Mikva saong taong abih gauk! Danak dak harei ini, kol dahlak hulin likau khan tal mikva saong taong abih gauk bruk kham merat, rik daong biak rilo di gah BHXH Việt Nam ngan saong bruk iek glang prein yava bhap bini dalam tukvak bahrau. Hadei di ini, lac asal kadha di bruk nan:

Pathau mikva saong taong abih gauk! Dalam tuk bruk dunya, bruk dalam taneh ia hu rilo kan kandah, tavak tavaiy, min meng hatai sangka, pan akaok ba jalan di dom pakat ủy Đảng, karja dom pakat meng trung ương tal puk palei, abih gah BHXH Việt Nam kham merat yam tapa kan kandah, yam tagok mek hu rilo jak jeng dalam peih ngak sarak BHYT. Tapa nan, daong khik kajap an sinh xã hội, pakhang jang hatai jia di bhap bini tame dom sarak BHYT siam mekre, bak hatai anit ranam di Đảng saong Karja drei tapa dom jak jeng praong yau hadei ini:

Ka sa lac bruk ma-om pabak cakrok khang kajap, yam jaik tal bruk BHYT abih bhap bini.

Meng bruk lac sa dalam dom labik dang praong di gah an sinh xã hội (ASXH), abih hệ thống chính trị meng Trung ương tal puk palei hu ba tangin tame ngak khang, ngak hu siam sarak BHYT. Tal urak ini, dom labik ngak bruk mek jien BHXH, BHYT daok hu peih praong, rami ramik dom labik mek jien, menuac ngak bruk gah mek jien hu nao tal yaok puk, palei, tổ dân phố.

Tui nan, dom menuac blei BHYT thun hadei tuk halei jeng glaong jang thun dahlau, abih di nyu lac menuac blei BHYT cakrok khang kajap dalam tuk kinh tế gaok kan kandah rilo jang mbuan lagaih. Thun 2008: dalam taneh ia bahrau hu 39 triệu 700 rabau menuac blei BHYT, bruk ma-om pabak hu  46,1% menuac sia. Min tal thun 2023: hu labaih 93 triệu 600 rabau menuac blei BHYT, rilo jang 2,3 mbang duk haong thun 2008, bruk ma-om pabak BHYT hu 93,35% abih menuac sia. Abih di nyu nan lac, bruk patagok dom menuac blei BHYT tui baoh sang lac biak khang, meng 3 triệu 760 menuac blei di thun 2009, tagok jeng 24 triệu 890 rabau menuac di thun 2023, rilo jang 6,6 mbang duk haong thun 2009.

Bruk khik kajap jalan cakrok BHYT dalam tuk raidiuk bhap bini daok kan kandah, sa mbang tra brei mboh kham merat abih drei di abih hệ thống chính trị, jeng yau di gah BHXH Việt Nam dalam bruk peih ngak hu siam lagaih bruk BHYT abih bhap bini. Ini gam lac bruk chính trị gam brei mboh trách nhiệm di gah BHXH dalam bruk khik kajap ASXH, iek glang prein yava bhap bini dalam tukvak bahrau.

Ka dua lac dom menuac mbang tui dak harei dak praong, quyền lợi di menuac mbang tui hu khik ginup, samar drah

Tui jalan ngak lac "Mek bhap bini, doanh nghiệp ngak po, pasak duh pamere", gah BHXH Việt Nam tuk halei jeng khik ginup, samar drah, njauk adat dom quyền lợi di urang blei, mbang tui sarak BHYT. Dom menuac hu thẻ BHYT nao iek ruak tagok samar tapa yaok thun. Thun 2009: hu 88 triệu 640 rabau mbang urang nao iek ruak BHYT haong yaom jien buh ka iek ruak BHYT abih tih lac 15.396 tỷ đồng. Min tal thun 2023: hu 174 triệu mbang iek ruak BHYT.

Meng thun 2009 tal thun 2023, kuhria rah tapa bruk iek ruak BHYT yaok thun lac labaih 141 triệu mbang sa thun, (rilo jang 59,5% duk haong thun 2009), haong yaom jien iek ruak kuhria rah tapa lac 66 rabau 200 tỷ đồng sa thun (tagok 330% duk haong thun 2009).

Abih di nyu nan lac, dalam tuk taneh ia gaok kan kandah kayua jit praong Covid-19, labik dang praong di sarak BHYT dalam dom bruk ASXH dak hu cakrok, rik daong tame bruk iek glang prein yava, tani tanat raidiuk bhap bini, pabak jang hatai jia khang kajap tame sarak ASXH bak hatai anit ranam di Đảng saong Karja.

Taphia bruk langyah, bayar chế độ, sarak BHYT ginup abih, samar drah, njauk adat, BHXH Việt Nam daok pataom tame ngak samu gauk dom jalan ngak piah ba mai siam lagaih, kein laba ka urang blei, mbang tui saong jabat khik ramik Karja dalam bruk duah mboh, pacang caga lạm dụng, mek laba meng kadung jien BHYT.

Abih gah BHXH hu jhul khang salih bharau bruk ngak harak gar, cakak trun meng 115 adat (thun 2015) daok 25 adat; pandar khang kong nghe thong tin, salih số dalam bruk ngak, abih di nyu lac pataom veik, pabak angaok cổng Dịch vụ công BHXH Việt Nam, Cổng Dịch vụ công Quốc gia saong pandar VssID-BHXH số angaok phone tangin... Tui nan, dom thun tapa, Gah BHXH Việt Nam hu taduan mek saong langyah jaik 300 triệu mbang harak gar giao dịch online, dalam nan yaok thun hu labaih 170 triệu mbang ieu bayar jien iek ruak BHYT angaok Hệ thống thông tin taong yaom BHYT.

Abih di nyu nan lac, BHXH Việt Nam lac sa dalam dom gah nao dahlau dalam bruk ba khau tin Iek ruak BHYT tagok ứng dụng VNeID. Tal urak ini, 100% labik iek ruak BHYT hu peih ngak meng Căn cước công dân pagam chíp. Tapa nan, daong mbuan lagaih ka urang ruak, bruk iek ruak hu samar drah, paglaong siam lagaih bruk khik ramik karja ka taong ruak, iek ruak BHYT.

Gam haong bruk cakrok KTXH di taneh ia, sarak BHYT oh lac patagok parilo menuac blei BHYT, nao jaik haong bruk BHYT abih bhap bini, bo daok khik hu siam quyền lợi BHYT di urang mbang tui; peih praong labik saong chất lượng bruk iek ruak, taong ruak BHYT. Nan ye, bhap bini dak harei dak thau cambaih jang ka bruk ngak, ka makna, bruk siam mekre di sarak BHYT saong jia tame, abih drei hu mbaok tame bruk ASXH di Đảng saong Karja drei./.