Hoa si Che Kim Trung

  Ong Lý Dusô, Akok Ban đại diện urang Cam Islam ban raya Hồ Chí Minh lac sa dalam dom kareih camin dalam bruk jak ba “ Bac megru saong saong ngak tui jalan diukrai hadah krah di HCM”. Meng bruk ngak di drei, ong  Lý Dusô hu ja ba mikva Cam ngak njauk tui dom jalan tacei ba, dom sarak di Đảng, hukum di Karja,  dom  bruk ba tabiak di palei. Ong tuk halei jeng hadar kanal panuac pato di Wa Ho piah pato pahadar anek taco diuk rai siam gheih, tari taring ngak bruk, bac da-a, ngak rilo bruk kein ka sang danaok saong ka puk paga. Ong khan  ka bilan Ramadan do bangsa Cam biak jaik haong jalan hadah krah siam mekre di HCM. Bilan Ramadan brei mboh bruk ein mbang huak piah klah rabha lisei ia, khan ao, yaok urang, yaok baoh sang yaok harei klah veik meneing lisei piah daong ka urang kathaot. Bruk ngak hu makna nan di urang Cam Islam jeng dreih yau bruk Wa Ho tuk daok di dunya yaok harei hu piah veik sa kacao brah buh tame khang brah daong ka urang eik lipa. Ong Ly Duso khan lac:  

Meng hatai praong uranam brei ka Wa Ho, luac labaih 10 thun tapa, urang kumei họa sĩ banga Cam lac Chế Kim Trung hu ba abih bruk naih gheih, ba abih hatung hatian tabiak piah cih dom blah rup cih ngan saong kadha “Bac megru saong saong ngak tui jalan diukrai hadah krah di HCM”, dalam nan hu dom blah rup cih yau ye: “ Palei Cam dhar phol Wa”, “Urang Cam ngak tui panuac Wa”, “Bhum Meraong negar dalam hatai Wa”…Sa-ai Chế Kim Trung brei thau:

“ Thaok bingu Wa Ho yau hu dalam hatai dahlak meng lavik mai paje. Hu yau nan, tal tuk dahlak cih tavak thaok bingu, rup thaok Wa Ho biak mbuan mbiah haong dahlak…”

Urang lang: Ai Nghiem - 3/2/2022