Đồng Tháp hu rilo bruk ngak nong siam dang akaok yau ye "1 njauk - 5 trun", "3 trun - 3 tagok", pandar jamriak abih janih, ngak nong thông minh saong salih tapa số, trun tathuak tabiak khí sang kreih camin. Gam haong nan peih bruk pala ngak tui jalan hữu cơ, dom bruk xen canh, pala ngak mblang hamu praong, pandar công nghệ thông tin, jhul khang số hoá dom bruk ngak piah paglaong chất lượng, patrun yaom phun jien. Meng nan, daong patagok jien mek tame ka urang nong ngak padai, meng 5,3 - 7,7 triệu đồng/ha.

Tui Bí thư Tỉnh ủy Đồng Tháp, yaom gah ngak pandap meng padai brah gam gam tagok haong rilo janih pandap hu daong peih tabiak rilo chuỗi giá trị bahrau. Min, jien mek tame di urang ngak padai ka oh tani tanat, jeng daok biar duk haong dom janih kaya nong karei. Anak dom srau kadau pambuak tal pandap tamo piah ngak, yaom phun jien tagok, darak pasar oh tani tanat, yaom pablei biar…, brei hu dom jalan ngak piah daong ka urang nong paglaong jien mek tame, sahanang hatai ngak padai. Ong Lê Quốc Phong lac: "Khol dahlak jia lac jeng daok hu rilo jalan ngak meda pambuak gauk veik piah daong ka urang ngak padai paglaong jien mek tame, piah ka urang nong sahanang hatai ngak padai, khik kajap an ninh lương thực taneh ia saong hu raidiuk ginup meda jang. Meng nan dalam jalan nao tal ginup meda, cakrok di bhum ĐBSCL tuk halei jeng hu mbaok di phun padai, ba mai dom yaom glaong bahrau, khang kajap jang".

Hu mbaok dalam nyaom ginum biai, ong Nguyễn Ngọc Toàn, Tổng Biên tập Báo Thanh Niên mboh lac, dalam tukvak jit praong Covid-19, Việt Nam oh lac khik kajap raidiuk ka jaik sa rituh triệu rahra dalam taneh ia bo daok brei mboh labik dang saong bruk ngak di taneh ia pablei brah tabiak negar langiu dang akaok dunya tapa jhul khang bruk pabak brah tabiak dunya, saong bhum ĐBSCL hu rik daong praong dalam jak jeng nan. Ndom ka jalan ngak di anak tal, ong Nguyễn Ngọc Toàn ba tabiak jalan lac: "Jalan anak tal saong tui bruk bahrau brei mboh lac, bruk sản lượng oh daok lagaih saong anak tal, kol drei njauk pataom tame rilo jang ka chất lượng. Bruk ini langiu di bruk daong padang angan je ka padai brah Việt Nam, daok daong patagok jien mek tame meng pablei brah tabiak negar langiu, yaom lac kol drei trun meneing taneh ngak padai piah pala dom janih kaya nong hu yaom glaong jang, daong salih bahrau raidiuk urang ngak nong di bhum ĐBSCL"

Di nyaom ginum biai, lambaok Cục pala drak, Mintri ngak nong saong patagok palei pala brei thau ka “Danak dak pala ngak khang kajap 1 triệu ha ngak sa janih padai chất lượng glaong bhum ĐBSCL piah paglaong yaom, paglaong jien mek tame di urang ngak nong, khik kajap an ninh lương thực saong pabak ka bruk chế biến, pablei tabiak negar langiu”. Tui nan, meda taong yaom bruk ngak padai bhum ĐBSCL, bruk ngak hu, chế biến saong pablei padai brah di bhum. Gam haong nan, taong yaom prein khang, kein lagaih saong thau cambaih labik ngak sa janih padai chất lượng glaong haong jalan pala, ngak, chế biến, pablei, jeng yau jalan cakrok khang kajap bhum pala - ngak sa janih padai chất lượng glaong.

 Rilo chuyên gia, urang ilamu, karja palei, doanh nghiệp hu khan brei thau dom jalan ngak piah paglaong labik dang gah ngak pandap meng padai brah, ba mai kein laba ka urang pala – ngak saong urang blei mbang dalam taneh ia, hu prein meriak gauk glaong dalam bruk pablei tabiak negar langiu, jhul patagok kinh tế bhum./.