Jar var haong bruk hit, sa-ai Nguyễn Thế Hùng, sa urang ngak di Cty công nghệ di ban raya HCM dom harei jaik di ini meng hu nao tauk thẻ ETC ka radaih oto di sang drei. Sa-ai tatuak drei tuk thau lac radaih di sa-ai hu tut angan bloh dahlau di nan saong urang dang tabiak tut angan daok tal Trảng Bom, Đồng Nai. Yar tabiak harak radaih,  harak chứng minh nhân dân, đăng kiểm ginup abih…sa-ai jeng oh hủy klaak hu online tài khoản dahlau di nan piah tut angan ka radaih di drei. Oh ngak hagait karei hu langiu di bruk sa-ai brei gia hạn hợp đồng klak bo urang karei ngak dahlau nan:

“Dahlak oh thau kayua halei hu bruk yau nan, tangi sua gah pabak dịch vụ ye urang tok sanya lac daong palagaih ka po radaih tut angan di drei, brei gia hạn hợp đồng klak dahlau di nan tapa angan drei, daok hủy klaak klaoh tài khoản piah tut angan tapa gah pabak  dịch vụ karei lac oh ngak hu”.

Sa-ai Nguyễn Thế Hùng tok lac sa dalam rilo po radaih gaok bruk “hia oh truh, klao oh hu” nan, yau panuac khan di dom urang mangaomk otosaigon atau otofun. Dom harei tapa, hu dom urang brei thau lac drei oh tut angan hu dịch vụ ETC min hu bloh thông tin tut angan. Tui sahneng mboh di dom gah chuyên môn, dom bruk yau nan meda daok hu di anak tal, abih di nyu lac tuk dom jalan cao tốc, jalan roya ba tabiak bruk thu phí điện tử oh padeih 100%. Makna di bruk ini hu rilo, min meda kayua po radaih dahlau di tuk tut angan ETC hu brei ka urang karei nyim atau brei pah radaih, hadei di nan urang nyim atau pah radaih mek thông tin di po radaih piah tut angan tài khoản. sa makna karei jeng meda hu, lac radaih blei veik, saong radaih nan hu po klak tut angan min biển số hu khik veik saong thẻ jeng oh daok…dalam tuk hu biak rilo po radaih preo ieu po, kayua bruk cuang kandah nan, ye panuac javap jalei meng dom gah pabak dịch vụ oh cambaih laih. Oh brei thau lac hu atau oh bruk yau urang brei thau, ong Bùi Trình, Tong Yam ndok Cty CP Giao thông số Việt Nam (VDTC) khan lac: anak tal, brei taong phạt trak menuac ngak di Cty atau đại lý ngak tài khoản brei ka tuai oh njauk adat ba tal bruk tài khoản oh biak:

“Kol dahlak oh pachreih tui saong phạt biak trak meyah mboh hu bruk kích hoạt tài khoản di tuai tui hatai di drei. Kol dahlak jeng hu khan cambaih brei nhân viên di drei thau, meyah tuai hu tut angan labik pabak dịch vụ ka 1 ye tacei urang tapa gah nan piah tauk thẻ meyah thẻ khut atau salih angan po radaih atau radaih hu dom menuac nao pah radaih, kol dahlak tacei brei tuai thau”.

Ong Hồ Trọng Vinh, Phaok Yam ndok Cty TNHH thu phí tự động VETC, sa dalam 2 gah pabak jeng ndom lac, bruk tauk thẻ hu doanh nghiệp ngak catang, nan ye oh meda hu bruk “tài khoản ảo”. Doanh nghiệp daok kham merat abih drei piah daong ka tuai tut angan, klah dom bruk meriak gauk hadei ini:

“Ngan saong VETC, tuk tauk thẻ brei hu thaot piah pasang iek veik thông tin di po radaih. Thông tin nan oh njauk lac hu yaom di urak ini bo daok brei ka harei hadei. Kayua yau nan ye, kol dahlak brei paglaong hatai sangka piah oh caik rah tabiak bruk ini”.

Oh hu rilo tukvak piah langyah chip dom bruk tamuh tabiak, dom po radaih njauk bala di bruk klaik mek thông tin tut angan dahlau, hu rah tabiak haong bruk tài khoản ảo, sim rác. Gah pabak dịch vụ, oh lac gah halei karei, brei hu jalan daong ka dom po radaih njauk tut angan dahlau thông tin, daok suai lavik, brei ba tabiak hu dom jalan ngak khang piah pacang cakak bruk ini. Daok gah po radaih, rilo po radaih hu panuac caong hu jalan ngak palagaih ka urang samar padang tài khoản, atau salih gah pabak di mangaok online piah takik abih tukvak nao mai. Sa-ai Nguyễn Thế Hùng, daok di ban raya Hồ Chí Minh caong lac:

“Tui dahlak mboh, ngan saong dom radaih njauk tut angan dahlau tài khoản, meyah po radaih yar tabiak hu ginup harak gar, ye gah pabak dịch vụ daong palagaih piah padang tài khoản bahrau, atau salih tapa gah pabak bo po radaih caong khin piah abih takik tukvak nao mai”.

“Taong abih dom gah, lac jabat khik ramik, gah đầu tư, po radaih saong gah pabak dịch vụ jeng brei samu gauk anak adat hukum”, nan lac panuac di ong Lê Đình Thọ - Thứ trưởng Mintri Jalan mbak Pajeng ba di mbang ndom biai nao mai ka bruk thu phí tự động oh padeih radaih kayua Cổng thông tin điện tử Rajaei peih tabiak bahrau ini. Kayua yau nan ye, dom gah pambuak tal njauk pasang iek, hu jalan langyah ka nyu salah dom tavak tavaiy dahlau di harei 5/8, ngak habar piah ba mai dịch vụ siam di abih, piah ka bruk thu phí điện tử oh padeih radaih, jeng kein lagaih ka bhap bini tuk peih radaih nao mai angaok dom jalan cao tốc dalam taneh ia./.

Urang lang: M.Phuong- 5/8/2022