Ikan pra bhum ĐBSCL hu raong rilo di dom tinh, ban dalam bhum ĐBSCL yau ye: An Giang, Đồng Tháp, Cần Thơ, Vĩnh Long, Bến Tre. Urak ini, dom tinh, ban daok jhul khang bruk padang bhum raong pataom gauk, pandar dom tanut chuan piah ngak tabiak pandap panda hu chat luong pabak ka bruk blei pandar saong pablei tabiak negar langiu. Yaok thun, gah ngak ikan pra ba mai yaok tỷ USD meng pablei tabiak negar langiu, rik daong praong tame bruk cak rok patagok kinh tế, xã hội di taneh ia.

Dalam taneh ia hu labaih 100 labik ngak ikan pra saong ngak hu abih tih 1,5 triệu tấn pandap yaok thun. Dom labik ngak hu pabak mac moc saong công nghệ bahrau, pabak hu dom tanut chuan di darak pasa pablei tabiak negar langiu. Min, jeng daok rilo doanh nghiep ka oh pandar hu dom phụ phẩm meng ikan pra piah ngak dalam, ngak brei patagok bruk tachrauk nerak alam kaya ia saong patagok jien sahui ngak tabiak. Kayua yau nan ye, dom tinh ban njauk quy hoạch bhum raong ka nyu samu gauk, yam tal bruk ngak jeng dom bhum ngak tabiak ikan pra pataom gauk, pandar dom jak jeng ilamo khoa học kỹ thuật. Amuk Phạm Thị Thu Hồng, Phó Tổng thư ký kapul ikan pra Việt Nam caong lac: “Gah pandap ikan pra kol drei njauk hu sa jalan ngak cambaih laih khang kajap, dalam nan njauk caik hatai tal bruk khik caga alam môi trường, abih di nyu nan lac ba tabiak dom roh duah, dom jalan ngak lagaih, piah patrun tathuak tachrauk nerak tabiak alam moi truong rilo di abih.”

Amuk Nguyễn Thị Lệ Hoa, Phó akaok Chi cục kaya ikan Cần Thơ brei thau, Cần Thơ daok jhul khang bruk padang bhum raong kaya kan pandar dom tanut chuan GlobalGAP, ASC, BMP, VietGAP piah pabak pandap tamo hu chat luong glaong ka bruk ngak pandap pabak ka bruk blei pandar saong pablei tabiak negar langiu, patagok yaom ka pandap panda, meng nan daong paglaong kein laba di bruk ngak. Dom doanh nghiệp ngak pandap hu pandar dom phụ phẩm meng ikan piah ngak pandap mbang raong glang piah patagok yaom ka abih tih dom labik raong saong ngak ikan pra. Min, dom tinh ban njauk quy hoạch bhum raong ka nyu samu gauk, yam tal ngak jeng dom bhum ngak ikan pra pataom gauk, pandar ilamo khoa học kỹ thuật. Pambak praong bruk raong ikan pra tui jalan tuần hoàn, pandar gluh nerak pataom mek, rik daong khik caga alam moi truong sinh thái, ba mai kein laba glaong. Amuk Nguyễn Thị Lệ Hoa ndem lac: “Pandar pandap panda, phụ phẩm dalam bruk ngak ikan pra nan lac sa dalam dom kham marat paglaong yaom pandap panda di ikan pra, daong ka urang raong saong ngak hu jien mek tame, bruk ini jeng daong ngak trun manieng dom kanjak jhak tal alam moi truong meng gah ngak ikan pra. Pandar tapung ikan salih ka ikan tasik meda daong ngak patrun dom kan kandah di phun jien, pandap mbang ka urang raong ikan.”

Ong Trần Đình Luân, Akaok Cục kaya ikan, Mintri Ngak nong saong patagok palei pala brei thau, piah cak rok khang kajap dom gah ikan pra tui jalan jhul patagok kinh tế tuần hoàn ye pambuak bruk công tư lac sa jalan ngak siam, kayua hu prein pambuak bruk samu gauk, lagaih haong prein saong hatai caong di abih dom gah hu pambuak tal. Tuk gah ngak ikan pra ba tabiak jalan ngak tui bruk kinh tế tuần hoàn meda lac labik ngak ba tabiak dom jalan công nghệ ngak tabiak patak pataom năng lượng, patrun tathuak tachrauk netak, daong ka gah ngak ikan pra cak rok patagok khang kajap: “Kol drei daok pataom rame biak rilo roh duah nan lac dom phụ phẩm bo dahlau deih kol drei pandar oh ka hu kein laba ye urak ini roh duah piah hu dom roh duah piah ka kol drei pandar siam jang dom phụ phẩm. Taphia di nan, kol drei njauk ngak pasiam veik jalan ngak dalam bruk ngak pajaih, dalam tuk raong, bruk pataom blei, trun manieng tachrauk nerak, ba gauk daong ka gah ngak kaya ikan hu siam jang, khang kajap jang.”

Dalam tuk Việt Nam daok kham marat gam haong dunya peih ngak dom sanya saong tui jalan dunya ka pacang caga haong biến đổi khí hậu. Nan ye, piah paglaong prein maraik gauk di gah ngak ikan pra pambuak haong bruk patrun tathuak nerak, ye njauk roh duah, pandar ilamo khoa học công nghệ piah salih harau dom bruk ngak pajaih, bruk raong, pataom blei saong ngak tabiak piah patagok năng suất saong pandar dom phụ phẩm piah ngak tabiak yaom patagok, trun manieng dom tathuak nerak dalam gah ngak ikan pra./.