Pala sa ha baoh kruac aik oh hu asar rilo thun min ong Nguyễn Trung Chánh daok di xã Đông Thạnh, huyện Châu Thành tok hu sahanang hatai, bui sambai tuk 2 thun dahlau ong taduan panuac pambuak saong HTX baoh kayau sinh học OCOP. Kayua lac meng tuk nan mbiah tal ini, yaok thun bein kruac aik di ong hu meng 40 - 50 tấn baoh min ong oh huac ka  yaom  kaom  jeng yau darak pasar pablei tabiak.

“Meng tuk HTX padang tagok ye gah ini pambuak bruk ngak tui jalan di HTX piah pablei ka HTX. Ngak tui GlobalGAP pablei tapa hu Châu Âu. Meda lac drei ngak tui jalan di HTX ye yaom glong jang urang blei gah langiu meng 2.000 đồng sa kilo tagok.”

Dalam  2 thun tapa, langiu di bruk pambuak saong urang ngak nong padang dom bhum taneh pala darak tui ilamu birau, HTX baoh kayau sinh học OCOP daok pataom tame pambuak bruk saong dom gah dalam saong langiu negar. Urak ini, HTX pablei baoh kayau brei ka jaik 100 urang saong rilo urang ngak nong  dalam tỉnh  tapa bruk mbaoh tangin tame harak pambuak bruk haong dom gah dalam saong langiu negar. Thun dahlau, yaom lac jit ruak Covid-19 rah tabiak khang, min HTX jeng hu daong ka urang nong pablei hu tal labaih 2.500 tấn baoh kayau, jien mek tame hu labaih 71 tỷ đồng.

Tui ong Trần Bá Sơn- Yam ndoc Hợp tác xã baoh kayau sinh học OCOP, bruk praong bo HTX pamong tal dalam vaktu 2022 – 2027 lac patui bruk peih praong pandap kaya nong pablei tabiak darak pasar dunya, anak meta lac baoh darang saong panat, gam peih praong taneh pala kaya nong hu harak GlobalGAP, mã labik pala.

Hậu Giang hu labaih 40 ribau ha taneh pala phun mbang baoh. Meng dom pandap hu pok brei angan OCOP hu daong ka urang ngak nong pablei hu rilo jang meng 1 mbang meteh tal 2 mbang dut saong tuk oh ka hu pok brei angan. Tuk HTX baoh kayau sinh học OCOP tabiak rai hu jeng labik pambak tame khang kajap ka rilo urang nong, daong ka urang paglaong yaom kaya nong, patui jalan patagok baoh kayau pablei tabiak  kayua hu labik pablei tani tanat. Ong Trương Cảnh Tuyên - Phaok akaok  Thường trực UBND tỉnh Hậu Giang brei thau, tỉnh tuk halei jeng hu jalan ngak lagaih piah daong ka urang nong saong HTX cak rok patagok:

  “Dalam tuk vak anak tal khol dahlak pataom tame, jao ka yaok bhum palei kham merat yaok thun meng 4 - 5 pandap OCOP, brei ngak dahlau kaya nong dalam tỉnh. Meng jalan ba tabiak ngak cambiac laic, khol dahlak brei daong ralo abih tapa dom jalan ngak, sarak, ba mbuan lagaih ka dom D.N cak rok patagok pandap OCOP dalam tukvak anak tal.”

Meng sami samar dalam bruk ngak tabiak pandap pablei salih, bruk kham merat ba dom pandap kaya nong OCOP di bhap bini Hậu Giang nao pablei di dom darak pasar dalam saong langiu taneh ia, HTX baoh kayau sinh học OCOP hu jeng labik pambak tame khang kajap ka urang nong Hậu Giang patagok kinh tế, patagok glaong di abih prein khang  lagaih di bhum palei./. 

Urang lang: Ai Nghiem – 30/5/2022