Adei lakei L.T.C. (daok di tỉnh Long An) barau tabiak truh di sang iek ruak hadei 20 harei pagam thận, daong dalam dom bui sambai suka di gauk hatian dalam sang jeng ye dom y bác sĩ di Sang ieik ruak Nhi đồng 2, Ban raya HCM. Adei C. ruak thận mạn njauk padeih bac ralo thun, sa adit 3 mbang, adei madeih awal meng tuk 4h gram guh subuh page, gam saong ame atau amaik nao tagok Ban raya HCM piah nduac thận. Labaih 2 thun daok maong cang dan song kham marat pateik pandik harao dalam nduac jru thận, luac puac di nan, hu sa urang ong lakei matai glo hadiah brei ka adei baoh thận dan jeng hu abih dom harei bilan tame tabiak nduac thận di sang ieik ruak. Ame di adei C khan brei thau lac: “Mboh biak uan tabuan bui sambai, biak bui sambai. Kayua lac sang di adei jeng ye adei maong cang labaih 2 thun blaoh paje. Tuk tut harak tame lakau pagam thận, bác sĩ jeng hu sua tangi lac yau habar hatian gauk dalam sang oh brei thận blaoh lakau tame harak daok cang. Amaik ame jeng khan brei bác sĩ thau lac kayua dalam rup oh khang kajap oh ganap prein yava brei pagam baoh thận hu siam. Dalam hatai jeng khin brei jao thận ka anek bik min tapi dalam rup pabhap oh ganap prein yava”.

Di sang ieik ruak Nhi Đồng 2 (TP.HCM), labaih kurang 80 uranaih daok brei ieik dalam davang sang ieik ruak suy thận mạn dan saong suy thận mạn trak dak luac abih. Min tapi masa tuk wak daok cang piah duah hu baoh thận ka lagaih dui atah harei, bhian di nyu dom uranaih njauk cang meng 6 bilan tal mbiah 2 thun labaih, nyu jeng daok cang brei palagaih njauk thong ralao darah dan thong baoh thận urang brei. Urak ini, ralo abih di nyu, dom baoh thận, dom janih tạng dalam rup pabhap manuac mai meng urang dalam ralo darah gauk hatian brei.

Taong abih dalam nagar hu labaih kurang 4.000 urang daok cang pagam tạng manuac, ralo urang ruak dalam nan daok cang pagam thận saong gan. Kayua oh hu mô, tạng yau nan ye dom labik brei pagam tạng, pagam mô oh hu siam, oh yau gauk, takik brei ngak ka hu siam dan thong oh njauk.

TS. Nguyễn Hoàng Phúc, Phaok akaok Pasak ieik glang pagam tạng nagar brei thau, urak ini, khol drei dang di anak biak ralo kurang mô saong tạng. Dalam nan daok mboh bruk pagam tạng ka urang ruak oh hu angan dalam danak dak nagar dom urang daok cang pagam tạng, ba nao tal bruk ngak oh dah krah oh njauk tapak. Langiu di nan, bruk thau tanat dom baoh tạng mai meng dom urang matai glo akaok atau urang njauk bla matai daok kurang. TS Nguyễn Hoàng Phúc lac: “Viet Nam dalam sa thun bhian hu jaik 10.000 urang matai kayua bala radaih. Khol drei oh caong brei ka nyu tamuh tabiak, min tapi njauk bala blaoh, dalam nan hu dom urang khin brei hadiah tạng. Ndom mayai yau nan piah thau lac drei daok caik palai biak ralo baoh tạng, dalam nan daok yaok pluh ribau daok cang oh hu brei pagam, oh daok jalan daong brei diuk. Daok urang halei nao ye nao nao”.

PGS.TS.BS Nguyễn Thị Kim Tiến, dahlau diah dang akaok Mintri Y te, Akaok Pahasa kapul Dakvah jak alin brei mô, dom janih dalam rup manuac di Viet Nam brei thau, piah brei pakhang bruk daong brei tạng, pakhang bruk dakvah, pamadeih dalam bhap bini, pahadah brei ka gah ilamu khik sampurna “mayait”. Ugama Phật saong ugama Kito jeng brei thau hadiah alin tạng ieu lac sa bruk ngak dhar ngak phol siam. Jeng tui PGS Nguyễn Thị Kim Tiến, biar halei brei baoh tạng, urang brei hadiah yau ye daok diuk suan, sang danaok gauk hatian urang brei tạng mek hu dhar phol praong. Daok sang ieik ruak paglaong ilamu jamraik saong pahadiuk brei ralo urang ruak saong dom urang hu pagam tạng yau ye ndih tapui sa mbang tra, dui atah rai diuk: “Urak ini sang ieik ruak padang dom kapul pato tacei iek glang brei bruk pagam tạng, pambuak pakajap saong dom jabat khoa hu jammariak suak yava, tuk hu urang ruak brei thau matai glao saong labik kapul ini iek glang jeng ye taom sang urang nan piah jak ba brei alin hadiah tạng, yau nan meng hu tạng piah pagam. Bruk ngak dakvah khao tin mboh biak praong”.

Tạng di urang matai di Viet Nam brei nao dar atau cuh am jeng bau. Bruk ini mboh biak palei jamen kyau lac baoh tạng ini daong pahadiuk ralo urang ruak dang di angak ar si matai.

Kayua yau nan ye, bilan 5/2024, Thu tuong Rajaei Phạm Minh Chính brei tut tangin alin hadiah baoh tạng saong pok sap ieu rahra bhap bini tut tangin alin hadiah baoh tạng, neh rabha, hatai anit ranam piah daong pahadiuk ralo urang jang./.