Tal urak ini, bhum taneh cách mạng xã Mỹ Phước oh padeih hadah hadai

Dalam 2 bruk mesruh pacang kol Prang haong kol Mỹ, glai glam Mỹ Phước lac labik daok, labik ngak bruk di cách mạng. Kayua yau nan ye, kol khamang nyu pacang cakak biak catang, gam haong nan kol nyu bhian peih dom mbang taong tame praong, hu pháo binh, kapal haoh palao mbom saong palao trun labik ini yaok rabau tấn bom - siu piah palai palahik labik căn cứ Tỉnh ủy, min oh jeng. Labik căn cứ Tỉnh ủy Sóc Trăng jeng daok hu salamat, daok hu mbaok mbiah tal harei gah meraong negar hu peih paha.

Mai xã Mỹ Phước dalam dom harei ini, kol dahlak duah tal sang ong Võ Văn Bền daok di ấp Phước An B. Ong Bền lac sa dalam dom urang dahlau daih ngak bol lin hu buh rilo prein yava ka cách mạng. Meng gah dalam baoh sang maong tabiak jalan tuh nhựa daok hu dom radaih patuh, radaih oto peih nduac samar, ong Bền khan lac, dom thun mesruh metak, bruk ngak mbang, KTXH di Mỹ Phước kan kandah lo, njauk mesruh metak palai pajoa biak trak. Tuk sron mbon - hòa bình, bhap bini dalam palei kham merat ngak mbang, pala drak, gam haong bruk sangka di Đảng, Karja saong di urang jakar palei, urak ini, jalan điện, jalan mbak, sang bac, bilai iek ruak dalam xã hu padang ngak siam. Ong Bền lac: “Jalan mbak, bilai iek ruak jeng hu ngak bloh, anek bhik di drei hu nao bac da-a tal labik tal dhua. Dahlau daih mikva drei pala tabau kein laba oh hu hadom, urak ini mikva salih tapa ngak padai, pala tràm ye hu kein laba kinh tế, jien mek tame di mikva hu tani tanat, raidiuk jeng hu tani tanat, dahlau daih kan kandah lo, urak ini salih bahrau ye.”

Meng hadei di harei peih paha thun 1975 tal urak ini, mbaok meta palei pala di xã Mỹ Phước hu rilo salih bharau. Meng thun 2015 tal harei ini, bhap bini dalam xã biak kham merat salih phun pala, janih raong, abih di nyu lac dom bhum taneh takik kein laba salih tapa ngak padai siam, chất lượng glaong, hu pambuak bruk haong dom doanh nghiệp. Xã hu padang 2 HTX saong 3 kapul pambuak gauk ngak, mek hu kein laba glaong, ini lac labik pambuak gauk piah pablei pandap, meng nan, dui pachreih hu rilo xã viên hu mbaok tame. Langiu di nan, xã daok hu cakrok rilo bruk ngak mbang kinh tế hu kein laba glaong yau ye: bruk raong ada ia, raong ba ba, raong ikan haong ngak padai, raong ikan haong pala caraih, lanung.. daong ka bhap bini patagok bruk ngak mbang.

Gam haong patagok kinh tế, xã hu buh jien brei padang ngak Phòng khám đa khoa khu vực piah iek glang prein yava ka bhap bini, sang bac, tal bac  hu padang ngak khang kajap, siam mekre, tal urak ini xã hu 4 dalam 6 sang bac mek hu chuẩn pakat negar. Abih di nyu lac, dom sarak an sinh xã hội tuk halei jeng hu caik hatai sangka, jaik abih dom sang sarak karja saong sang kan kathaot jeng hu sang daok siam mekre, ginup tiêu chuẩn 3 khang, dom sang pandar điện haong ia hacih hu labaih 99%. Jalan mbak palei pala hu ngak siam, daong palagaih ka bruk nao mai saong pajeng ba, pablei salih pandap panda, rik daong patagok dom sang ginup, meda hu labaih 80%, sang kan kathaot, jaik si kan kathaot daok mala 10%.”… Ong Trần Văn Tâm, Bí thư Đảng ủy xã Mỹ Phước brei thau: “Hu bruk sangka di Huyện ủy, UBND huyện, bruk tacei pato samar drah di Đảng ủy, UBND xã, nan ye hu ngak jeng mbaok meta bahrau, prein diukrai bahrau dalam xã, hu dom jalan bê tông, dom baoh sang bahrau praong, siam, jalan điện, jalan mbak, sang bac, bilai iek ruak hu ginup abih, raidiuk bhap bini hu patagok, mbaok meta palei pala dak harei dak salih bharau. Hệ thống chính trị khang kajap”.

Tukvak tapa, xã Mỹ Phước jeng hu patagok kein lagaih inem krung sajarah lac glai glam Mỹ Phước, labik căn cứ di Tỉnh ủy Sóc Trăng hu pok brei angan lac inem krung sajarah cách mạng pakat negar. Meng hu jalan tame labik căn cứ hu sangka buh jien tame ngak pasiam, xã hu taduan raok rilo kapul tuai du lịch mai ravang iek.

Patagok ilamu bhum palei anh hùng, bhap bini dalam xã Mỹ Phước jeng kham merat ngak mbang, cakrok kinh tế. Meng bruk buh jien tame ngak rilo bruk, rilo danak dak, urak ini, mbaok meta palei pala, raidiuk, bruk ngak mbang ngak huak di bhap bini dak harei dak cakrok, patagok./.

Urang lang: M. Phuong – 02/09