Pok daong ini daok dalam danak dak “daong Hệ sinh thái dom doanh nghiệp ngak salih bahrau menuac sia di Việt Nam pacang caga haong jit Covid-19 (danak dak ISEE-Covid) hu peih tabiak ngak meng bilan 4/2022, piah daong dom doanh nghiệp ngak salih bahrau menuac sia (SIB) ngak bruk dalam gah ngak nong saong du lịch hu pato pakai dalam 6 bilan saong taduan 100 triệu đồng phun jien asar pajaih piah ngak iek saong pasiam dom bruk ngak mbang pablei salih, saong pambak praong dom tác động xã hội daok kandauk dalam. Ong Lê Mạnh Hùng - Akaok Cục patagok doanh nghiệp – Mintri Kế hoạch saong Đầu tư – ndom lac: “Kol dahlak mboh, oh njauk lac tok hu 29 doanh nghiệp harei ini, lac dom doanh nghiệp gheih di abih, caong lac hadei di tuk hu pok daong hadei di 6 bilan meda tagok biak rilo, khang kajap di anak tal. Min praong jang lac kol dahlak caong khin dom DN daok patui bruk klah rabha dom thaot binguk saong ilamu di drei tuk peih ngak dom bruk ngak mbang pablei salih bahrau, khang kajap ka doanh nghiệp karei, ka dom ilamu jak jeng ini” 

Hu rilo hatai sahneng bahrau, biak gheih meng dom doanh nghiệp ngak salih bahrau menuac sia kayua urang kumei ngak po hadei di tuk hu taduan pok daong, meng ngak pandap Việt Nam siam tal dom hatai sahneng biak gheih, pandar  ấu trùng ngak brei pandap mbang labaih jeng khak hữu cơ, atau jalan ngak padai bahrau daong patak pataom phun jien, trun khí sang camin. Meng bruk peih pabah mbang veik di du lịch Việt Nam, dom bruk sahneng duah bahrau yau “nhà hàng dalam sup”, du lịch cộng đồng sáng tạo, atau pandar bruk trun chất thải dalam gah du lịch meda tagok samar di anak tal, ba jien tame ka doanh nghiệp. Bruk ini brei mboh Danak dak ISEE-COVID hu daong padang sa Hệ sinh thái khang kajap piah daong dom doanh nghiệp ngak jeng tác động xã hội peih praong saong cakrok jak jeng. Ong Brian Allemekinders – akaok mban pambuak bruk patagok - Đại sứ quán Canada taong yaom: “Dom SIB taduan hu bruk daong di danak dak jeng hu dom dalikan padang mbang ngui biak chreih chrai gam haong dom jalan ngak mbang pablei salih hu kein laba piah thuyết phục dom urang dalam mban giám khảo. Kol dahlak caong lac, pok daong dom doanh nghiệp ngak salih bahrau menuac sia pacang caga haong Covid-19 meda pabak ginup dom pok daong piah urang ngak iek saong ba tabiak ngak dom jalan sahneng bahrau di drei piah daong ka menuac sia, abih di nyu lac dom kapul mbuan gaok kan kandah”

Dalam peih ngak dom bruk patagok khang kajap, dom doanh nghiệp ngak salih bahrau menuac sia (ieu katut lac SIB) gam rik daong tame patagok kinh tế, gam pambak tal xã hội saong môi trường tapa bruk ba brei bruk ngak saong pabak pandap panda, dịch vụ brei kapul mbuan gaok kan kandah dalam xã hội. Pok daong Doanh nghiệp ngak salih bahrau menuac sia pacang caga haong Covid-19 biak hu makna saong njauk ngak, samar drah saong abih gah meng jien padai saong ilamu kỹ thuật piah daong dom doanh nghiệp SIB lang talaih kan kandah, pasiam veik bruk ngak mbang pablei salih hadei dom kan kandah di jit Covid-19, pambuak pagam haong dom jalan ngak, dom sarak di Rajaei, Thủ tướng Rajaei. Sa-ai Lương Thị Kiều Thuý – urang padang tabiak tiem papah khan ao lac urang tangaoh, Yam ndok Sáng Group khan lac:“Dalam 2 thun meng bloh doanh nghiệp biak glaih glar piah yam tapa jit praong saong tukvak ini, kol drei biak patuah tuk taduan hu pok daong meng ISEE COVID, tuk bruk ngak di dahlak lac sa bruk nhượng quyền kinh doanh xã hội hu daong bloh saong hu sa angan je di drei mangaok darak pasar, daong ka dom menuac tangaoh yau dahlak hu bruk ngak, hu rik daong tame bruk kinh tế saong patrun bruk iek lap urang jaoh jo.”

Yaom lac Việt Nam hu 1 hệ sinh thái daong dom doanh nghiệp ngak salih bahrau menuac sia (SIB) daok tagok samar saong chreih chrai, dom doanh nghiệp ngak brei pambak tal xã hội di Việt Nam jeng daok dang anak rilo cuang kandah piah padang 1 bruk ngak mbang khang kajap, gam hu kein laba, gam pambak tabiak rilo bruk siam ka xã hội, abih di nyu lac anak dom kan kandah di jit praong COVID-19. Min meng dom pok daong yau nan, meda daong ka doanh nghiệp khang hatai jang, tagok yaom glaong kaya pandap saong dak hu makna jang, abih di nyu lac pasiam veik hadei di tuk jit praong COVID 19./.

Urang lang: M.Phuong -4/8/2022