Palei Nà Khau, xã Đồng Tâm, huyện Bình Liêu, Quảng Ninh lac palei biak kan kandah, bruk sahaneng di rahra ka hukum daok bier. Dom adat cambat oh daok lagaih. Kayua yau nan ye, dalam bruk dakwah pathau khan di dom puk palei bhum glaong gaok biak rilo kan kandah. Tui saai Nguyễn Thị Kim Oanh, urang jakar ngak gah tư pháp xã Đồng Tâm brei thau:

"Dahlau abih lac ilamo rahra dalam xa ye daok biak bier. Dua veik lac rahra dom urang sap Yuan oh thau cambaih, bruk dakwah pathau khan bo dom urang jakar nao tal puk palei, dom sang ilamo piah pathau khan lac njauk pamaong tame urang pan akaok puk palei langyah gilac veik, ndem gilac dom asal kadha bo drei pathau khan ka rahra, nan ye rahra meng thau cambaih hu dom asal kadha nan".

Paglaong bruk dakwah pathau khan hukum di labik, abih di nyu nan lac bhum atah bayah, Mban Bangsa tỉnh Lào Cai hu kham marat pambuak gam haong dom pakat, dom gah hu rilo jalan langyah, jalan ngak cambaih laih. Meng nan, rik tame paglaong hatai sahaneng, ngak njauk tui hukum di bhum mikva urang bangsa takik.

Sang amuk Thền Mây Phấn, daok pak palei Đội 2 gam haong yaok ratuh baoh sang mikva urang bangsa Nùng pak xã Nàn Sán, huyện Si Ma Cai bhian hu dom gah chuc nang dakwah pathau khan ka dom adat di hukum saong dom jalan ngak, sarak cak rok patagok bruk mbang ngui. Tapa dom bruk ngak mbang, duah jien, raidiuk di mikva dak harei dak cak rok patagok, anek mbik hu nao mbang bac dak harei dak siam jang:

 "Raidiuk di drei urak ini jeng salih lagaih jang dahlau deih, anek drei hu nao bac tal labik tal dhua abih, hu bruk ngak drei meng brei tok diuk, tok pasang".

Ong Lồ Xuân Chô, Akaok Jabat Bangsa huyện Si Ma Cai brei thau, kayua ngak njauk tui dom adat di hukum, rahra kham marat pandar dom sarak ba tame raidiuk:

"Dom jalan ngak, dom sarak di Kanja ba mai tal dom xa jeng ye tapen negar ye hu danak dak bruk ngak negar ka bruk cak rok patagok kinh te – xa hoi bhum mikva urang bangsa takik jeng hu ba tame langyah dom bruk, pagap yau ia pandar ka rahra, peih praong dom labik jalan mbak puk palei, lagaih ka bruk nao mai, pajeng ba pandap panda".

Brei thau bruk dakwah pathau khan ka mikva lac bruk ngak hu yaom glaong, nan ye gam pathau khan hukum tapa dom mbang nyaom, ginum biai ye bruk pathau khan hukum tapa dom mbang pakacah, roh duah hukum kayua Mban Bangsa tinh peih ngak hu kein lagaih biak cambaih, daong ka mikva bac hu veik rilo ilamo hukum. Saai Vừ Thị Sung, daok pak palei Kin Sáng Hồ, xã Pa Cheo, huyện Bát Xát brei thau:

"Patui veik peih bruk dakwah pathau khan asal kadha bo xa dahlak payua tal dalam mbang pakacah harei ini lac roh duah, bac ilamo saong ngak njauk tui hukum lac kein laba saong bruk ngak di yaok bol bhap rahra".

Tui ong Trần Phùng, Phaok Akaok Mban Bangsa Lào Cai, tal puac bilan 6, Lào Cai hu peih ngak labaih 1 ribau mbang dakwah pathau khan ka mikva urang bangsa takik, meng nan rik tame paglaong hatai sahaneng ngak njauk tui hukum di rahra, rik tame dak padang palei pala hu saron mbon, cak rok patagok:

“Bruk dakwah pathau khan parilo asal kadha ini bo dalam tukvak masa bahrau blaoh, kon dahlak jeng thau, nan lac bruk ngak suan adat hukum di mikva dak harei dak mboh trun, bhum palei di kon dahlak jeng dak harei dak patagok saong dom khau tin pambuak tal hukum, blaoh dom bruk peih ngak sarak ye thei thei jeng thau”

Bruk dakwah pathau khan hukum ka mikva hu Ndang saong Kanja bhian paglaong peih ngak, min urak ini jeng daok gaok rilo cuang kandah. Kayua yau nan ye, bruk paglaong kein lagaih di bruk dakwah pathau khan hukum ka mikva urang bangsa takik lac sa bruk ngak samar drah ba tabiak dalam bruk dak padang, cak rok patagok kinh tế- xã hội khang kajap dalam zaman mbeik drei yam tame dunya urak ini./.