Yaom ikan glaong yau urak ini ngak ka rilo doanh nghiệp duh hatai kayua ikan tamo piah ngak nyu kurang

Tui yaom pablei urak ini lac 30.000 đồng/kg (janih ikan praong labaih 730gram), ong Lý Văn Lung, daok di quận Ô Môn, ban Cần Thơ bahrau mek pablei labaih 130 tấn ikan pra. Ini lac dom ikan hu palao raong meng thun 2021, tukvak nan yaom ikan pajaih bier nan ye ong Lung kuhria mboh lac, meng yaom pablei 30.000 đồng sa kg, kaoh abih jien buh tame, daok laba hu labaih 8.000 đồng sa kg. Ini lac yaom ikan biak caong maong meng 3 thun ini mai di ong Lung. Min ong Lung oh bui sambai rilo kayua mbang raong ilan hadei di nan mayah yaom ikan pajaih, yaom pandap mbang tagok glaong bo yaom pablei trun bier ye njauk khat.

Saai Lý Kim Chín, daok di labik Thới Thạnh, phường Thới An, Cần Thơ hu 6.000m2 mbaok ia raong ikan pra, tui kuhria dalam bilan 7 anak tal meda mek pablei. Urak ini, yaom ikan glaong nan ye saai Chín biak caong lac hu laba piah pabak ka 2 thun khat. Min, yaom ikan brei hu meng 30.000 đồng sa kg tagok ye saai Chín meng hu laba.

Yaom lac, yaom ikan pablei tagok glaong, darak pasa pablei tabiak negar langiu hu siam tagok saong hu kuhria mbohb dahlau lac meda dui atah tal puac thun, min rilo urang raong ikan di dom tỉnh dalam Bhum taneran kraong Cửu Long ndem lac “bui sambai oh ka bak hu abih”. Kayua pandap mbang, yaom ikan pajaih jeng mboh daok tagok yaom, bruk ini ngak ka jien buh tame jeng tagok, tui nan jien laba pablei ikan jeng trun.

Daok ngan haong doanh nghiệp, yaom ikan glaong yau urak ini ngak ka rilo doanh nghiệp duh hatai kayua ikan tamo piah ngak nyu kurang. Tui ong Doãn Tới, Tổng Yam ndok Cty cổ phần Tập đoàn Nam Việt, hadei di tuk jit COVID-19, ikan tamo piah ngak nyu kurang, takik, abih di nyu nan lac ikan pra praong piah pablei tabiak negar langiu, ngak brei yaom ikan tagok glaong. Ngan haong sản lượng ikan pablei tabiak negar langiu meng 8.000-10.000 tấn sa bilan, Tập đoàn Nam Việt daok kurang ikan piah ngak.

Tui ong Trần Anh Dũng, akaok Chi cục Thủy sản tỉnh An Giang, yaom ikan pra drei praong meng 800gr tal -1,2kg  sa drei meng 28.000-32.000 đồng sa kg. Min, dom doanh nghiệp ngak pandap mbang ka ikan pra brei thau, pandap panda ngak pandap mbang ka ikan daok kurang, takik saong yaom jeng daok tagok.

Langiu di dom bala bo urang raong ikan pra di Bhum taneran kraong CL daok gaok yau ye njom ia mbak, jit ruak raong pala… ye darak pasa pablei, dom adat meng dom hiệp định tự do pablei salih… hu maong lac kan kandah ngan haong urang raong saong doanh nghiệp pablei ikan pra tabiak negar langiu. Tui urang lambaok Cục Thú y, tal urak ini, dalam taneh ia hu 258 labik ngak ikan pra hu taong yaom, chứng nhận ginup kadha khik kajap salamat pandap mbang saong hu angan dalam harak hu brei adat pablei tame dom taneh ia, bhum taneh hu ieu kakei padang harak angan, yau ye: EU, Trung Quốc, Hàn Quốc… Min jeng daok dom labik oh padang saong peih ngak danak dak pasang iek di labik tui njauk panuac ieu kakei di dom darak pasa.

Amuk Tô Thị Tường Lan, Hiệp hội VASEP ndom lac, jit ruak COVID-19 jeng daok lac kan kandah ka chuỗi cung ứng; jien buh tame ngak tagok glaong,  lạm phát tagok di Mỹ, nan ye prein blei tagok biak rilo yau di thun 2021 meda kan rah tabiak. Kayua yau nan ye, amuk Lan ba tabiak panuac kakei lac: Karja njauk ba tabiak jalan ka urang raong, daonh nghiệp kuhri kuhria bruk pablei, piah khik kajap yaom kaom saong kein laba, plaih bruk patagok dalam sa tukvak katut. Daok ong Trần Hùng, Hiệp hội ikan pra Viet Nam hu panuac kakei lac, urang raong ikan njauk caik hatai sangka tuk doanh nghiệp kuhria mboh lac yaom ikan 30.000 đồng sa kg ka oh hu laba, yaom ikan daok tagok viek piah ka urang raong tagok bruk raong. Tuk bruk pabak ikan rilo jang bruk caong blei, yaom kaom laik trun, urang nong gaok kan kandah daok doanh nghiệp lac gah hu laba./.

Urang lang: Thu Thảo – 21/03