Ong Hà Tấn Lực daok di xã Bình Thành, huyện Phụng Hiệp, tỉnh Hậu Giang brei thau: Thun 2019, mai meng hu kanja pakat palei pala pathau khan, jak ba, ong hu sanang hatai brei ka anek likei di drei nao tapa Japan ngak bruk takhaok, kulik juak. Hadei di 3 thun ngak bruk gait gilac mai palei negar, ngan haong kadung jien patak pataom mang nan mai, anek likei di drei blei taneh, ngak pasiam veik sang danaok saong peih kuan pablei salih, meng nan mai rai diuk baoh sang di ong dak harei dak mboh tagok. Ong Lực khan brei thau lac:“Tapa nan ye mboh raidiuk, bruk ngak jeng sanang, min tapi di labih nan oh brei mon ngak langiu, mbang jien bilan sahaja, sa bilan hu labaih 28 trieu. Kuhria labaih klau thun pataom hu labaih 700 triệu đồng. Mang thun blaoh nyu mai sang blei taneh, gam brei jien ka drei pasiam veik sang danaok, langiu di nan nyu daoh daong brei ngak pasiam ini deih, blei ini deih.”

Tukvak masa blaoh tapa, di puk palei Thạnh Mỹ B, xã Bình Thành, huyện Phụng Hiệp hu 15 urang nao tapa Japan ngak bruk. Hadei di blaoh masa pambuak bruk ngak gilac mai palei negar, rilo urang nyu pataom hu labaih meng 300 tal 600 trieu dong piah ngak jien phun ba tame bruk ngak mbang patagok raidiuk baoh sang di drei. Bruk ngak hu lagaih sanang, jien mek tame glaong, raidiuk hu karo, pachreih hu rilo urang ngak nao ngak bruk di negar langiu. Ong Phạm Văn Bảy- Bí thư gam lac Akaok puk Thạnh Mỹ B, xã Bình Thành, huyện Phụng Hiệp brei thau lac: “Piah ba kein lagaih ka raidiuk dalam sang, mang tukvak masa blaoh tapa mboh labaih sapluh dom urang nao ngak mbang nagar Japan. Thei nao mai jeng mboh raidiuk baoh sang hu tagok. Jien padai mek hu ba mai sang hu yaom hu kein lagaih. Urak ini mboh mang 6 tal 7 urang daok duah harak piah tut tangin nao ngak bruk di langiu nagar”

Dahlau deih tuk ndem tal bruk nao ngak bruk di langiu negar, rilo urang daok huac daok kanda. Rilo urang ngak amaik ame mboh daok haduh hatai ka anek mbik di drei nao ngak mbang ngak apah di atah palei atah negar, oh thau raidiuk nan yau habar, ka oh ndem tal jien padai ngak harak gar jeng ye bruk kadah cuang kandah bruk mboh biak praong ngan haong rilo baoh sang kan kathaot. Min tapi, dom thun barau jaik di ini, tinh Hậu Giang hu pambaoh tangin haong dom nagar: Korea, Japan, Taiwan (Cina)…, dak daong urang ngak ngan haong jien bilan lagaih haong urang ngak. Langiu di nan di nan, Pasak Daong bruk ngak tinh hu pambuak haong Gilang Jien sarak kanja dhan Hậu Giang saong dom kapul hu pambuak tal peih bruk pathau khan ka sarak daong ba ka urang nao ngak bruk di langiu negar tui harak pambuak gauk; Pambuak haong dom tinh, ban pathau khan ka dom bruk ngak daok roh duah, tanut jien bilan tuk nao ngak bruk di negar langiu tal rahra; Pathau khan ka darak pasar ngak bruk di negar langiu tapa internet… Mai meng nan ba kein lagaih ka rahra hu hatai caong nao ngak bruk di negar langiu.  

Ong Nguyễn Văn Tính- Pho Akaok Jabat Lao động- Thương binh saong Xã hội huyện Phụng Hiệp brei thau lac, thun ini huyện Phụng Hiệp hu jao kakei brei hu 131 urang nao ngak bruk di langiu ngar. Mabih tal tuk wak masa ini, Phung Hiep ba hu 45 urang nao ngak bruk di langiu nagar:“Jabat Lao động, Thương binh saong Xã hội huyện Langiu janih pathau khan jeng hu pambuak haong Pasak pacheih bruk ngak tinh peih Labik pambuak bruk ngak brei ka labaih 70 urang bahrau blaoh masa ngak bol lin tabiak ngak piah yaih khan jalan nao ngak bruk di negar langiu. Langiu di nan, Jabat daok yaok pataom angan meng dom xa, ban sit hu tut angan nao ngak bruk pak Korea, Japan, Đài Loan piah ngak asal kadha ba urang ngak nao ngak bruk di negar langiu, tani tanat jalan ba tabiak dalam thun 2023.”

Thau lac bruk nao ngak bruk di langiu negar ieu lac sa janih sa jalan ngak, sarak praong di Ndang saong Kanja piah ba bruk ngak, patagok jien mek tame ka urang ngak, ka sang danaok jeng ye daong rik tame bruk patruh eik patrun kathaot khang kajap karo di bhum palei, kayua yau nan ye dalam tukvak masa tapa, Hậu Giang hu kham marat peih ngak rilo jalan piah peih ngak siam lagaih bruk peih bruk ngak ini. Meng akaok thun mai, Hậu Giang hu ba 512 urang tapa dom negar, bhum taneh ia, yau ye: Japan, Đài Loan (Cina), Korea, mek hu jaik 94% jalan ba tabiak di thun 2023. Urak ini daok hu labaih 300 urang ngak tame ngak dom bruk, daok cang raok nao tabiak ngak bruk di negar langiu./.