Doanh nghiệp buh jien tame công nghệ piah ngak tabiak dom pandap panda hu chất lượng glaong

Thun 2021 saong dom bilan akaok thun ini, jit ruak Covid-19 ngak kan kandah biak praong tal bruk pablei baoh thanh long tapa darak pasa Trung Quốc, ngak ka rilo doanh nghiep saong dom baoh sang pala phun thanh long gaok kan kandah. Min, dom bhum, hợp tác xã peih bruk pambuak gauk ngak biak siam, duah hu darak pasa, duah hu labik pablei ka pandap panda jeng daok dang khang kajap anak dom sarau kadhau di darak pasa.

Hợp tác xã Thanh long hacih Hòa Lệ daok di ban sit Ma Lâm, huyện Hàm Thuận Bắc (Bình Thuận) hu padang tagok meng di thun 2017 ngan haong 12 urang, mblang taneh pala phun thanh long 35 ha. Meng thun 2018, hợp tác xã mbaoh tangin tame harak pambuak gauk ngak saong pablei haong 5 hợp tác xã karei saong dom baoh sang urang nong dalam bhum, peih praong mblang taneh pala thanh long tagok tal labaih 160 ha. Thanh long di Hợp tác xã Hòa Lệ hu pablei tabiak chính ngạch tapa dom darak pasa yau ye Mỹ, Nhật Bản, Hàn Quốc… Thun 2021, yaom lac darak pasa pablei tabiak hu rilo srau kadau, min meng hu bruk pambuak gauk khang kajap, thanh long di Hợp tác xã Hòa Lệ jeng daok hu labik pablei tabiak tani tanat saong pablei tabiak neagr langiu hu 6.000 tấn thanh long. Gam haong nan, hu ba bruk ngak yaok harei ka 100 urang di labik nan.

Daok Hợp tác xã Thanh long Mỹ Tịnh An, huyện Chợ Gạo, tỉnh Tiền Giang hu 100 urang, hu taneh pala jaik 100 ha. Yam ndok HTX Thanh long Mỹ Tịnh An - Võ Chí Thiện brei thau, meng hu daong jien chứng nhận chứng chỉ GlobalGAP saong padang sang papaok mek hu tanut chuan dalam danak dak QSEAP nan ye rilo doanh nghiệp di ban raya Hồ Chí Minh saong negar langiu kakei blei biak rilo.

Tui So ngak nong saong patagok palei pala tỉnh Bình Thuận, dalam tinh urak ini hu 502 kapul pambuak gauk ngan haong jaik 10 ribau baoh sang; 35 hợp tác xã saong sa liên hiệp hợp tác xã ngan haong 673 urang. Min, bahrau hu 7 hợp tác xã hu labik sơ chế, papaok thanh long, peih bruk pataom blei baoh thanh long ka dom urang dalam HTX, ngak jeng bruk pambuak gauk dalam pala, ngak, sơ chế saong pablei thanh long. Rilo hợp tác xã hu padang tagok min ph ka duah mboh jalan dalam bruk ngak mbang, pablei salih.

Phó akaok Cục pala drak Lê Thanh Tùng brei thau lac, piah kak kajap bruk pala ngak haong pablei tabiak ye brei ngak pasiam dom yaom glaong di thanh long. Jhul khang bruk pambuak gauk ngak mbang tapa hợp tác xã, kapul pambuak gauk, ba bruk pambuak gauk ngak mbang ngan haong doanh nghiệp; patrun bruk pablei tabiak tapa rilo gah trung gian. Jhul khang bruk pablei tabiak negar langiu tui jalan chính ngạch, patrun patakik bruk pablei tiểu ngạch, peih praong darak pasa pablei dalam taneh ia.

Tui Phó Giám đốc Sở ngak nong saong patagok palei pala tỉnh Bình Thuận Phan Văn Tấn, lac palei hu mblang taneh pala phun thanh long praong di abih dalam taneh ia, kayua yau nan ye Binh Thuan njauk ramik viek bruk ngak mbang, padang bhum  pala phun thanh long pataom biak praong, ngak tabiak pandap panda praong ginup prein maraik gauk di darak pasa. Gam tui di nan, pachieh bruk daong ka dom doanh nghiệp buh jien tame công nghệ, pandap panda piah ngak tabiak dom pandap panda hu chất lượng glaong, pabak hu caong khin di darak pasa, patrun bruk pablei tabiak baoh that.

Akaok Mintri ngak nong saong patagok palei pala - ong Lê Minh Hoan brei thau lac: "Bruk njauk ngak di abih lac rami ramik viek bruk pala, njauk pambuak haong darak pasa. Dom puk palei njauk rami ramik viek bruk pala phun thanh long, camriep abih lac meng pakat xã tui jalan duah thau cambaih ka bruk pala piah thau cambaih ka darak pasa, gah pambuak bruk saong gah maraik gauk. Piah cak rok patagok njauk pamaong tame akaok saneng pambuak gauk, yau Yuan lac: buôn có bạn, bán có phường".

Urang nong lac dom urang peih akaok ka talei pambuak gauk ngak pandap panda, kayua yau nan ye njauk khik ramik urang ngak thanh long, meng nan pathau khan, jak ba, pato tacei urang nong, dom kapul, doanh nghiệp pambuak gauk ngak mbang, pablei tabiak, plaih bruk “bruk thei thei ngak oh maong gauk” tui jalan ngak sit sot, ngak tui hatai.  Njauk salih jalan sahneng meng pablei tabiak negar langiu tui jalan tiểu ngạch tapa chính ngạch kayua ini lac bruk njauk nao tal, ph karei hu./.

Urang lang: Thu Thao – 22/03