Hậu Giang ngak du lịch meng pandap di palei

Labaih 40 thun kak kajap haong boh menaih Cầu Đúc, lac tuk vak ginup atah piah ong Vu Sủi daok di  xã Hỏa Tiến, ban Vị Thanh, tỉnh Hậu Giang thau hu dom trun tagok di janih boh kayau ni. Kayua lac bhum taneh njom likhun, dahlau deih hu tuk vak njauk ia mbak njom tame, pala padai oh hu hadom, nan ye ong Sủi mboh lac tok hu phun menaih lac lagaih.

Lac urang pala menaih rai ka 2 dalam sang, tui jalan “ame ngak bloh tal anek”, meng 6 ha taneh pala menaih, ong Vu Sủi duah hu dom rituh  triệu đồng yaok thun, sahnang  hatai dok veik haong bhum taneh njom likun. Hadei di rilo thun patagok, ong dang tabiak padang HTX nông nghiệp Thạnh Thắng, pataom hu labaih  100 mik va urang nong hu mbaok tame pala ngak di mangaok mblang taneh praong jiak 180 ha.

Pala menaih duah hu jien tani tanat , kayua janih baoh ini hu doanh nghiệp blei veik abih, pablei tapa dom darak  pasa  Châu Âu, Nhật Bản, Hàn Quốc, nan ye sahanang hatai hu labik pablei. Urak ni, baoh menaih  Cầu Đúc di HTX hu harak  chứng nhận VietGap song dok ngak tui tanut  chuẩn Global Gap. Langiu di nan, hu bruk dong di pasak pachreih nong  song  Dịch vụ ngak nong tỉnh Hậu Giang, HTX khang hatai ba tame pandar jalan pruh ia thông minh, pambuak song dom ar pacang hu buh jien tame ngak siam, nan ye bhum hu ia taba piah pala drak luac thun.

Ong Sủi tong yaom bhum taneh Hỏa Tiến harei ni “bingi lo”, bruk pablei kaya nong hu mbuan lagaih jang biak rilo. Langiu di nan, labik ni dok jeng labik du lịch sinh thái, pabak jien tame ka  mik va dalam bhum. Meng ni, HTX jeng mek dom menaih sit piah ngak dom pandap yau: ia sambo menaih , siro menaih, ngak alak, song anak tal meda ngak menaih thu, menaih piah ngak tai ka har  kem pablei ka tuai du lịch, rik dong paglong yaom kaya nong ka mik va xã viên.

Tui yaok pataom di  UBND ban Vị Thanh, bhum taneh likun di  xã Hỏa Tiến hu labaih  2.000 ha taneh pala menaih. Dok dalam danak dak patagok ngak nong tuk vak  2021 – 2025, UBND ban mboh lac padai song menaih lac 2 janih phun pala praong. Taeng phun menaih, tal thun 2025, ban brei padang bhum pala ngan song taneh pala labaih  2.500 ha, pala tui tanut chuẩn VietGap, GlobalGap.

Muk  Trần Hoa Phượng, phaok akaok  UBND ban  Vị Thanh brei thau, ban jeng daok kuhria patagok  meng  5 – 7 pandap  OCOP, meng menaih song peih prong bruk  du lịch cộng đồng, piah paglaong rai duik bhap bini.

Jeng hu hatai sahneng ba kaya nong ngak du lịch, Bảo Gia Trang Viên Farm di  huyện Châu Thành, tỉnh Hậu Giang sahneng tabiak bruk  du lịch trải nghiệm. Meng bruk pambuak gauk  di mô hình nông trại song bruk ba drei tame duah thau bruk di anak meta, brei ka dom urang halei takre, duah thau bruk ngak nong hacih, bruk pala drak, iek glang dom janih phun mbang boh, jeng dui pachreih hu rilo tuai damuai. Muk  Nguyễn Thị Ngọc Sương, khik ramik  Bảo Gia Trang Viên ndom lac, langiu di bruk pablei ka drak pasa dom janih kaya nong hacih saat hu ngak tui jalan hữu cơ. Bảo Gia Trang Viên farm dok cong khin tuai damuia, abih di nyu nan lac dom auyt sit hu thau jang ka langik tasik, alam môi trường.

Meng jalan ngak ni bo meng akaok thun tal ni, tỉnh Hậu Giang dui pachreih hu labaih  160 ribau mbang tuai mai rivang  main, dalam nan tuai dunya hu labaih 2 ribau mbang. Ba mai pok jien meng bruk du lịch mek hu  73 tỷ đồng. Yaom lac du lịch dok oh ka jeng prein khang di tỉnh Hậu Giang, min meng jalan sahneng ngak dom pandap panda, ndung bak taneh song menuac Hậu Giang, Tỉnh dok kham merat, piah ngak tabiak rilo pandap karei di drei, ba bui sambai, chreih chrai ka tuai dok dalam song langiu negar./.

Urang lang: Hani Pha – 08/10